رحت شارم الشيخ ورجعت بالعربيه
السلام عليكم ورحمة الله وبركاتة
الحمد لله رجعت امبارح القاهره بعد 5 ايام فى شارم
سافرت بالعربيه عملت 1500 كيلو فى 6 ايام
تقريبا المسافة كانت 1000 كيلو الطريق رايح جاى و جوه شارم لوحدها 500 كيلو :d
متوسط السرعه كان 100 كيلو لان الطريق فعلا معظمه لا يتحمل اكتر من سرعه 60 - 80 فى الملفات و 140 فى الطوالى تحسبا لاى ظرف عشان الطريق رايح جاى وكله مرتفعات ومنخفضات وملفات حادة فى بعض المناطق
متوسط استهلاك البنزين كان 12-15 كيلو فى اللتر
كنت بحط بنزين 80 على 92 على 90 عشان مكانش فيه بنزين فى شارم الشبخ والطوبير كانت ب ال 40 عربيه
ملاحظتى لما رجعت ان الزيت اغمق سنه وقل حوالى ربع كيلو
المية مقلتش مع انها فى جوه البلد بتقل " مش عارف ليه !!"
العربيه الحمد لله مريحة ومتعبتنيش عدا ان الكاوتش عاوز يتغير و كنت مقلق منه بس لحمد لله ربنا ستر ورجعنا بالسلامه