اسعار ومواصفات وصور برليانس v5 الجديدة في مصر

**Karim_Monir** · 01-11-2012 12:16 AM

لا يا كبير مش محاباةولا حاجة هو فعلا انا عملتة بناء على طلب ناس كتير مايعرفوش عنها حاجة لا اسم ولا شكل ولا اسعار ولا مواصفات
وشكرا على فيديوهاتك
هاضيفها في اول الموضوع بعد اذنك

**احمد نور الدين** · 01-11-2012 05:51 AM

بالنسبة لموضوع ان العربية هاتثبت نفسها في السوق ولا لأ انا ليه وجهة نظر متختلفش كتير عن اللي الشباب قالوه ده اكيد هايعتمد اولا علي التوكيل وشايف ان توكيل البافارية في المجمل جيد جدا ممكن عندهم بعض القصور لكن عامة كويسين جدا

ثانيا العربية نفسها متكاملة كسيارة متعددة الاستخدامات suv بالاضافة لكماليتها الكثيرة والمتنوعة جزئية السعر انا متفق ان السعر عالي سنة او سنتين لكن ده لان احنا عندنا خلفية اني الصيني لازم يبقي رخيص لكن لو قارناها بالكارينز مثلا يبقي السعر مناسب جدا لكن لو السعر نزل شوية اعتقد ان ده هايزود المنافسة بل ممكن يحسمها لصالح ال v5 في الفئة دي

من وجهة نظري عيب السيارة الوحيد هو الموتور اعتقد انه صغير شوية علي العربيه ودي نفس مشكلة الكارينز بودي كبيير وموتور متوسط

وعلي العموم الايام خير حكم