الموضوع: عاجل للأهمية :برجاء النصح والإرشاد

ربنا بس يستر ميكونش العربية مسروقة
ساعتها مش هيعرف ياخد حقة ربنا يسترها علينا
والحمد لله انها جت فى الحديد

[QUOTE=mohsen;341941]1-يوم التلات الماضى 8 يوليو 2008 واحد صاحبى كان راكن عربيته اللانوس زي كل يوم فى ش أنورالمفتى بجوار مدرسة عباس العقاد التجريبية للغات
2-نزل من شغله الساعة 6 مساء لقى العربية مدمرة وكأن فى لودر أو بلدوزر ضربها من الجنب الشمال وطلعها فوق الرصيف
3- الناس اجمعت حوليه وقالتله إن الساعة الواحدة ظهرا كان فى ولد عمره حوالى 15 سنة سايق عربية ماتريكس وبيجرى بسرعة جنونية وداخل على التقاطع لقى شاب راكب عجلة ضرب فرامل العربية لفت منه وشال الشاب الى راكب العجله وخده وحشره بين العربيتين وطلعه هو و اللانوس فوق الرصيف
4- الخسائر والحمد لله كانت كما يلى:
*الجنط الخلفى الشمال والكاوتش إتقطعوا
*اللاكسدام الخلفى الكسر
*الرفرف الخلفى الشمال اتعجن لجوة واتكبس على الباب الخلفى الشمال وطبقه الى بدوره اتكبس على الباب الامامى الشمال
*الباب الخلفى الشمال اطبق من الطبلة
*الباب الامامى اطبق واتقطع من اكتر من مكان من الطبلة تقريبا مش هينفع
*الرفرف الامامى اطبق
*الزجاج الامامى اتشرخ بالعرض لحد النص
وكل ماسبق يرجع الفضل فيه لإكسدام الماتريكس الامامى
(تخيلو السرعة الى كان ماشى بيها........................)
5-كل ده والولد حب يجرى بالماتريكس بعد ده كله الناس مسكته واجبرته انه يودى المصاب الى كان سايق العجلة اي مستشفى
6-الماتريكس بعد ماعملت ده كله كل الى حصلها ان اللوحة المعدنية الامامية وقعت منها وولاد الحلال احتفظوا بيها
7-خدنا نمر الماتريكس وروحنا قسم مدينة نصر أول وعملنا محضر بالواقعة وخدنا رقمه
8-ذهبنا الى مركز رابعة الطبى ووصلنا الى دفاتر دخول الحوادث لقينا الولد وأخوه الى اتصل بيه طبعا بعد الحادثة سايبين بيانات كاذبة
وانه بدون رخصة قياده ومفيش رقم بطاقة وعنوان وهمى وكل ذلك مسجل فى دفاتر مركز رابعة الطبى
والمصاب كتب اقرار على نفسه انه الى خبطه هيعالجه فى مستشفى تانى رغم ان تقرير الطبيب بيقول كما هو وارد فى الدفاتر انه عنده جرح نافذ وقطع اعلى الركبة وكسور و......... طبعا اداله الى فيه النصيب و انتوا عارفين الباقى.........
(شايفين الضمير وصل لحد فين)
برجاء التكرم بالنصح والارشاد للوصول لصاحب الماتريكس
مع العلم ان احنا معانا المعلومات الاتية
*رقم الماتريكس ولونها
*اسم المصاب وعنوانه ودفتر توفير وقع منه اثناء الحادث
أنا صاحبى أقسم بالله إنه مش هيسيب حقه وهياخده بأى تمن بعد مافهم ان الولد مستهتر وكمان معندوش ضمير
وانا بحاول اهديه علشان ياخد حقه بهدوء
وأخيرا ..........الحمد لله




ربنا يعوض عليه ويأجره في مصيبته وإن شاء الله ياخد حقة من البنى ادم المستهتر ده

نصيحه مني تاخد رقم العربيه وتطلع بيه علي المرور التابع له العربيه ديه وتشوف اي

حد هناك يدلك على البينات بتاعت العربيه وصاحبها وبالطريقه ديه تقدر توصل

لصاحب العربيه وتاخد حق صاحبك منه