عايز اجيب موتور مياه ..لعمارة او لشقة !!!!!

**م. عصام مهنى** · 10-08-2010 02:06 PM

المشاركة الأصلية كتبت بواسطة mohamedrabia

سعرة كام بخلاف 120 جنية بتوع الريشة ده

انا على فكرة مش عارف حضرتك بتسأل على اية
120 جنية الاخ hemeds82 كان بيقول دا تمن الجهاز اللى بيعمل مكان البالونة
ايه دخل الريشة فى السعر دى الريشة دى كان بيسال عندها الاخ msafa بالنسبة لجهاز حماية منفصل بيركب على ماسورة الدخول
لو حضرتك بيسأل على سعر الجهاز اللى بيشتغل مكان البالونة الاخ الفاضل بيقول 120 جنية
جهاز الجماية لوحدة دى بيقى دنماركى وسعره غالى بس مش عارف بكام

تقبل تحياتى

**hemeds82** · 10-08-2010 02:29 PM

المشاركة الأصلية كتبت بواسطة midomahany

بص يا اخى الفاضل
الجهاز دى بيعمل كذا حاجة
بيشتغل مكان البالونة والاتوماتيك والعداد والوصلة النحاس وكمان بتشتغل كمان كجهاز حماية ضد نقطاع المياة ودا بيركب فوق الموتور هوبيشتغل لغاية موتور 1.5 حصان فقط ليه كذا اسم حسب الشركة المنتجة مثلا فلوماك أو دومينو أو جينيو
ودى لينك لاحد هذة المنتجات
http://www.lowara.com/lowdata/doc/EN/genyoseries-ed-en.pdf

دا اساسا انتجته شركات ايطالية وكان بينزل بسعر غالى شوية ومكنش فيه اقبال عليه فا بطلت الشركات الايطالية أنتاجه راحو الصينيين خدوا الجهاز عندهم وعملوه صينى سئ جداً
مميزات الجهاز دى
ضغط مياة كويس ومش محتاج ضبط اتوماتيك
ياخد حيز ضغير عن البالونات
مش محتاج تغير كاوتشة بالونة أو اتوماتيك
عيوبه
الجهاز دى فى مفتاح اسمه reset دى لما المياة تقطع وترجع مرة تانية لازم تدوس عليه علشان الموتور يشتغل لانه بيفصل الجهاز والموتور لما المياة تقطع أو المياة ضعيفة .
العيب الاكبر هو انه نظام بوردة لما البوردة دى تبوظ مش حتلاقى غيرها لان تمنها 80% من سعر الجهاز ككل
البوردة كانت مش بتبوظ فى الايطالى إلا نادرا إنما فى الصينى شهر والتانى وتلاقيها ضربت

من دى كله يبان ان فكرته حلوة وعملى بس فى الايطالى
إنما الصينى الموجود فى السوق هيبقى مكلف ليه
انا لما البالونة العادية تبوظ هغير الكاوتشة الداخلية ودى بتقعد كتير والكاوتشة بيبقى سعرها 20 - 30 جنية
الحاجة التانية لما يحصل للجهاز حاجة هترميه لان السباك مش هيعرف يصلحه .

أنا افضل البالونة العادية لان اغلب السباكين عارفين يتعاملوا معاها ولو باظت هتجيب غيرها .

أسف للاطالة

وتقبل تحياتى

وكل عام أنتم بخير

الف شكر يا مهندس عصام ربنا يعلم انا كنت محتاج المعلومات دي جدا كتر الف خيرك كل عام وحضرتك بصحة وخير

**mohamedrabia** · 10-08-2010 02:31 PM

انا بسال عن الماتور بالكامل ومشتملاتة والتركيب بكااام وشكرا لاهتمامك

**م. عصام مهنى** · 10-08-2010 02:34 PM

المشاركة الأصلية كتبت بواسطة hemeds82

الف شكر يا مهندس عصام ربنا يعلم انا كنت محتاج المعلومات دي جدا كتر الف خيرك كل عام وحضرتك بصحة وخير

لا شكر على واجب وأحنا كلنا اخوات

وانا فى خدمة اى عضو عنده استفسار

وكل عام وحضرتك بالف خير
وتقبل الله منا ومنكم صالح الاعمال

**م. عصام مهنى** · 10-08-2010 02:37 PM

المشاركة الأصلية كتبت بواسطة mohamedrabia

انا بسال عن الماتور بالكامل ومشتملاتة والتركيب بكااام وشكرا لاهتمامك

طيب حضرتك ممكن تقولى

والموتور لشقتك (شقتك فى الدور الكام) ولا للعمارة كلها (كام شقة وكام دور)

بس انا هقولك لحضرتك تجيب موتور قد ايه
انما انا معرفش الاسعار

**msafa** · 11-08-2010 11:59 PM

معش يا باشمهندس عصام عندس سؤال
انا كان عندي موضوع في اللينك ده:

http://www.nilemotors.net/Nile/170734-a.html

للأسف العمارة مش متفقة على الموتور الجديد و لفو القديم بس طبعا المية ضعييييييييف جدا

انا قررت اعمل وصلة لوحدي ب موتور لوحدي فهل هيكون برضه 2 حصان؟ انا ان شاء الله ناوي برضه على كالبيدا

انا في الدور ال 12 و ارتفاع الدور 3 متر و في خطين مية، انا هعمل وصلة واحدة و بعدين هعديها من فوق السطح للمنور التاني انا السطح فوقي على طول يعني الارتفاع هيزيد حوالي 3 متر

انا مرة واحد سباك قاللي لما يكون الخط طويل بيحمل حمل شوية على الموتور فبيفضل عمل بلف في نص الخط يعني في الدور السادس مثلا

وآسف للاطالة

http://www.nilemotors.net/Nile/170734-a.html

**mohamedrabia** · 12-08-2010 10:47 AM

والموتور لشقتك (شقتك فى الدور الكام) ولا للعمارة كلها (كام شقة وكام دور)

بس انا هقولك لحضرتك تجيب موتور قد ايه
انما انا معرفش الاسعار

الدور الثالث ليا لودي لان مفيش حد بالعمارة حاليا غيري

**MOSTAFABASAL** · 12-08-2010 02:25 PM

انا كنت جايب الكالبيدا النص حصان ب 580 جنيه وانا في الدور الرابع

**abo_hosni** · 12-08-2010 06:22 PM

شوف الموضوع ده http://www.nilemotors.net/Nile/57769-a.html

انا اشتريت كالبيدا 0.45 حصان بالأوتوماتيك و البالونة و العداد كله بـ 670 أو 760 جنيه مش فاكر و السباك خد بمستلزمات التركيب 180 جنيه
و أنا عملتله وصلة الكهرباء بمفتاح في حمام الشقة اللي فوق و خرمت في الحيطة خلال شاسيه المفتاح نفسه و عديت السلك من المسقط بحيث مافيش أي سلك يظهر داخل البيت.
و الموتور ده بيرفع مياه لارتفاع أقصاه 41 متر و يقدر يوفر تدفق مياه بمعدل أقصاه 2.3 متر مكعب/دقيقة . طبعاً العلاقة بين الارتفاع و معدل التدفق عكسية في منحنى و الكلام ده بيبقى موضح على الموتور
يعني مش القدرة الحصانية بس هي المعيار عند شراء الموتور و ياريت ما تخليش سباك يقنعك بحاجة تخالف تفكيرك السليم. ياريت يكون دور السباك هو التركيب فقط و ليس الفتوى
حالياً احنا في الدور الأول علوي و البيت 3 أدوار علوي كل دور شقة واحدة، و الموتور ده كافي جداً للوضع اللي عندنا.

المشاركة الأصلية كتبت بواسطة sab3aawy

ودى هدية منى ليك، عن طريقة ولوازم تركيب الموتور الكهربائى بالبالونة والأوتوماتيك

**mohamedrabia** · 13-08-2010 05:37 AM

انا اشتريت كالبيدا 0.45 حصان بالأوتوماتيك و البالونة و العداد كله بـ 670 أو 760 جنيه مش فاكر و السباك خد بمستلزمات التركيب 180 جنيه
و أنا عملتله وصلة الكهرباء بمفتاح في حمام الشقة اللي فوق و خرمت في الحيطة خلال شاسيه المفتاح نفسه و عديت السلك من المسقط بحيث مافيش أي سلك يظهر داخل البيت.
و الموتور ده بيرفع مياه لارتفاع أقصاه 41 متر و يقدر يوفر تدفق مياه بمعدل أقصاه 2.3 متر مكعب/دقيقة . طبعاً العلاقة بين الارتفاع و معدل التدفق عكسية في منحنى و الكلام ده بيبقى موضح على الموتور
يعني مش القدرة الحصانية بس هي المعيار عند شراء الموتور و ياريت ما تخليش سباك يقنعك بحاجة تخالف تفكيرك السليم. ياريت يكون دور السباك هو التركيب فقط و ليس الفتوى :b4_039:

مجهود رائع ميرسي لاهتمامك

الموضوع: عايز اجيب موتور مياه ..لعمارة او لشقة !!!!!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

عاوز اجيب ماتور مياة لشقة ف التاسع بماذا تنصحونى

عايز اجيب موتور للمازدا

عاجل..موتور ميااه لشقة فالدور ال13

الكلمات الدلالية لهذا الموضوع

المفضلات

المفضلات

ضوابط المشاركة