إستفسار من الخبراء و بالأخص أستاذ ممدوح

**golden_web_2007** · 04-11-2012 01:34 AM

السلام عليكم اولآ
و كل سنة و كلكم بخير ثانياً

ليا إستفسار كدا بسيط محتاج رأيكم فيه ..

(1) انا هغير طقم كاوتش صباب قريباً و بالتالى طبعاً جوان وش السلندر هغيره كمان عشان الماتور بيجيب زيت من فترة .. سؤال بئا .. بعد تغيير الحاجات دى هضطر اغير زيت تانى ولا الزيت اللى فيها هيفضل موجود .. اصل انا مغير زيت من فترة بسيطة و مش عاوز اغيره تانى بصراحة ..

(2) الدبرياج عندى تقيل شوية .. سمعت ان فى حاجة اسمها الفورش بتتغير .. الدبرياج بيكون ناعم جداً بعد التغيير ده .. سؤال بئا .. هل تغيير الفورش يستدعى حل الفتيس و كدا و لا ممكن أغير الفورش بدون فك الفتيس ..

و شكــراً جزيلاً لكل اللى هيفيدنى بمعلومة .. ألف شـــكــــر ليكم ..

**Ahmed Nasser** · 04-11-2012 01:44 AM

بالنسبة لزيت الموتور
ممكن تخلية عادى بس ماتكملش علية كتير بعد الفك
ممكن تخلية يعمل معاك 100 كيلو وتنزلو زى نظافة وكدة

بانسبة للفورش لازم تنزل الفتيس
وانا كان عندى نفس المشكلة وغيرت طقم الدبرياج
وبعدها بقى حرير بمعنى الكلمة
لدرجة انى لما ادوس علية بحس انة مش هيرجع تانى

**مصطفى دايو** · 04-11-2012 04:06 AM

بالنسبه للزيت ممكن تخليه بالنسبه لتقل الدبرياج من الد سك والفرش مالوش غلاقه بالتقل غير طقم دبرياج دسك واسطوانه وبليه مصطفى دايو

**dedi** · 05-11-2012 12:03 PM

هو ماعلش ممكن اسال حضرتك ححدت عيب الصبابات على اساس اية بالتفصيل لو سمحت
انا معى السيارة بتطلع دخنة خفيفة فى الصباح و نقص زيت خفيف و لما رحت للميكانيكى لم يحبز انة يشتغل او يغير الصبابات و قال انة ممكن يفتح شغل فى الموتور على اساس الصبابات و نفاجا بان الموتور محتاج شغل عمرة او شمبر فكدة الشغل سوف يفتح فهل دة كلام صح و لا فتى و خلاص

**مصطفى دايو** · 08-11-2012 12:19 AM

دخنه الصبح اويل سيل صباب المكانيكى بيحل وش السلندر وتودى الوش للخراط وتشترى اويل سيل بحوالى 65 ج والخراط هياخد حوالى 100ج مصطفى دايو

**Ahmed Nasser** · 09-11-2012 02:23 PM

المشاركة الأصلية كتبت بواسطة dedi

هو ماعلش ممكن اسال حضرتك ححدت عيب الصبابات على اساس اية بالتفصيل لو سمحت
انا معى السيارة بتطلع دخنة خفيفة فى الصباح و نقص زيت خفيف و لما رحت للميكانيكى لم يحبز انة يشتغل او يغير الصبابات و قال انة ممكن يفتح شغل فى الموتور على اساس الصبابات و نفاجا بان الموتور محتاج شغل عمرة او شمبر فكدة الشغل سوف يفتح فهل دة كلام صح و لا فتى و خلاص

كاوتش الصباب لما بيبوظ
العربية بدخن دخنة بيضة الصبح بس وبتختفى لما العربية تبرد

**blazer** · 09-11-2012 02:51 PM

انا عندى مشكله غريبة
وهو ان العربيه لما بمشى مشوار سفر
400 كيلو مره واحده مثلا
بلاقى الزيت نقص كتيير
يعنى انا سافرت شارم ورجعت " 1500 كيلو " لاقيت الزيت نقص كيلو وربع مع انه كان عند الماكس قبل السفر علطول والمية منقطتش ولا نص سنتى فى القربه
انما جوه البلد الاقى المية تنقص كل اسبوع كوباية او اتنين
مش عارف ايه المشكله
والعربيه مش بتدخن والشكمان بحط ايدى الاقى هباب اسود ناشف
واستهلاك البنزين والسحب جيد جدا والحمد لله

**Ahmed Nasser** · 09-11-2012 03:54 PM

انا عندى مشكله غريبة
وهو ان العربيه لما بمشى مشوار سفر
400 كيلو مره واحده مثلا
بلاقى الزيت نقص كتيير
يعنى انا سافرت شارم ورجعت " 1500 كيلو " لاقيت الزيت نقص كيلو وربع مع انه كان عند
الماكس قبل السفر علطول والمية منقطتش ولا نص سنتى فى القربه

ممكن الموتور عندك يكون خفيف
او يكون فى تسريب للزيت من الطبة او جوان غطا التكهات او الكارتيرة

انما جوه البلد الاقى المية تنقص كل اسبوع كوباية او اتنين
مش عارف ايه المشكله

اكيد بتستخدم مية حنفية
والمية بتتبخر بس مش عارف ازاى
لان المشكلة دى برضوا عندى

والعربيه مش بتدخن والشكمان بحط ايدى الاقى هباب اسود ناشف
واستهلاك البنزين والسحب جيد جدا والحمد لله

الهباب الاسود دة بيكون دليل على استهلاك بنزيد زيادة

**blazer** · 09-11-2012 05:23 PM

الحمد لله مفيش اى تسريب
لانى غيرت كل جوان بايظ والدنيا اتزبطت الحمد لله

انا فعلا بقالى فتره حطيت مية حنفية عشان كنت حاطط ميه موبيل ونقصل كلها لحد ما بقت كلها من الحنفية ومستحرم اشترى مية خضرا وتتسرب فمستنى اعالج المشكلة الاول
وانا عربيتى حاسس استهلاكها كويس
هو جوه البلد بيبقى عالى شوية
انما على الطريق المفتوح ممتازه