عايزين نعرف اقصي سرعة جابها كل واحد من ملاك سيات او اللي جرب موديل من سيات كانت كام كم\ساعة؟؟؟؟ و عايزين وصف للاداء و الثبات في الطوالي و المنعطفات الحادة و الغرز و تقييم منه للعربية و يقول رأيه فيها بصراحة
عرض للطباعة
عايزين نعرف اقصي سرعة جابها كل واحد من ملاك سيات او اللي جرب موديل من سيات كانت كام كم\ساعة؟؟؟؟ و عايزين وصف للاداء و الثبات في الطوالي و المنعطفات الحادة و الغرز و تقييم منه للعربية و يقول رأيه فيها بصراحة
عن نفسي انا مجبتش بالابيزا 94 الا 140كم\ساعة بس:(:( و كانت علي الدائري بليل من اول مطلع الدائري من البحر الاعظم لحد نزلة المريوطية و الثبات سواء في المنعطفات او الغرز الحمد لله كان ممتاز و العربية تقيلة علي الارض و قوتها و عنف الموتور كان واضح جدا و كانت فاتحه علي البحري و زي ما تكون مش عايزة تقف
بس والدي جاب بيها 170كم\ساعة من مدة كبيرة شوية بس مش بعيد اوي يعني و برضه كان الثبات ممتاز و الاداء رائع
ibiza 93 (system porsche) 1200cc: كانت بتجيب 170 فى طريق الساحل و بعد كدة لما جبت ال1500cc كانت بتجيب ال210
العربية كانت لازقة فى الارض بس دة كان عشان العفشة متوطية و كان الكاوتش 195 ورا و 185 قدام.
ابيزا 2006 اقصى سرعة 200 كم / ساعة و كنت باخد الملفات على 170 عادى خالص و كانت ثابتة كنت على طريق العين السخنة
ايه ده عضو ابيزاوي جديد و كمان موديل 2006 اهلا بيك معانا يا ريت تقلولنا تقييمك للعربية
انا جبيت 140 كم فى طريق الاسكندرية القاهرة الزراعى الدائرى الجديد و بصراحة كانت العربية زى الفل و لقيت دواسة البنزين لسة فيها كتييييير بس بصراحة خفت موش عارف حسيت ان العربية خفيفة شوية على الارض و عربيتى ابيزا 2001
وموش هاعمل كدة تانى ان شاء الله
و ربنا يسلم طريقنا.
i got 145 km/h at rpm 4500 ibiza 2000 1000cc
stabbbbbbbbbbbbbble awy awy
a7san bimara7le men el yaris fi el satbility (very very very stable) basss laken sa7b we power el toyota a7san
3arabiya momtaza for one person
أنا كنت بجرب مرة علي الدائري وو صلت ل 150 كم/س و كنت علي 5000 rpm بس مقدرتش أزود أكتر من كدة لظروف الطريق.
الثبات كان كويس جدا و ماكنتش قلقان اني أزود كمان بس ملحقتش.والموتور عندي 1000 cc بالمناسبة.
مكلنا الحمد لله مبنبقاش قلقانين علي السرعات العالية حد تاني جرب موديل من موديلات سيات
هاى يا احلا زعيم للابيزاويه
طبعا إنت عارف إنى موديل 94
انا الحمد لله
جبت 175 وانا مسافر الغردقه وكان معايا 3 اصحابى
الثبات افضل من ممتاز
ودا طبعا فضل من ربنا
عايز اشوفك متألق فى المنتدى على طول يا محمد
كيوبيد
هاى يا جماعه
انا عضوه جديده
واقدر اقول إنى انا وبابا من عيله السيتاويه
انا ابيزا 98
بابا ليون 2008
تجربتى مع الابيزا
طريق الغردقه 160وكان معايا 2 اصحابى
طبعا فاكر يا كيوبيد:flirt:
اصله صاحبى يا جماعه
العربيه ثبات كويس جدا
بحد إنى راكبه عربيه ماسكه نفسها فعلا
يالا باى
ههههههههههههههههههههههههه ههههههههههههههه
إنتى لسه فاكره
شكلك بجد لسه زعلانه
إنتى إللى عغملتى سبع رجاله فى بعض وكنتى بتزنقى عليا عشان كده رميت عليكى كذا مره
بس الحمد لله إنتى بنت سويقه
:driving:
بس إيه رايك بهدلتك على الطريق ههههههههههههههههههه
كيوبيد
اهلا بيكي معانا في قسم سيات معاكي زعيم العصابة الموقرة :chris:
احنا نعمل اتفاقية باباكي يديني لفة بالليون و انا اديكي لفة بالابيزا 94 1300 بقي مش 1000 ههههه:) انا بعشق الليون عربيتي المستقبلية هي ليون ربنا يباركلكوا فيهم و لو احتاجتي اي حاجة للابيز الزعيم موجود:)
اه نسيت ارحب بيكى يا تحفه واقولك اهلا بيكى معانا
الجروب هنا بجد تحفه يا دودو
اتمنالك الاتمتاع هنا بجد
كيوبيد
hhhhhhhhhhhhhhhhhhhhhhhhhhhh
خلاص وانا موافقه على الاتفاقيه دى يا سيدى
هى فعلا الليون عربيه جميله وممتازه
احيانا بخدها من ورا بابا واخرج بيها
هههههههههههههههههههههه
ميرسى بجد على محمد وبجد انا حاسه إنى هكون مبسوطه معاكم
حاسكم بجد عيله
ياى باى يا جميل
dodo
وإنت يا كتكوت
مش تفكرنى تانى بموضوع الغردقه دا
المفروض تكون جنتل وتسيبنى اعدى منك
حتى لو زنقت عليك
امال بس كيوبيد إيه وحوارات إيه
عموما ميرسى يا قمر وعايزه اشوفكيا واد من اول الاجازه مش شوفتك
dodo
اية يا جماعة السرعات الجامدة دى 160 و 170 و200 لا و محمد ابيزا زعيم العصابة يقولى عربيتك زى الفل ياباشا طيب اتا باتلكك و اقول الطريق وحش و معرفتش اجيب اكتر من 140 عديها بقى موش تحرضنى على الفساد علشان اعدى ال 140 يا شباب انا عندى اولاد و ربنى يدينى العمر و الصحة علشان اربيهم رغم ان حتى هذة اللحظة همة اللى بيريونى.
يا زعيم كن عقلانيا ومتحرضنيش على الجرى قانون المرور الجديد فية حبس و ربنا يستر و يجعلة عامر.
يا باشا ابويا عنده اولاد برضه و بيقفل عداد عادي جدا جدا جدا
انا بعربيه واحد قربيبي معاه موديل 99 اقصى سرعه كانت 150 و اخدت بيها غرزه و هو نايم جنبي و ماحسش بيها
مراته جابيت 150 و كانت بتقول ماكنتش حاسه جوزها منعها من سواقه العربيه و حلف ميت يامين انها مش هاتركبها تاني بس عادي يعني
طبعا ابو حميد عارفني بمشي على مهلي خالص و مش باخد غرز مش كده و لا ايه
و بعدين في بنات اه بتقفل عداد و زي الفل مافيش مشاكل يعني
طب هاحكيلكم قصه غريبه
مره اتبهدلت من بنت راكبه ماروتي و لما طلعنا بره البلد قالتلها تشدي قالتلي ماشي
المهم عملت جنتل لحد اما ساقت قله الادب و اخدت غرزه من قدامي ماينفعش السكوت عليها
طيرت وراها لحد ال120 و هوب عديت منها 160 و كسرتلها المرايا و انا بعدي
و البت بجحه لسه مكلمله عادي تنزل من الرمل و انا بزنق عليها و دخلنا البلد و طلعت عنينها من غيظي ازاي ابقى ولد وراكب بسات و هيا بنت و راكبه ماروتي و تعديني
بس الحمد لله رفعت راي الراجال تاني و راس الفولكس تاني
ابيزا 2007 جابت اخرها 185 على مصر اسكندرية الصحراوي وكنا 5 في العربية والغرز تقدر تقول جميلة لحد ال 165 بعديها هتحس بالخطر شوية لكن اجمالا ما شاء الله اديها 9/10
ابيزا 1994 140 كم على طريق مصر اسكندريه الصحراوي والثبات كان ما شاء الله زي الفل اخدت غرزتين لا بأس بهم والحمد لله العربيه راسيه وتمام التمام...
وانا شاء الله قريب هغيرلها البوجيهات والفلاتر والسيور لأن العربيه جابت 140 وتقلت جدا ما كانتش عاوزه تسحب تاني ... بس الحمد لله راضي عن اداء الأبيزا والحمد لله ربنا وفقني في اختياري للأبيزا ... شكرا لكل اعضاء نايل موتورز
غلط اوي يا شباب اننا نفرح بالسرعه
دى ملهاش كبير وربنا يوصلكم ويوصلنا باسلامه