-
مشكله فى الصوت
السلام عليكم
انا عندى اشتريت سماعتين كينود 400 دبل بيز و جى ام سونى 350 وات وركبتهم على الكاسيت الفابريكه و على ما اعتقد بوصله اسمها ار دى بس المشكله فى زنه رهيبه لما بوطى الصوت فروحت للراجل تانى قالى انك محتاج فلتر صوت و انا مش عندى المهم نزلت شارع بغداد لقيت فلتر صوت و ركبته مش عمل اى حاجه قالى المشكله فى الوصله الار دى و النظيف منها ب 175 جنيه السؤال هنا لو غيرت الكاسيت الفابريكه هتحل المشكله ده و ايه انواع الكاسيت الدبل دين الموجوده و اسعارها ايه مع العلم ان عربيتى byd اوتاميتك عامله حوالى 7000 كيلو يعنى فابريكه
ارجو الافاده
-
الزنة دى زنة كهربا كدة فى حاجة غلط او الجى ام فية حاجة
حضرتك تقصد بالوصلة rca ?
-
يعنى حتى لما اغبر الكاسيت مش هتروح الزنه ده
-
نفس الموضوع دوت كان عاندى فى العربية و أكتشفت ان الموضوع دة من الكهربة بتاعت العربية حتى لو غيرت الكاسيت بردو هاتلاقى نفس الزنة ديت و الزنة ديت مش بتزهر غير لما الصوت يكون واطى لاكن لما بيكون عالى مش بتكون واضحة نهائى
-
بالظبط اللى بيحصل عندى ممكن تقولى ظبطه ازاى
-
جرب تبدل سلك البوجيهات بسلك كاربون
كان عندي نفس المشكلة واتحلت بتغيير سلك البوجيهات بسلك كاربون
-
انا اللى مضايقنى انها عربية جديده يعنى فابريكه فالاسف مش عايز العب فى البوجبهات و حضرتك روحت لمين عشان يظبطهالك
-
رجالة المنتدى مفيش اقتراحات تانية
-
اتأكد من وصلة الارضى للكاسيت
-
مش الصوت أساسا كان كويس؟.... يبقي المشكله في الجي ام.... اما وصله الكهربا او الأرضي او الصوت.... الجي ام تحت الكرسي ولا ف الشنطه؟
Content Relevant URLs by
vBSEO 3.6.0 PL2