مين أحسن للأطفال ..... ipad 2 ولا galaxy tab ؟؟؟؟

**hobiko** · 04-11-2012 04:38 PM

مساء الخير على رجالة نايل موتورز :)))

خصوصا الأباء فيهم

عايز أجيب لأبنى اللى فى kg1 تابلت و عايز أعرف مين أفضل لطفل سنه 4 سنين و نص

بحيث انى احطله عليه العاب و برامج تعليمية فيضيع وقته فى حاجة مفيدة و يتعلم حاجة جديدة و فى نفس الوقت يحل عن الموبيل و اللاب توب بتوعى

أنا أنتمى لعائلة الأندرويد و مش شايف بصراحة البرامج الموجودة عليه متميزة للأطفال

فى نفس الوقت معلوماتى عن عالم أبل محدودة للغاية ....... هل فيه تطبيقات مفيدة للأطفال مسلية و تعلم فى نفس الوقت

اللى مر بنفس الموقف اكيد فاهم قصدى

و الف شكر ليكوا مقدما :))))

**AhMeD EzZ** · 04-11-2012 04:44 PM

تقريباً نفس الابليكشنز هي هي ... انا شايف ان الاندرويد هيكون افضل عشان سهولة الاستخدام

**hobiko** · 04-11-2012 05:05 PM

تفتكر ؟؟؟؟ ولا ال ipad حيستحمل فى ايد طفل أكتر ؟؟؟

**eng.m7md.ali** · 04-11-2012 05:19 PM

اعتقد ان ال iPad حساس اكتر من التاب
لو تاب 10 يبقى احسن اعتقد

**ahmedkoko** · 04-11-2012 05:38 PM

الآي باد جهاز محترم جدا و استعماله سهل و سلس جدا للاطفال و الكبار و له برامج كتير حلوه للاطفال. بس نصيحه لوجه الله متخليش العيل يتعلق بالحاجات دي من دلوقتي. انا عندي العيال في سن ابن حضرتك بس عملتلهم وقت محدد للعب في اليوم يعني كل يوم نص ساعه مش اكتر.
بالنسبه للتحمل و كده الايباد جامد و الله و جهاز محترم اوي

**TARAXAN** · 04-11-2012 06:46 PM

الاندرويد صعب جدا جدا
بعكس الايباد تقريبا مخصص للاطفال

**naser_56** · 04-11-2012 08:11 PM

ايباد افضل انا عندي الكبير 5 ونصف والصغير 3 ونصف وجايبلهم 2 ايباد 16 جيجا واي فاي بس اعمل حسابك علي كفرات حمايه ممتازه تكون مغلفه الجهاز تمام علشان مش هيسبوهم في حالهم وكمان خلي بالك من موضوع العناد بتاعهم لو في لعبه مش موجوده عند واحد وموجوده عند التاني بيعملو مشاكل يعني خلي الجهازين كوبي من بعض ولكن الصراحه عزلوهم عن الشارع ومشاكل الشارع بشكل كبير عموما ربنا يخليهم لك ويخليك ليهم

**ahmed legend** · 04-11-2012 08:59 PM

هو الاندرويد هيكون صعب علية الايباد احسن

**khaled_legend** · 04-11-2012 09:40 PM

صدقني الهاتف الخلوي هذا ذو خاصيه ال touch screen "مبيعمرش في ايد الكبار فما بالك بالعيال الصغيره" فمن رأيي تشتري لابن حضرتك كومبيوتر سواء pc او لاب توب و "اهم احسن من الموبايل اكيد"

**Ahmed Selim** · 04-11-2012 09:51 PM

أيباد أعتقد هيستحمل شوية عن التاب

و عموماً البرامج التعليمية موجودة بس أغلبها بفلوس و مش شرط تلاقيها مكسورة الحماية

أهم حاجة فى الموضوع

جراب يغطي الأيباد من كل الجوانب
تخصص وقت محدد فى اليوم للعب و وقت تاني كل أسبوع مثلاً تنزل عليه لعبة أو أتنين

و أعمل حسابك أنه لو أيباد واحد و طفلين...........هتشوف الويل علشان هيتخانقوا عليه........خصوصاً فى الصيف و مفيش مدارس..............بس لو عرفت تنظم الوقت بينهم يبقى زي الفل.

المشاركة الأصلية كتبت بواسطة naser_56

ايباد افضل انا عندي الكبير 5 ونصف والصغير 3 ونصف وجايبلهم 2 ايباد 16 جيجا واي فاي بس اعمل حسابك علي كفرات حمايه ممتازه تكون مغلفه الجهاز تمام علشان مش هيسبوهم في حالهم وكمان خلي بالك من موضوع العناد بتاعهم لو في لعبه مش موجوده عند واحد وموجوده عند التاني بيعملو مشاكل يعني خلي الجهازين كوبي من بعض ولكن الصراحه عزلوهم عن الشارع ومشاكل الشارع بشكل كبير عموما ربنا يخليهم لك ويخليك ليهم

كلنا هذا الرجل هههههههههههههههههه

ده أنا بيطلع عيني لو حد منهم أكتشف لعبة مش موجودة عنده و موجودة عند التاني :)

المشاركة الأصلية كتبت بواسطة khaled_legend

صدقني الهاتف الخلوي هذا ذو خاصيه ال touch screen "مبيعمرش في ايد الكبار فما بالك بالعيال الصغيره" فمن رأيي تشتري لابن حضرتك كومبيوتر سواء pc او لاب توب و "اهم احسن من الموبايل اكيد"

لأ طبعاً يا فندم...........أختلف معاك

الأيباد أو التابلت عموماً أسهل فى الحركة و الإستخدام عن اللاب توب........و مفيش مقارنة مع ال pc

ده غير كمية الألعاب و البرامج اللى عليه مش طبيعية.

الموضوع: مين أحسن للأطفال ..... ipad 2 ولا galaxy tab ؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

the new ipad vs galaxy tab10.1 vs galaxy tab 7.7

قصص للأطفال

وحوش اللوجان..أحسن أحسن..للأمام

لأ عربيتك مش أحسن عربية في الفئة دي في أحسن منها وبنفس السعر

للأطفال فقط !!

الكلمات الدلالية لهذا الموضوع

المفضلات

المفضلات

ضوابط المشاركة