نصائح عند شراء الميجان

**وائل مختار** · 05-11-2012 01:11 AM

انا بدور يا جماعه على ميجان تكون 2008 كنت عاوز اعرف من وحوش الميجان ايه هى الملاحظات اللى اخد بالها منها وانا بتفرج على العربيه عشان اخد قرار مبدئى ان العربيه كويسه وبعد كده طبعا اقوم بالكشف عليها طبعا ،، بمعنى اخر ايه هى الحاجات المهمه اللى ابص عليها عشان احكم العربيه دى ممكن تكون كويسه ولا لا

**تامر.محمد** · 05-11-2012 01:32 AM

حالة الصاج من برة و الصالون من جوة , وظايف العربية شغالة ولا لأ
طبعا الموتور و صوته و سحبه و العفشة و حالتها

**Ahmed Selim** · 05-11-2012 07:03 AM

المشاركة الأصلية كتبت بواسطة تامر.محمد

حالة الصاج من برة و الصالون من جوة , وظايف العربية شغالة ولا لأ
طبعا الموتور و صوته و سحبه و العفشة و حالتها

صح الكلام..........و يفضل برضه لو العربية تكون بتعمل صيانات فى التوكيل على الأقل حتى أخر مدة الضمان.......و تشوف الفواتير بنفسك...... و لو هتعمل كده عادة بيكون فيه مع الفاتورة ورقة تانية أسمها شهادة الجودة.

شهادة الجودة دي بيتكتب فيها أيه الحاجة اللى العربية محتاجة تغيرها و متعملتش فى الصيانة دي

يعني ممكن اروح أعمل صيانة و يقولولي غير التيل و انا مش عامل حسابي و هرجع لهم بعد كده علشان يعملوه.......بيكتبوا فى شهادة الجودة أنها محتاجة تغيير تيل.

أو ممكن تكون حاجة فى الضمان ومش موجودة حالياً..........برضه بيكتبوا علشان ترجع لهم بالشهادة بعد كده و يغيروها على الضمان.

**تامر.محمد** · 05-11-2012 01:04 PM

المشاركة الأصلية كتبت بواسطة newuser2009

اهم نصيحه : ما تشتريش ميجان

لا أتفق :)
يشتري و هو مبسوط كمان , لكن يكشف عليها كويس جدا :)

**وائل مختار** · 05-11-2012 01:30 PM

على فكره توضيحا للاخوه انا كنت اساسا راكب ميجان موديل 2006 ولسه بايعها وقعدت معاى اكتر من سنتين ومشيت بيها 50 الف خلال الفتره دى وعمرها ما قلت بأصلها معاى وبعتها عشان احدث الموديل مش اكتر وانا حاطط دلوقتى رنج حوالى 75 الف يزيدوا او ينقصوا شويه ومعتقدش ان المبلغ ده يركبنى عربيه موديل 2008 بمواصفات عاليه وعربيه محترمه زى الميجان