الموضوع: دخلت الطب وانا كارهه الكلية وتخرجت والان ابحث عن وظيفة خارج نطاق الطب فمن يساعدنى

المشاركة الأصلية كتبت بواسطة m707707

بالفعل زى ما قلت شغلانة مربحة جدا ومكسبها مثل المخدرات بظبط خصوصا مستلزمات لاسنان وراسلت جماعة مصريين عابيشين فى الصين بيصنعوا السرنجات والجوانتيات و المستلزمات الطبية عشان اكون موزع ليهم ورفضوا لانهم اما عايزين تاجر يشيل كميات كبيرة ودى عايزة راس مال كبير نوعا ما

او عايزين شخص لية علاقات كبيرة مع صيادلة والمراكز الطبية و غيرها عشان تصريف المنتج

طب ما تفهمني الحكايه وحده وحده كده عشان انا مش دكتور

وراس المال الكبير نوعا ما ده يطلع كام

وتوزيعه ايه مشاكله يعني هنبقى زي medical rep ممكن تيجي وممكن متجيش ولا ايه الكلام


وممكن نعمل المشروع ده سوا لو في نصيب ونعدى بقىىىىىىىىىىىىى

بس اهم حاجه في الحلال طبعا متكونش منتجات رديئه

والله ربنا يعلم ان انا مكرهتش البلد ديه غير لما اشتغلت في وزارة الصحه ..وللعلم ده مش حالك انت بس ده حال الكثير ..
بس ان شاء الله بأيدينا نغير الوضع ده ..وربنا يهدي القائمين علي البلد ..ويراعوا الله في الاطباء والمرضي ..
اقسم بالله ساعات بخاف اعمل حادثه وافقد الوعي فيحولوني علي مستشفي حكومه ..ممكن اموت من الصدمه ..
وزارة الصحه عايزه اللي يشتغل فيها يبقي انسان بارد يموت ضميره ..غير كده هيكتئب وهيموت بدري ..
اللي كان ممكن يصبر الواحد قبل كده ..ان واحد غلبان يدعيله او يحس انه عمل حاجه ..
انما دلوقتي ميعديش يوم غير لما امك تتشتم ..او تتضرب ..اصل وزير الداخليه معندناش قوات كافيه لتأمين المستشفيات..

والسفر للخليج مثلا مش حل ..هتسافر هتتذل لأنهم عارفين ان احنا بناخد ملاليم في بلدنا فبالنسبلهم العشره بجنيه ..لو مش عجبك سافر ونجيب غيرك ..ان كان افضل من مصر مليون مره..غير انك بتقول ان فيه ظروف تمنعك ..

شهادات اجنبيه ..هتجيب فلوسها منين ..

حاول تتعايش يمكن ربنا يفرجها

ممكن تاخد أجازه بدون مرتب مش لازم تسيب الشغل نهائيا ( لسه فى أمل النيا تتغير) و فعلا ممكن بسهوله تشتغل فى بيع الاجهزه الطبيه فى أي شركة مبيعات خاصه ,, بس برده هتبقى مضطر للتعامل مع مديرى المشتروات فى المستشفيات الحكوميه و هتعرف طرق البيع الجميله فى مصر !!!!

المشاركة الأصلية كتبت بواسطة casperinoo

والله ربنا يعلم ان انا مكرهتش البلد ديه غير لما اشتغلت في وزارة الصحه ..وللعلم ده مش حالك انت بس ده حال الكثير ..
بس ان شاء الله بأيدينا نغير الوضع ده ..وربنا يهدي القائمين علي البلد ..ويراعوا الله في الاطباء والمرضي ..
اقسم بالله ساعات بخاف اعمل حادثه وافقد الوعي فيحولوني علي مستشفي حكومه ..ممكن اموت من الصدمه ..
وزارة الصحه عايزه اللي يشتغل فيها يبقي انسان بارد يموت ضميره ..غير كده هيكتئب وهيموت بدري ..
اللي كان ممكن يصبر الواحد قبل كده ..ان واحد غلبان يدعيله او يحس انه عمل حاجه ..
انما دلوقتي ميعديش يوم غير لما امك تتشتم ..او تتضرب ..اصل وزير الداخليه معندناش قوات كافيه لتأمين المستشفيات..

والسفر للخليج مثلا مش حل ..هتسافر هتتذل لأنهم عارفين ان احنا بناخد ملاليم في بلدنا فبالنسبلهم العشره بجنيه ..لو مش عجبك سافر ونجيب غيرك ..ان كان افضل من مصر مليون مره..غير انك بتقول ان فيه ظروف تمنعك ..

شهادات اجنبيه ..هتجيب فلوسها منين ..

حاول تتعايش يمكن ربنا يفرجها

[justify]لا يقبل أحد إهانة الطبيب اثناء عمله الانساني في علاج المرضى, و لا يقبل أحد إهانة أي انسان
لكن في تصوري أن تأمين الطبيب ليس في يد وزارة الداخلية ...بل أفضل تأمين و حماية له المفروض تكون من المريض و أهله ....و الذين يجدون رعاية و عطف عليهم من الطبيب...هؤلاء هم أكبر تأمين و أكثر فاعلية........فلا توجد مستشفى محترمة تعج برجال الشرطة لحماية الأطباء من المرضى!!! لذلك أتصور أن تأمين الطبيب ليس في يد وزير الداخلية ..و انما هذا الأمر متصل بوزير المالية و وزير الصحة.. لتدبير الموارد اللازمة لجعل المستشفى مكان مؤهل لاستقبال المرضى, فإذا وجد المريض رعاية طبية محترمة و إنسانية تحترم آدميته و هو في حالة الضعف ( المرض ) فسيكون هو أول حامي للطبيب

المشاركة الأصلية كتبت بواسطة egyzizo

فكر تسيب ده كله وتروح كطبيب سياحى فى الجونة أو الغردقة أو شرم ، هتاخد مرتب كويس وسكن عائلى فى مكان نضيف ومافيش هناك عيوب المستشفيات الحكومية. والطب هناك خفيف خفيف ..

ليا صديق شغال طبيب فى مستشفى الجونة ومستريح.

اتعرض عليا شغل برضة نفس المنوال اسبوعين شغل واسبوعين راحة وعودة للمنزل

الاسبوعين الشغل 24 ساعة بكام ؟ بالفين جنية !! ورغم انها قليلة جدا قلت ماشى مش مشلكة روحت اخد اجازة لان طبعا هتسيب المستشفى اسبوعين ازاى ورا بعض قالولى هتدفع تامينات تعادل فوق ال 300 جنية + مصاريف الانتقال رايح جاى قول 150 جنية + اكل وشرب هتحسبها تلاقيها متفرقش كتير عن مرتب الحكومة الكحيان

المشاركة الأصلية كتبت بواسطة kamal12

ممكن تاخد أجازه بدون مرتب مش لازم تسيب الشغل نهائيا ( لسه فى أمل النيا تتغير) و فعلا ممكن بسهوله تشتغل فى بيع الاجهزه الطبيه فى أي شركة مبيعات خاصه ,, بس برده هتبقى مضطر للتعامل مع مديرى المشتروات فى المستشفيات الحكوميه و هتعرف طرق البيع الجميله فى مصر !!!!

بقالى سنين وسنين بسمع كلمة فى امل فى مل لحد م الامل نفسة اصبح امل

ويا سيدى موافق اشتغل مبيعات اجهزة طبية واكحت القاهرة شمالا و جنوبا لبيع الاجهزة كل يوم وعندى عربية بس يا ترى الشركات نفسها هتاخدنى ؟؟

قلت قبل كدة فى مشاركات الشركات بتاخد بتوع الهندسة الطبية او خريجى العلوم والبيطرى

مش الطب البشرى