استفسار عن البرايد (ارجو الافادة)
كنت عاوز استأذن خبراء البرايد فى بعض الاسئلة عنها لانى ناوى اشتريها باذن الله لانها فيها كل المميزات اللى انا عاوزها ,
يعنى العربية حجمها مش كبير ولا صغير (معقول يعنى) موفره فى البنزين ومش ضعيفة (1300) وفيها تكييف وسنتر وكهربا وعلى ما سمعت نازلة هاف باور , يعنى تقدر تقول انها فيها كماليات (يعنى فيها شئ من الرفاهية برضو)
بس السوال اللى مش عارف اجاوب عليه : هى العربية دى ناعمة ؟ ولا خشنة ؟ يعنى نقدر نقارنها بالدايو لانوس والاكسنت فى النعومة ؟ ولا نقارنها بالشاهين والفيات ؟
تانى حاجة برضو نفسى اعرفها : العربية دى صوت موتورها عالى ؟ ولا هادية ؟ طيب ولو ماشى بسرعات عالية فوق ال 100 هيكون صوت الموتور هادى والعربية احس بنعومتها ولا بتكون خشنة ؟
تالت حاجة : انا شغلى صعب شوية لانى مهندس فهل العربية دى تستحمل كل يوم تمشى حوالى 120 كيلو متر ؟ ولا هتفيص منى ؟ هى طبعا هتحتاج رعاية خاصة علشان المشوار ده بس الرعاية دى فى المعقول ولا لا ؟
رابع حاجة : العربية بتتبهدل بسرعة زى الاكسنت ولا ماسكة نفسها ؟
متشكر جدا ليكو يا جماعة