تنك البنزين اتخرم انبارح على الدائرى
السلام عليكم
انبارح وانا راجع لاكتوبر وكنت ماشى على الدائرى والاقى ( طوبه او زلطه او حده خشبه ) الله اعلم هيا ايه وخبطت فى بطن العربيه بس الخبطه عامله ذى الكاوتش لما يفرقع حتى انا شلت رجلى من البنزين علشان اركن بس لقيت ان الكاوتش تمام فرحت دايس بنزين ومكمل وبعد لحظات شميت ريحه بنزين جامده لحد لما قربت على اكتوبر ركنت وبصيت تحت العربيه لقيت حنفيه بنزين مفتوحه تحت العربيه كلمت الميكانيكى بتاعى ونزلتله فيصل وسبت العربيه عندو بس من اكتوبر لحد الهرم تقريبا اخدد اكتر من نص التنك ومن ستر ربنا انى كنت مفول قبليها ومن ستر ربنا ان محدش رمى سيجاره او اى شراره انا كنت حاسس انى ماشى بقنبله بس ربنا بيستر
الميكانيكى قالى انه بيتلحم عادى لما شافه
السؤال حاليا هل اللحام بيكون كويس ولا بعد فتره ممكن اللحام يفك
هل التنك صاج ولا فيبر