الموضوع: فيزا سياحه عمان

شوف اخى الكريم انا منذ سنتين كنت نازل مصر اجازة وحاجز للسفر لعمان من القاهرة علشان عندى امتحان فى الزمالة البريطانية فى مسقط وكنت اظن كونى مقيم بالسعودية وهى دولة خليجية يعطينى الحق فى السفر الى عمان (وده النظام المعمول به فى كل دول الخليج)بدون فيزا ولما نزلت القاهرة اتصلت بالسفارة علشان اتاكد فوجئت بموظف مصرى بيتكلم بقلة ذوق بان هذا ممنوع لازم ترجع السعودية تانى وتسافر من هناك واكتشفت انه قانون التنقل بين الدول الخليجية للمقيمين سارى فى كل الدول ماعدا عمان بس (سبحان الله) فطلبت منه فيزا وعندى ما يثبت قبولى الامتحان فى مسقط من الكلية الملكية البريطانية واقامتى فى السعودية وحجز الطيران كامل والعودة من مسقط الى جدة فرفض وقال القانون لايسمح ولايوجد اى فيزا من السفارة يمكن الحصول عليها فتعجبت جدا هل يوجد فى العالم سفارة ليس لديها اى صلاحيات لاعطاء فيزا دخول للبلد التى تمثلها؟ للاسف عمان هى البلد دى -المهم اتصلت بشركات سياحة وجدتها على الانترنت ففوجئت انه الدنيا جميلة جدا وفى فيزا وفى كل اللى نفسك فيه ومن السفارة نفسها ومافيش مشكلة خالص -بس تدفع ياباشا
كام بقى ؟شركة طلبت خمسة وشركة طلبت اربعة الاف جنيه
فليس لك اى طريق للحصول على الفيزا الا بهذه الطريقة بس يا سيدى الفاضل هى دى الطريقة عليك وعلى شركات السياحة وحاول تفاصل موش تدفع اى حاجة يقولوا عليها
تقبل تحياتى

المشاركة الأصلية كتبت بواسطة أحمد كمال

السعودية كذلك لا تطبق التنقل بين دول المجلس للمقيمين

يعني لو معاك اقامة في الامارات او قطر او البحرين ما ينفعش تخش السعودية من غير فيزا مسبقة

و لكن العكس صحيح لو معاك اقامة في السعودية ممكن تخش الامارات او قطر او البحرين بدون فيزا مسبقة

غير صحيح اخى الكريم مع احترامى لسعادتك وعن تجربة شخصية بالنسبة للاطباء والمهندسين فقط

المشاركة الأصلية كتبت بواسطة ahmed a.maksoud

الكلام ده صحيح بالنسبة للمهن ال......مش لاقي وصف معين.....المهم أنها زى دكتور مهندس محاسب مدير و هكذا.......و لكن لو مكتوب فى المهنة موظف أو عامل أو مندوب أو أى حاجة مشابه لازم فيزا مسبقة.

بالنسبة لصاحب الموضوع............حاول تكلم الطيران العماني تسألهم لو حجزت عن طريقهم بيطلعوا لك فيزا ولا لأ.........لو قالوا أه بتروح تحجز و تدفع و تختار ميعاد السفر و الرجوع........و هما بعد كده بيقدمولك على الفيزا..........لو معرفوش يجيبوها بتسترد فلوسك.

حاولت وقتها مع الطيران العمانى فرفضوا تماما وكان لى زميل من بنجلاديش عنده امتحان وكان نازل مصر معايا ناخد كورسات فعمل حركة جامدة اوى حجز تذكرة للامارات ودخل هناك ترانزيت وبعدين سافر من هناك على عمان فوافقوا على دخوله عمان بدون فيزا لان القانون هنان لدخول المقيمين بدون فيزا ان تكون محطة الاقلاع دولة خليجية ولا يشترط ان تكون دولة الاقامة الاصلية
حاجة تجنن نظام غير مبنى على اساس معقول ابدا

زوج اختى واختى رحمها الله ووالدتى كانوا ياتون لزيارتى فى مكة سنويا من ابو ظبى وكانوا ياخذون التاشيرة من مطار جدة دون الحاجة الى تاشيرة من السفارة فى ابو ظبى لسنوات طويلة مضت
تقبل تحياتى وتحياتى الخاصة ل [caps]iata[/caps]