كيا سيراتو: ايقاف تشغيل خاصية Defogging Logic
طبعا كل اللى معاهم سيراتو بتكييف تاتش عارفين موضوع ان لما تطفى التكييف بينقل اوتوماتيك على وضع الهواء الخارجى
دى خاصية اسمها Defogging Logic او بالعربى "التحكم المنطقى فى إزالة الضباب" عشان متخليش الازاز يشبر بعد لما تطفى التكييف او لو مثلا على وضع الـ Defrost للازاز الامامى
عشان تلغى الخاصية دى:
اول حاجة نشغل العربية طبعا وندوس على زرار الشبورة بتاع الازاز الامامى Front Defrost
وبعد كدا ندوس على زرار الـ A/C نطفيه
بعد كدا ندوس على زرار الـ A/C بس المرادى تفضل دايس وفى نفس الوقت هتدوس على زرار إعادة تدوير الهواء خمس مرات بسرعة فى وقت اقل من 3 ثوانى.
هنلاقى شاشة التكييف هتطفى وتشتغل ثلاث مرات
وكدا يبقى الخاصية دى اتلغت
لو عايز تشغلها تانى اعمل نفس الخطوات تانى
لو فصلت البطارية هتشتغل الخاصية تانى ولازم تعمل الخطوات دى تانى
نشوف الصورة باردوا
http://i45.tinypic.com/25qx8vm.jpg
ودا فيديو عشان لو الشرح مش واضح
Kia Cerato / Forte Defogging Logic Deactivation - YouTube