ارجو المساعده مش عارف اشتري لانسر 1600 ولا سيتي 1500

ارجو المساعده مش عارف اشتري لانسر 2007 1600 اوتوماتيك ولا سيتي 2007 1500 اوتوماتيك
ياريت حد يكون مجرب سحبتهم عامله ازاي مين فيهم اشد في السحب والثبات علي الطريق في السرعات العايه
وبعدين انا قلقان شويه من السيتي حاسس انها عاليه قوي من علي الارض فلو اخدت ملف جامد علي سرعه عاليه شويه هيكون ايه الاخبار
سؤال تاني فيه فرق بين السيتي 2006 و 2007
وكمان هوا الفرق ما بين السيتي 1500 و 1300 كبير قوي علشان يعمل فرق السعر دا
معلش انا طولت عليكو شويه بس انا عاوز اخد قرار النهارده او بكره ياريت حد يفيدني والف شكر ياجماعه :roll:

كان نفسي يكون عندي القدره علي الرد الكامل عليك بس انا حقدر ان شاء الله افيدك في بعض النقاط

الفرق بين الهوندا سيتي 1500 2006 و 2007 ما فيش اي فروق تماما

الفرق بين الهوندا سيتي 1500 و 1300 فروق كتير
الموتور - الاريال - الجنوط - ABS - سنترلوك

انا من رايي انك تجيب هوندا سيتي 1500 و ربنا يبارك لك فيها
العربيه علي المنحنيات ثباتها ممتاز انا اغلب مشاويري سفريات

و السحب طبعا 7 سرعات مخليين الموضوع ناعم و سلس جدا

انا من رايي انك تاخد وقتك في تصفح المنتدي و انت ان شاء الله ترسي علي الراي السليم

اقول لك حاجه من الاخر ما تيجي علي نفسك شويه و تجيب سيفيك و تدعي لي طول عمرك :D

اقتباس:

---

اقول لك حاجه من الاخر ما تيجي علي نفسك شويه و تجيب سيفيك و تدعي لي طول عمرك

---

بصراحة مفيش اروع و لا أحلى من السيفيك بس مشكلتها ان قطع غيارها غالية نسبيا عن بعض السيارات الأخرى و لكن في المقابل قطع

غيارها معمرة جداااااااااا

يعني تغير القطعة في السيفيك و تنساها خاااالص

بصراحة سيارة تمنها فيها

بالنسبة للسحب الهوندا سيتى أحسن
بالنسبة للثبات الأتنين تقريبا متساويين
لو مش فارق معاك إعادة البيع هات السيتى

انا لو هاختار هاختار اللانسر لأن إعادة البيع أحسن وصيانتها أسهل ودة بسبب إنتشارها الرهيب

وربنا يوفقك للإختيار الصح ان شاء الله.

متشكر اوي يا رجاله علي الردود :D
ربنا يستر واعرف اختار عربيه كويسه :roll:
انا كنت عاوز حد عاندو سيتي يؤلي اخبار التقفيل ايه اصلي عرفت انه تايلاند
وبعدين بيؤلو الانسر الخليجي 122 hp مش عارف دا حقيقي ولا اي كلام
والف شكر كمان مره :wink:

موضوع الـ 122 حصان ده احتار فيه العلماء... بس انا لا اعتقد ان ثبات السيتي ممكن يكون زي الانسر.. و ده مش علشان اللانسر متميزه جدا في الثبات.. و لكن لأن تصميم السيتي لا يسمح بأن تكون ثباتها عالي (قاعدة العجلات عرضها صغير - العربيه اطول من قاعده العجلات بكتير - العربيه عاليه عن الأرض).

بالنسبه للموتور و الفتبس فلا تعليق .. السيتي ممتاااااااااااااااااااااا ااااااااااااااااااااااااا ااازه

اقتباس:

---

اقول لك حاجه من الاخر ما تيجي علي نفسك شويه و تجيب سيفيك و تدعي لي طول عمرك

---

شوية دي أكتر من 50.000 :mrgreen:
أن رأي جيب الانسر1600

السلام عليكم

رأى الشخـصى لانســر 1600

لانسر 1600 اوتوماتيك افضل

رائى لانسر 1600 فول اويشن رياضية ب 108.000 واكتر ثباتا من السيتى

الثبات اللانسر تكسب

لكن الهوندا معمرة اكتر, ده غير ان ماتورها احسن من اللانسر

والله فى رأيى اللانسر 1600 احلى من الهوندا سيتى

مش علشان اللانسر 1600 والهوندا 1500 لا طبعا

اعتقد ان اللانسر تكسب