الحمد لله : البطاريه باظت

**amer_el7op** · 04-11-2012 08:32 PM

غيرها ياعمرو باشا انا لسه مغير بتاعتى السايله يوم الجمعه وجبت ac delco

**mero100** · 04-11-2012 09:26 PM

أشكركم جميعا للإهتمام و المشاركات المفيده .و طالما كلكوا قولتوا ‏acdelco‏ يبقي توكلنا علي الله .

بس حتعبكوا معايا .. لو حد يعرف حد كويس في مصر الجديده أو مدينه نصر يبقي كتر خيركوا أوي .
سؤال : هل الجافه بتحتاج كشف علي الشحن كل شهر كشرط لسريان الضمان ؟

**aw2100** · 04-11-2012 09:38 PM

فية سؤال حاولت تشحن البطارية على تونجر الشحن لان البطارية لما بتفضى خالص بتحتاج شحن لمدة ساعة او ساعتين على شحن ثابت علشان ترجع تعيش تانى لان شحن دينامو العربية مابيلحقش يملاها بالكهرباء الكافية ؟ وياريت لما تشترى بطارية جافة تجيبها 70 امبير انا كنت جايب بطارية كورى اسمها اتلس 70 امبير وفضلت معايا 5 سنوات اهم حاجة الكشف الدورى على الشحن لان الجافة مبتستحملش الشحن العالى او المشى كتير قوى مع الشحن العادى زى عربيات التاكسى بتبوظ بسرعة لتبخر الحامض بداخل البطارية وطبعا مش حتعرف تزود المياة لانها مقفولة فاذا كنت بتمشى كتير بالعربية نصيحتى اشترى بطارية سائلة افضل وعلى فكرة البطارية الجافة 70 امبير نفس حجم 55 امبير

**MMamdouh** · 05-11-2012 01:49 PM

ألبطارية ال70 امبير ملهاش اى تلاتة لزمة فى عربياتنا

ضمان البطارية ال a c delco احسن من الفارتا

MMamdouh

**ahmedsrs** · 05-11-2012 09:01 PM

المشاركة الأصلية كتبت بواسطة aw2100

فية سؤال حاولت تشحن البطارية على تونجر الشحن لان البطارية لما بتفضى خالص بتحتاج شحن لمدة ساعة او ساعتين على شحن ثابت علشان ترجع تعيش تانى لان شحن دينامو العربية مابيلحقش يملاها بالكهرباء الكافية ؟ وياريت لما تشترى بطارية جافة تجيبها 70 امبير انا كنت جايب بطارية كورى اسمها اتلس 70 امبير وفضلت معايا 5 سنوات اهم حاجة الكشف الدورى على الشحن لان الجافة مبتستحملش الشحن العالى او المشى كتير قوى مع الشحن العادى زى عربيات التاكسى بتبوظ بسرعة لتبخر الحامض بداخل البطارية وطبعا مش حتعرف تزود المياة لانها مقفولة فاذا كنت بتمشى كتير بالعربية نصيحتى اشترى بطارية سائلة افضل وعلى فكرة البطارية الجافة 70 امبير نفس حجم 55 امبير

البطاريات الجافة مكونة من عجينة او جل يعنى مبتنشفش لانها محكمة الغلق اما السائلة فتحتوى على سائل (حمض) لاكن ممكن تليك حمض الكبريتيك وتبهدل حوض العربية من عيوب البطارية الجافة انها تحتاج الى شحن دينامو سليم عشان كده مبتنفعش فى العربيات القديمة لتلف الدينامو نتيجة عك الصنايعية وسوء الصيانة اما السائلة فممكن تستحمل تذبذب الشحن

**aw2100** · 05-11-2012 09:12 PM

المشاركة الأصلية كتبت بواسطة ahmedsrs

البطاريات الجافة مكونة من عجينة او جل يعنى مبتنشفش لانها محكمة الغلق اما السائلة فتحتوى على سائل (حمض) لاكن ممكن تليك حمض الكبريتيك وتبهدل حوض العربية من عيوب البطارية الجافة انها تحتاج الى شحن دينامو سليم عشان كده مبتنفعش فى العربيات القديمة لتلف الدينامو نتيجة عك الصنايعية وسوء الصيانة اما السائلة فممكن تستحمل تذبذب الشحن

البطاريات الجافة دة اسم غلط لان البطاريات دى تحتوى على حامض زى البطاريات العادية والحامض بيبقى نوعين سائل ودى البطاريات الرخيصة وجل ودة فى البطاريات النوعيات الممتازة ليقلل من تبخير الحامض منها وهى بتعمل بتكنولوجيا الكالسيوم او الفضة على اسطح الالواح الداخلية مما تقلل من استهلاك الحامض وتصبح بطارية مقفولة ليس لها فتحات لتزويد المياة المقطرة ولكن بها فتحات لخروج الهيدروجين الناتج عن التفاعلات الكيميائية الناتجة عن التشغيل ولذلك فالبطاريات لاتحتمل الشحن العالى او الشحن العادى لفترات طويلة علشان الحامض بداخلها بيسخن ويتبخر مما يتسبب فى تلفها فى مدة زمنيه قصيرة افل من 6 اشهر وخصوصا فى الصيف وعلشان كدة لاتصلح لسيارات التاكسى او الليموزين الشغالة وهناك ملحوظة فى حالة اذا البطارية فضيت و العين بيها لونها اسود لايمكن لدينامو السيارة ان يعيد شحنها بمعنى ادى العربية توصيلة وتدور مش حتشحن لان البطاريات الجافة بتحتاج شحن بامبير ضعيف لمدة كذا ساعة (شحن بطئ) ولو ودتها لكهربائى حطها على التونجر العادى السريع دة بيأثر على عمر البطارية اسف على الأطالة !!
ملحوظة بالنسبة للبطاريات المكونة من العجينة دى بطاريات قلوية وغالية جدا ولاتتحمل ظروف التشغيل فى المناطق الحارة tropical non بمعنى مصممة للعمل فى اورويا