-
مشكلة غريبة مع البطاريات
مساء الفل على احلى شباب فى الدنيا ... انا عندى لانوس 2 2003 فول اوبشن عندى مشكلة غريبة جدااااااااااااا البطاريه ما بتعدتش عندى اكتر من سنه بالظبط اه والله سنه باليوم و الساعة و اللى يجنن انها بتبوظ بعد نهايه الضمان بيوم واحد بس وللعلم البطاريات كلها جافة و منها كانت فارتا المانى و مره تانية ac delcon سعودى و غيرهم كتير و الكل اجمع ان الدينامو سليم بس انا بلاحظ حاجة غريبة البطارية اول ما اشتريها بتكون لمبة البيان منوره اخضر بعد حوالى اسبوعين تقريبا بتنتطفى و بتدى لون اسود اللى معناه محتاجة شحن و عليها بتفضل كده مده السنه لحد ما تبوظ خالص ارجوا الافاده للاهمية وشكرا مقدما للجميع
-
كده يبقى الدينمو بيهيس بمعنى انه بيشحن بس شحنه ضعيف ومحتاج تغيير وهوه ده اللى بيبوظ البطاريات فى المده اللى انتا بتقول عليها واستنى برده راى الزملاء لعلى وعسى يكون فى راى تانى
-
-
متاكد انك بتاخد بطاريات انتاجها حديث؟؟
-
يا جماعة ما فيش كهربائى اروحله الا ويقولى الشحن تمام حتى بتاع البطاريات اللى انا بشترى منه بيقولى تمام والبطارية تاريخ انتاحها بيكون جديد بس مش عارف اى حقيقى السبب؟؟؟؟؟؟؟؟؟؟؟؟؟؟؟؟؟؟
-
ان راى انك تشوف الدينمو, انا كان عندى نفس المشكله بس فى 127 , واروح للكهربائى يقولى الدينمو زى الفل, وغيرت البطاريه والراجل بتاع البطاريات قلى الدينمو كويس, وبعد اسبوع كنت عند الميكانيكى فكنا بندور ونطفى العربيه علشان يظبط حاجه فى التاكيهات, وفجاه العربيه مش عايزه تنطق, طبعا مستحيل , البطاريه لسه جديده , يمين شمال مفيش , اخدت وصله من عنده ورحت للكهربائى, الدينموا تمام, قلتلوا مستحيل, اعمل فيه اى حاجه, قالى خلاص احنا حنطلعوا ننضفه ونغير حاجه كده مش فاكر اسمها عامله زى الشربون, وفعلا نضف وغير بللى ,غير الشربون ده, ومن ساعتها البطاريه زى الفل.
-
او الدينو فيه حاجة يقعد سنين مشغل العربية؟
معتقدش
بس اللي أعرفه ان لما اللمبه تدي اسود تبقى عاثزه تتشحن وممكن تقعد على كده أسبوعين بالكتير شهر ومتقلبش أخضر وده يبقى عمرها انتهى... وبالتالي بيبقى العيب في البطارية...
اللي يتناقض مع ده ان انت بتقول كذا بطارية...
بس هرجع اقورلك لو الدينامو فيه حاجة كانت ظهرت مشاكل تانيه...
هقولك على حاجة...
ممكن اول اما البطارية الجديدة تقلب اسود تحطها في عربية حد تاني تشحن لو اخضرت يبقى فعلا الدينامو فيه حاجة يا اما يبقى البطارية انتهت...
بس بشرط.. تتاكد ان معندكش حاجة بتفضي البطارية ببطء ولنفترض لمبة الشنطه مثلا معلقه او اي ماس خفي لان ده فعلا مش هيفضي البطارية علطول لكن هيقصف عمرها...
وممكن تروح لكهربائي ي)أكدلك ان مفيش تسريب كهرباء بأث شكل كان...
تحياتي
Sent from my LT18i using Forum Runner
-
ممكن تكون بتسيب شاحن موبايل في الولاعه او اي لامبه والعه وانت مش واخد بالك راجع اللمبات كلها ليلاً وانشاء الله تتحل
-
اغلب الناس بتقيس خرج الدينامو و هو معليهوش تحميل فبيديك قرايه كويسه ... تعالى بقه قيسه و العربيه دايره و سخنه ممكن تلاقى خرجه تعبان و ممكن تكون الضفيره اللى طالعه من الدينامو للبطاريه هي اللى محتاجه تتراجع
-
Content Relevant URLs by
vBSEO 3.6.0 PL2