للاسف معرفش لو عرفت ابقى قوللي :satelite:
بس تقريبا بيبقى فيه شركات توظيف تروح تديهم السي في ولو عايزينك بيكلموك بس معرفش اي معلومات اكتر للاسف
بسيطة يا دكتور
مكتبة اطلس امام كلية البنات شارع اسماء فهمي بأرض الجولف
روح اشتري ملازم منهج البايولوجي او الكيمياء حسب انت متفوق في ايه للسنوات بتاعت ال i g واقرأها وافهمها ولو عندك موهبة الشرح وتوصيل المعلومة يبقى تمام
كام منشور برقم تليفونك ويتلصقو امام ابواب المدارس الشهيرة بتاعت اللغات وعند السنترز اللي بياخدو فيه الدروس
وشوية علاقات مع اصحاب السنتر .... وهما ح يجيبولك الطلاب وبياخدو اساسا مبلغ على كل طالب مقابل المكان اللي ح تدرس فيه اللي هو السنتر
المحاضرة ب 100 جنيه للطالب .... خليها انت ب 50 عشان تتعرف ف الاوول ....
واحنا لسة نعتبر في اول العام يعني قدامك فرصة السنة دي
فكر فيها وربنا يوفقك
بسيطة ........!!!!!!
سامحنى اخى على فكرة انت فاهم الموضوع خطاء تماما زيك فى الاول كدة لحد ما فهمت الفولة
اولا
انا حصلت على كتب الاى جى سى وبيولوجى اللغات فعلا وقريتها اليوميين اللى فاتوا و جزء بسيط جدا منها هو لية علاقة بالطب والباقى النباتات وتنوع الكائنات و اجزاء اخرى كثيرة لا تمت صلة للطب يشئ ولكنها ليست المشكلة الوحيدة او الصعبة
ثانيا
فى خبرات تدريس معينة لطلبة البيولجى اللغات وتكات وخبرات مكتسبة يجب ان تعرفها قبل ان تمتهن تدريس المادة حتى لا تجرج امام الطلاب
مثل الاسئلة التى ينخدع بها اغلب الطلاب فى الامتحانات والفخ المنصوب الي الطالب
مثل طريقة شرح وتبسيط المعلومة واسهل الطرق للوصول المعلومة الى الذاكرة دون توهان او نسيان او تشتيت مع معلومة اخرى
مثل ما هو اصعب الدروس على الطلاب والتى تحتاج الى جهد جهيد لشرح والفهم
طريقة التفكير العلمى فى حل الاسئلة ووضع قواعد للاجابات النموذجية
طريقة تلخيص المادة واستخراج المعلومة بكل سهولة ويسر ويوجد علم اسمة علم الديناتولوجى فى كيفية ايجاز المادة وكل شابتر منها فى عشر دقائق فقط وهو علم موجود فعلا ويدرس فى الخارج اما فى مصر فلا اعرف هل وصل الينا ام لا !!
طريقة التعامل مع الجنسين فى سن المراهقة وكيفية الوصول الى افكارهم والتواصل مع جيلهم وسنهم
كلها نقط تحتاج الى خبرات على الاقل سنة من التطبيق العملى ورؤية الامور على الواقع قبل ان امارس المهنة وبطبع لن يسمح لى مدرس بيولوجى باخذ هذة الخبرات من ارض الواقع والتطبيق العملى لانى ساكون لاحقا منافس لى فى سوق !!!
الموضوع ليس بهذة البساطة ابداااااااا كما تظن اخى
اكيد الموضوع ليس بسيط ... والا كان الجميع عملوه
لكن ايضا ليس مستحيل
الملازم اللي بتتباع في اطلس بتشمل الشرح ... وفيه كمان الامتحانات السابقة وحلولها وكمان تمرينات للحل
يعني الموضوع محتاج منك دراسة للمنهج ... ولو اقتضى الامر ممكن تحضر كورسات سواء حضور فعلي او فيديوهات ممكن تلاقيها ع النت
مش سهل طبعا
لكن من مستحيل وليس شديد الصعوبة
يعني بس عاوز جهد في الاول .... ومفيش حاجة بتكون سهلة اساسا
وبعدين لو ح تدور على حاجة مضمونة النجاح ..... يبقي انت بتدور على سراب
كل شيء له مصاعب ومخاطر ويجب على من يريد النجاح ان يتجاوزها لكي ينجح
وخلي بالك انت مش مجرد انك بتحاول تدخل مجال التدريس
انت نتكافح عشان تغير مسار حياتك بشكل جذري .... يعني لازم تتوقع العقبات في اي مجال لأنه ح يكون جديد عليك
والا .... يبقى استمرارك في الطب اسهل
..
وحتى لو حاولت ولم تنجح .... يبقى انت أخذت بالاسباب وحاولت .... والتوفيق بيد الله اولا واخيرا
والله دائما يوفق المجتهدين
ربنا يوفقك