الموضوع: عايز اجيب موتور مياه ..لعمارة او لشقة !!!!!

كنت عايز اسأل ايه الفرق بين الطلمبه ذاتيه التحضير و الطلمبه العاديه و هل في فرق في قوه السحب؟؟؟

الطلمبة ( تحضير ذاتى ) self priming دى بتسحب مياة من بعد حتى 8 متر راسى أو 80 متر أفقى يعنى لو هتركب ماسورة فى الارض وتسحب من تحت الارض (مياة جوفية ) تسحب معاك بشرط ان تكون المياة على بعد لا يزيد عن 8 متر من موضع الطلمبة
لو المياة من البلدية وبعيد عندك لحد مسافة 80 متر افقى تسحب المياة
الطلمبة العادة بيكون السحب لا يتعدى 2 متر راسى ويفضل لها ان تكون المياة قبل فتحة دخول الطلمبة مباشرة لانها ترفع فقط ومش بتسحب .

م.عصام مهنى

المشاركة الأصلية كتبت بواسطة Islam_galal

باشمهندس عصام
أنا ركبت موتور سحب (تحضير ذاتي) ماركة بدروللو pedrollo 1 حصان من أربع سنين تقريبا بقال سنتين شغال متواصل بدون شكوي
المشكلة إن المياه ضعفت و الموتور مش قادر يسحب
فالقرار إني أركب موتور رفع 1حصان و سألت في السوق (اسكندرية) لقيت يدروللو بـ 950 جم و كالبيدا بـ 1150 جم
هل يوجد فرق يستاهل بين كالبيدا و بدروللو
واضح إن حضرتك لك خبرة في السوق و وقت ماشتريت البدروللو كان الرأي إن كالبيدا غالي لأنه واكل السوق بمعني إن اسمه ليه تمن
إيه رأيك و هل في وسيلة أتأكد من إنه أصلي ( علامة أو شكل مميز أو حتي تاجر مضمون)
أنا شفت موتور ماركة NT أو TN مكتوب عليه إيطالي و بـ 550 جم ؟
و صاحب المحل مصر إنه إيطالي

جزاك الله خيرا

اخى الفاضل

اشترى كالبيدا وريح نفسك
اقرى كلمة كالبيدا صح على الموتور قبل ما تشتريه
Calpeda

لان الصينيين بيشيلوه حرف من الكلمة
وبعدين مفيش كالبيدا صينى

اى استفسار انا فى الخدمة


م.عصام مهنى

انا عندي سؤال جه في بالي صحيح

بخصوص الجهاز اللي المهندس عصام قال عليه اللي بيعمل
dry run protection

انا هفترض ان المية موجودة بس محتاجة تحضير او سحب، مش ده معناه ان الموتور مش هيشتغل؟
لأن في الوضع ده مفيش مية فالريشة هتبقى مكانها

ارجو الافادة

المشاركة الأصلية كتبت بواسطة hemeds82

مهندس عصام انا روحت اشتري موتور كالبيدا وبسال علي المشتملات بتاعتة (البالونة ةالساعة وكدة ) فالراجل قالي خلاص الحاجات دي راحت عليها فية دلوقتي الفولوماكfollowmac بديل عن البالونة وعمرها اطول بكتييير وب120 جنية هل حضرتك تعرف عنها حاجة وهل هي فعلا احسن من البالونة واية راي حضرتك وشكرا علي الرد يا باشا

بص يا اخى الفاضل
الجهاز دى بيعمل كذا حاجة
بيشتغل مكان البالونة والاتوماتيك والعداد والوصلة النحاس وكمان بتشتغل كمان كجهاز حماية ضد نقطاع المياة ودا بيركب فوق الموتور هوبيشتغل لغاية موتور 1.5 حصان فقط ليه كذا اسم حسب الشركة المنتجة مثلا فلوماك أو دومينو أو جينيو
ودى لينك لاحد هذة المنتجات
http://www.lowara.com/lowdata/doc/EN/genyoseries-ed-en.pdf

دا اساسا انتجته شركات ايطالية وكان بينزل بسعر غالى شوية ومكنش فيه اقبال عليه فا بطلت الشركات الايطالية أنتاجه راحو الصينيين خدوا الجهاز عندهم وعملوه صينى سئ جداً
مميزات الجهاز دى
ضغط مياة كويس ومش محتاج ضبط اتوماتيك
ياخد حيز ضغير عن البالونات
مش محتاج تغير كاوتشة بالونة أو اتوماتيك
عيوبه
الجهاز دى فى مفتاح اسمه reset دى لما المياة تقطع وترجع مرة تانية لازم تدوس عليه علشان الموتور يشتغل لانه بيفصل الجهاز والموتور لما المياة تقطع أو المياة ضعيفة .
العيب الاكبر هو انه نظام بوردة لما البوردة دى تبوظ مش حتلاقى غيرها لان تمنها 80% من سعر الجهاز ككل
البوردة كانت مش بتبوظ فى الايطالى إلا نادرا إنما فى الصينى شهر والتانى وتلاقيها ضربت

من دى كله يبان ان فكرته حلوة وعملى بس فى الايطالى
إنما الصينى الموجود فى السوق هيبقى مكلف ليه
انا لما البالونة العادية تبوظ هغير الكاوتشة الداخلية ودى بتقعد كتير والكاوتشة بيبقى سعرها 20 - 30 جنية
الحاجة التانية لما يحصل للجهاز حاجة هترميه لان السباك مش هيعرف يصلحه .

أنا افضل البالونة العادية لان اغلب السباكين عارفين يتعاملوا معاها ولو باظت هتجيب غيرها .

أسف للاطالة

وتقبل تحياتى

وكل عام أنتم بخير

المشاركة الأصلية كتبت بواسطة msafa

انا عندي سؤال جه في بالي صحيح

بخصوص الجهاز اللي المهندس عصام قال عليه اللي بيعمل
dry run protection

انا هفترض ان المية موجودة بس محتاجة تحضير او سحب، مش ده معناه ان الموتور مش هيشتغل؟
لأن في الوضع ده مفيش مية فالريشة هتبقى مكانها

ارجو الافادة

دى بيشغل مع اقل كمية مياة الريشة بيبقى خفيفة ومجرد ما يحرك الريشة الموتور هيشتغل على طول