-
الشنطه ما بتقفلش
أسلام عليكم
كل عام وأنتم بخير
من حوالى إسبوع قبل يوم الوقفه بيوم خبطتنى عربيه 132 من الخلف رغم إننا كنا واقفين في طريق زحمه و فجأه حسيت برزعه بصراحه أنا حسيت ان هاتكون هناك مصيبه
بس الحمد لله نزلت لقيت في تطبيقه صغيره في الشنطه
بس إنبارح بحاول افتح الشنطه لقتها ببتهز وما تقفلش كويس و لكن بردو و الحمد لله
بتقفل بس وهى مقفوله بتفضل تتحرك
هنزل إنشاء الله بكره أشوف سمكرى
و هبقى أحكيلكو على الباقى إنشاء الله
الله يستر طريقم جميعا
-
الحمد لله انها جت ع قد كده وحمد لله عالسلامه...
Sent from my LT18i using Forum Runner
-
الحمد لله انها جت ع اد كده
و متقلقش الموضوع غالبا ان الصاج اللي حوالين القفل تحت اللي بتتقفل عليها الشنطة اتعوج من الخبطة و محتاج تظبطه بس كده
و ديه مش محتاجة اكتر من حتة قماشة عشان الدهان و حتة خشبة تناسب المكان اللي هتدق فيه عشان تدق عليها و شاكوش و اتعامل لكن بحذر
و في انتظار تقرير عن اللي هتعمله :)
-
جرب بس تقفل الشنطة جامد شوية هتلاقيها قفلت معاك
عربيتي من ساعة ما جبتها زيرو لو قفلت الشنطة عادي بلاقيها بتتهز
لو اتعافيت عليها شوية بلاقيها قفلت معايا تمام
ريح نفسك وعدي على سمكري يظبطهالك
-
صباح الفل و الياسمين اللى عطره بيخرج من صوتكم اللى بسمعه من كتابتكم
أما موضوع الخشبه و القماشه ده بيتهيألى هيبقى صعب عليى و قلبى مش هايطاوعنى
أنا هاروح لسمكرى أحسن لأن كمان بحس لم الشنطه بتقفل الكشاف اليمين ناحيه التطبيقه بيبقى بينه وبين الشنطه سنه فرق اكبر من الشمال
عموما صباح الفل وشكرا لكل المشاركات الدكتور و إكسل و حمزه
ربنا يستر طريقنا
Content Relevant URLs by
vBSEO 3.6.0 PL2