الموضوع: M11 vs emgrand ec7

من رأيى الامجراند احسن من كذا نقطة .. 4 نجوم فى اختبارات التصادم الاوروبية و من وجهة نظرى شكلها احلى و هتنزل اوروبا و اوســـع ..و من ناحية السحب مش هتفرق كتير دى 107 حصان و دى 117 ..

طيب عايزين حد يقارن بين جودة التقفيل بين الأثنين.
حاسس ان التقفيل يميل لجهة ام 11..وكمان الثبات لأختلاف نظام التعليق الخلفى ووزن العربية الأكبر لصالح ام 11
يعنى لو ام 11 نزلت بأير باج وشوية كماليات زى اللى بره ..حتى لو بقت بنفس سعر الأيمجراند اعتقد انها تكسب

عايز رأيكم

توكل على الله واشترى جيلى إمجراند ... أنا شفت الاثنين .. الجيلى اوسع وأشيك والقعدة فيها تحس أن كل حاجة تحت ايديك ووسائل أمان أكثر بعد حفظ الله .. وإن كان على قطع الغيار .. افتح كبوت تويوتا كورولا الدبة (الجيل قبل الحالى من تويوتا موديلات من 2003 - 2007) وافتح كبوت الامجراند أو شوف صور على الانترنت لموتور العربيتين واحكم انت بنفسك .. الإمجراند ما هى إلا نسخة من تويوتا سواء موتور أو عفشة وإن مش عاجبك قطع الغيار الصينى ابقى اشترى لها قطع غيار يابانى واللى حتلاقيها فى كل مكان
نفس الفكرة اللى بيقوم عليها الصينى يا جماعة هى نفس فكر شيفروليه لما اشترت دايو الكورية وغيرت فى شكل النوبيرا واللانوس وعملت الأفيو والأوبترا .. اختلاف فى الشكل مع بقاء الأساسيات الداخلية. و لعلمك يمكن 80 % من العربيات الصينية الصنع كده، بمعنى أنها تقوم على موديلات يابانية شهيرة وموجودة فى العالم كله مش مصر وبس .. جيلى قائمة كلها على التويوتا، بى واى دى قائمة على ميتسوبيشى كمواتير أما العفشة من تويوتا. لكن الشيرى وموديلات الاسبيرانزا اللى أخدها أبو الفتوح مواتيرها تختلف وصنعت بناء على شراكة ما بين شيرى الصينية وشركة avl النمساوية.
ولو بتسأل عن الثبات يبقى مش نوع العفشة أو الوزن وبس هما الأساس .. هناك عوامل كثيرة تتحكم منها على سبيل المثال ايروديناميكية العربية وارتفاعها عن الأرض .. حتى زاوية ميل بعض مكونات العفشة بتفرق .. بالضبط زى بروتون اللى عفشتها هى نفسها الميتسوبيشى لانسر لكن شركة لوتس الانجليزية (ملك بروتون) طورت فيها وعدلت فى بعض زواياها وطريقة ربطها مع بعض عشان كده ثباتها رائع.
سيدى أنا معى عربية جيلى اللى بيسموها فروتة سيدان 2005 وأؤكد لها ان ثباتها افضل بمراحل عن اللادا رغم أنها أقل وزناً منها بحوالى 250 كجم على الأقل بل وأقل طولاً وعرضاً.
وربنا يوفقك لما يحبه ويرضه لك

دى صورة موتور جيلى امجراند (فى الموقع ده حتلاقى صور كل العربيات الصينية الصنع سواء بماركات صينية أو ماركات مصانع شركات عالمية بتجمع عربياتها فى الصين، وساعتها حتندهش لما تشوف كم الماركات والموديلات اللى بتتصنع هناك)

http://price.pcauto.com.cn/cars/imag...-o0-c8772.html

وممكن تشوف باقى الصور وتتعرفى على شكل العربية من جوه أو عفشتها

ودى صورة لموتور تويوتا كورولا 2007
http://s523.beta.photobucket.com/use...ml?sort=3&o=38