-
صدأ القربة
المهم كنت قاعد فاضى وببص على النت لقيت موضوع عصام غنايم عن تغير المية المهم رحت لبتاع ريدياداتير ونظف الدورة وغسل القربة وقعد يحط مية ويزود بنزين لحد ما الدورة نضفت (مع العم ان العربية كان فيها مية حنفية) بعد كدة جابلة مية سعودى من عندة وحطها مشيت بيها بتاع شهرين مع العلم ان حط تقريبا 3 لتر وبعدين سمعت صوت فى الموتور وكان رأى الميكانيكى انها طرمبة مية غيرها وطبعا حطيت من هبلى بقية المية الخضرة تقريبا لتر وكملت بمية مقطرة.
حسيت بعد كدة بصوت صفارة بسيطة وانا على الاول وبتروح بعد كدة سألت الميكانيكى قالى دة الطرمبة لسة بتطبع وواحد فى المنتدى قالى احط شوية جاز فى القربة ودى لتلين الطرمبة وحطيت تقريبا 5سم (شوية صغيرين قوى) لقيت بعد كدة ان فى طبقة صدة عايمة على وش القربة ومن تحت المية لونها اخضر وبقت تنقص حاجات وبسيطة وازودها ومفيش سخونة ومتاعيشين على كدة يا ترى اعمل اية اطنش ولا اغير مية تانى ولا اية
-
عامة اللي عرفته من الميكانيكي بتاعي ان غلط التنضيف الجامد ده وخاصه بالضغط ودفع المياه
اللي عمله عندي فك الطبه ونزل الميه وحط ميه عاديه تاني ونزلها وبس
قام حاطط الميه الخضرا كلها وخلاص
واديني بقالي يومين اهو
الفرق اني حاسس ان المروحه بتقعد كتير علي ماتفتح خاصه اول مره الصبح (بتقعد كتير علي ماتسخن اول مره) وبعد كده المروحه بتفتح فتره قليله وتقفل وده يدل ان التبريد اسهل ماشاء الله
-
المية السعودى دى سيئه اصلا
حط ايديا اسبانى
-
يعنى اشيل المية اللى عندى واحط الاسبانى ولا احط مية مقطرة لانى سمعت ان مادام العربية دخل فيها مية حنفية ماينفعش الا مية مقطرة وخلاص
-
لا نزل المية كلها وغير ميه ايديا
-
طب انا خايف من المية الخضرا دى انا شايف ان المقطرة احسن يا ريت لو اراء احسن
-
ياباشا انت كنت بستعمل مياه حنفيه وميه الحنفيه دى بتعمل صدا فى اماكن معين زى الطرمبه والطبب وبتنشف جوان وش السلندر فالبتالى مشكلتك محصوره فى الاجزاء التى تم زكرها والمفروض دلوقتى تعمل كبس لدوره التبريد وتعرف منها ايه الحته اللى فيها تسريب
-
لية المية الخضراء؟ المية الخضراء افضل من مية الحنفية او المية المقطرة اولا بيها اضافات
1- ترفع درجة غليان المية عن 100 مئوية مما يقلل من الضغط فى الخراطيم والمتور
2- تقاوم الصدء وعوامل التاكل فى البلوك ووش السلندر
3- تساعد على سرعة نقل الحرارة من والى الرادياتير
وبكدة تضمن ان دورة التبريد عندك ميتكونش قيها صداء او رواسب اللى بتعوق سرعة دوران المية مما يسبب ارتفاع حرارة الموتور وبطء تبريدة
المفروض تغيير المية الخضراء كل 6 شهور مع غسيل دورة التبريد وذلك لان المادة الفعالة فى اى نوع من المياة الخضراء يقل مفعولة وتركيزة مع الأستعمال بالأضافة لتكون رواسب داخل المية من داخل الموتور نفسة ويجب تزويد الموتور فى حالة نقص المياة بنفس المية الخضراء ودة اللى بيقولة كتالوج اى سيارة شخصيا بافضل المياة الأسبانى او المياة ابرو usa ونصحتى تشتريها من واحد معرفة علشان كتير بيغشوها اسف على الأطالة
-
بس الوقتى انا تقريبا ما عنديش تسريب يعنى المية ما بتنقص اللا فى الطبيعى وبعدين خايف احط مية خضرا تانى
-
فى مياه مستوردة فى كارفور حلوة مش فاكر اسمها بصراحة الجركن ب25 جنية
Content Relevant URLs by
vBSEO 3.6.0 PL2