| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 64

  1. #1

    الصورة الرمزية m707707

    رقم العضوية : 57507

    تاريخ التسجيل : 31Dec2009

    المشاركات : 92

    النوع : ذكر

    الاقامة : cairo

    السيارة: ميتسوبيشى

    السيارة[2]: دايو

    دراجة بخارية: لانسر

    الحالة : m707707 غير متواجد حالياً

    افتراضي دخلت الطب وانا كارهه الكلية وتخرجت والان ابحث عن وظيفة خارج نطاق الطب فمن يساعدنى - Facebook Twitter whatsapp انشر الموضوع فى :

    hasad">

    سلام عليكم

    دخلت كلية الطب بناء على رغبة والدى الطبيب ايضا وبعد ان تعذبت سنوات وسنوات تخرجت من الكلية وانا ممتعض ولا احب الطب فقط ثم عينت فى المستشفى الحكومى وهناك بطبع نتيجة لسوء الاحوال سواء الامنية او حتى المعيشية او الراحة النفسية مع المرضى وتعاملاتهم الفظة مع الاطباء وتمريض غريب الشكل واللون والحركات ...... وحتى الاطباء نفسهم وصل بيهم الحال للقتال بالضرب والشتم على المرضى الخاص وشغل شركات الادوية اللى من تحت لتحت .. ناهيك عن الالف جنية الملطوش اللى باخدهم من المستشفى وكمان قطاعى مش حتة واحدة كل هذا ادى انى كرهت الطب نهائيا بعد ما كنت لا احبة فقط !!!وقطعت كل كتب الطب الباهضة الثمن جدا عندى فى البيت وحرقتها بجاز !!

    واقسمت ان لا ارجع للطب نهائيا وابديا وحلفت يمين على كدة و حتى ولو هتقاضى عشرات الالوف شهريا من ما يسمى بالمستشفى الحكومى وهى فى الاصل خرابة و عنابر سجون ابو زعبل انضف منها !!! فكل بوم يمر بالمسشتفى اتعرض الى فتن كبيرة جدا فى مالى ودينى و سلوكى الشخصى وبرتكب ذنوب تضاف كل يوم الى سيئاتى!! سواء اردت ام لم ارد او حتى التقصير لتقديم الخدمة المفروض اللى اقدمها للعيان من الاخر بنشتغل بعض !!

    رجاء لا احد يقنعنى بالعودة لمجال الطب فقد اخدت القرار ولا اريد احد ان يفكر لى فى وظيفة مندوب ادوية او طبيب فى صيدلية وما شابةة فقد فكرت فيها ولظروف خاصة لا استطيع ان اكون مندوب ادوية او ااقف بياع فى صيدلية او حتى اسافر للخارج لظظروف خاصة ايضا


    وايضا لا املك راس مال لعمل مشروع تجارى ولا املك خبرة التجارة فى الاصل

    فبماذا تنصحونى لكى ابدء حياة مستقرة من جديد احافظ فيها على نفسى من الفتن التى تعصف بى علما انى متزوج ورب اسرة !!

    وهل يوجد وظيفة لطبيب خارج نطاق الطب ؟


    ارجو ان لا يتاخر احد على بالمشورة والنصح الخالص لوجة الله وحدة


  2. #2

    الصورة الرمزية mazher_m

    رقم العضوية : 82670

    تاريخ التسجيل : 03Dec2010

    المشاركات : 899

    النوع : ذكر

    الاقامة : bani bani

    السيارة: no

    السيارة[2]: fantasia sport 2012

    دراجة بخارية: no

    الحالة : mazher_m غير متواجد حالياً

    افتراضي -

    صباح الخير يا دكتور
    خليك متفائل ان شاء الله اللي انت عايزه هيكون وهتلاقي شغل في مجال انت بتحبه
    وان شاء الله تبدع فيه والدنيا هتكون احلي كتير
    مش شرط تكون طبيب علشان تعرف تعيش
    اهم حاجه خلي ثقتك في ربنا كبير
    وحاول تغير جو اليومين دول خد اجازه انت واسرتك
    علي الاقل علشان اعصابك تهدا وتفكر كويس و تعرف هتمشي في اي اتجاه
    ابدا بالاجازه وبعده كده نشوف الخطوه الجايه ايه
    تقبل مروري


  3. #3

    الصورة الرمزية mido01050

    رقم العضوية : 1587

    تاريخ التسجيل : 27Jul2007

    المشاركات : 237

    النوع : ذكر

    الاقامة : Tanta

    السيارة: هيونداي فيرنا اوتوماتيك

    السيارة[2]: شيفرولية افيو اوتوماتيك

    دراجة بخارية: لا يوجد

    الحالة : mido01050 غير متواجد حالياً

    افتراضي -

    مش عارف اقول لك ايه
    انا طبيب برده بس انا بقضي جيشي في مستشفى عسكري و مش عايز اقولك المصاريف على المستشفيات العسكرية في التجهيز و البزخ واصل لفين و من حكايات زمايلي اللي مدخلوش جيش حاسس اني هرجع لمستنقع زبالة اسمة مستشفيات وزارة الصحة


  4. #4

    الصورة الرمزية m707707

    رقم العضوية : 57507

    تاريخ التسجيل : 31Dec2009

    المشاركات : 92

    النوع : ذكر

    الاقامة : cairo

    السيارة: ميتسوبيشى

    السيارة[2]: دايو

    دراجة بخارية: لانسر

    الحالة : m707707 غير متواجد حالياً

    افتراضي -

    اقتباس المشاركة الأصلية كتبت بواسطة mido01050 مشاهدة المشاركة
    مش عارف اقول لك ايه
    انا طبيب برده بس انا بقضي جيشي في مستشفى عسكري و مش عايز اقولك المصاريف على المستشفيات العسكرية في التجهيز و البزخ واصل لفين و من حكايات زمايلي اللي مدخلوش جيش حاسس اني هرجع لمستنقع زبالة اسمة مستشفيات وزارة الصحة

    عارف طبعا شكل مستشفيات العسكرية اية وبجد هتتعب جامد لما تتنقل من الجنة اللى عندك الى مستشفيات الحكومة وعلى فكرة وصفك انها مستنقع زبالة فية مجاملة كبيرة جدا وخد عندك

    اول ما هتدخل المستشفى هتلاقى موظفة دبلوم صنايع قاعدة على الدفتر الحضور والانصراف بتشطب على الدكاترة ولازم تدى اليها فروض الطاعة ...بعض المستشفيات الامضاء فيها فى ايد وكيل المستشفى بس فى الغالب موظفين والافضل ليك انك كمان تتعامل مع الموظفة لان وكيل الميستشفى هيبصلك بصة لو بتيجى متاخر على النباطشية وهيديك كلمتين ادام الناس ممكن يحرجك اكتر من الموظفة

    هتدخل القسم وتاخد نباطشيات فى اى قسم هتختارة هتلاقى رئيس القسم فيها بيتحكم فيك كانك عامل يومية وهيسلخك نباطشيات سهر ليلك زى نهارك فى الاعياد وغير الاعياد

    لو عايز تدخل حجرة العمليات لازم توزع سجاير سبارس على كل العمال اللى بينضفوا حجرة العمليات وتكسب ود التمريض بعزومات عشان تمشى حالك معاهم ويسبوك تتعلم براحتك وتاخدخيوط جراحية كتير لانك فى الاول بطبع هتستهلك خيوط كتير وانت بتتعلم فلازم تشيل الناس على كفوف الراحة

    فى نباطشيات القسم اياك تطلب من ممرضة اللى سهرانة معاك تركب محاليل مجرد حقن مسكنات وفلسع العيان لان الممرضة شغالة فى 3 اماكن وجاية مسشتفى الحكومة مش شايفة حتى الحيطة او حتى سرير المريض من التعب فلو طبت تركب محاليل هتاخد كلام من ادامك ومن وراك هيسم بدنك

    هات جوانتيات جلد نضيفة للاستعمال الشخصى لك لان جوانتيات الحكومة كلها دم ملوث وكمان تسبب هرش وحك رهيب وحساسية مع طول الاستعمال

    التمريض القليل الادب تحاشا العمل معة فى اضيق الحدود جدا خصوصا الستات الكبار واعرف ان لو ممرضة قلعت الشبشب وضربتة على راسك هتاخد 3 ايام جزاء فقط يعنى خصم 20 جنية من مربتها اللى اصلا معدوم فانت من الاول اعمل حاجز بينهم وبينك

    ما تبيع النباطشية السهر الا بعد شهرين تلاتة عشان ما حد يستغلك ويرفع سعر بيع النباطشية عليك

    متديش رقم تلفونك لاى مريض ابدا هيقرفك بجد

    العيان اللى جاى بربطة المعلم مع اصحابة اعمل اعتبار خاص جدا واعملة احلى واجب لانك لو اخطئت معاة اى خطاء بسيط هيشوطوا فيك واصحابة هيعلوا عليكم فيلم وممكن تضرب فى الاستقبال ويبقا شكلك وحش جدا ادام الناس وما حد هتشوفة هيدافع عنك واياك تستغيث بامن المستشفى لانة هيقعد يتفرج ويضحك عليك ويمكن كمان يصورك عشان ينكتوا عليك فى السهر ويسلوا وقتهم

    العيان اللى عايز يتحجز فى المستشفى عشان الاقامة و ياكل ربع الفرخة يوميا على حساب المستشفى عشان يوفر خصوصا المسنين اللى عايزين المستشفى قاعدة تسالى ولب وفول بدل القاعدة فى البيت لوحدهم يفضل انك تحجزهم بالمستشفى دون نقاش او تحاول اقناعهم احسن ما ترفض حجزهم فى العنابر وهتاخد دعوات وسب وشتم وشكاوى فيك للصبح ووجع دماغ انت فى غنى عنة

    مدير الاستقبال لازم تكسبة عشان بيوزع الصناديق على كيفة الشخصى وفى ناس هتاخد ضعفك لو انت ما عملتلة فروض الطاعة وناس هتاخد خصومات


    حجرة الاطباء للنوم فى المستشفى الحمار يقرف ينام فيها انصحك تجيب معاك ملاية خاصة بيك تفرشها علىالكنب احسن ليك ما تاخد مرض التنيا وفى رقبتك ورجلك او اى مرض جلدى تانى معدى وياريت ما تاكل من اكل المستشفى مباشرة خد الوجبة بتاعتك فراخ او غيرة واطبخها بنفسك افضل الف مرة لو اتفقت مع العاملة على كدة لان قسم الطبيخ فى المستشفيات كلة نمل وصراصير وفئران بايتة فية من الصبح لليل

    الصيدليات اللى جنب المستفيات هتبعتلك مناديبهم عشان تكتب الدواء اللى قرب يخلص تاريخ صلاحيتة للمرضى فى الاستقبال على ادوية شركات عايزة تصرف منتجاتهك وبنسبة طبعا من كل روشتة هتطلع منك هنصحك وهقلك بلاش الشغل دة عشان الفلوس دى حرام فى حرام ومرة شفت روشتة ب 80 جنية قيمة الدوا لمريض عظام وهو اصلا مريض قلب وضغط بس الطبيب الامتياز مش كان لاقى ياكل لان مرتبة بطبع زى منتا عارف 300 جنية فاظطر انة يعمل الشغل القذر دة وانا هعيدها عليك ونصيحة كل عيش حاف احسن لك

    العيان اللى فى العنابر وعيان بجد وعايز يعمل عملية كبيرة ومحجوز اسابيع ومحدش سال فية انصحة انة يروح لطبيب الاخصائى فى عيادتة والا لو قعد سنين مش هيتعملة حاجة !!

    اما العيان اللى عمل عملية مثل جراحة سكر القدم فانصحة انة يترك المستشفى بعد العلمية فوران لان العنبر اللى هيتحجز فية هيلوث الجرح اكتر واكتر خصوصا ان النمل والصراصير والفئران صديقة دائمة لاقدام ويد المرضى


    ولى طلب منك وانت فى الاستقبال اطمئن ان ادوات الجراحة والغرز الجراحية معقمة لان التعقيم عبارة عن شوية سيدكس وخلاص من غير فرن او غيرة ودة هيسبب بلاوى فى نقل الامراض طبعا وهتكسب وزر العيان دة لاخر نفس فى حياتة فاذا كنت ناوى على الشر اعمل اى بلوة فى المستشفى بس بلاش دى خصوصا لان مستقبل العيان فى ايدك بجد لو عملت لية غرزة جراحية والادوات غير معقمة


    عارف انى سودتها فى وشك بس ربنا يعينى ويعينك اننا نلاقى اى نخرج او هروب من جحيم المستشفيات الحكومية ولو الى النار


  5. #5

    الصورة الرمزية lonedoctor

    رقم العضوية : 3737

    تاريخ التسجيل : 16Dec2007

    المشاركات : 1,830

    النوع : ذكر

    الاقامة : cairo-makkah

    السيارة: byd L3 Auto 2015

    السيارة[2]: Ford explorer 2008

    دراجة بخارية: i don't have

    الحالة : lonedoctor غير متواجد حالياً

    افتراضي -

    نصيحة منى لو انت صغير فى السن وفى بداية حياتك بسرعة اجتهد وخلص شهادة غربية وبالذات الشهادات البريطانية زى mrcp or mrcs وهتلاقى الدنيا اتفتحت ليك وممكن تلاقى وظيفة فى بريطانيا او استراليا بسهولة
    للاسف الحقيقة دى عرفتها متاخر وانا عمرى الان 45 سنة

    لعمرك مـا الإنسـان إلا بدينـه فلا تترك التقوى اتكالاً على النسب
    فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ


  6. #6

    الصورة الرمزية m707707

    رقم العضوية : 57507

    تاريخ التسجيل : 31Dec2009

    المشاركات : 92

    النوع : ذكر

    الاقامة : cairo

    السيارة: ميتسوبيشى

    السيارة[2]: دايو

    دراجة بخارية: لانسر

    الحالة : m707707 غير متواجد حالياً

    افتراضي -

    اقتباس المشاركة الأصلية كتبت بواسطة lonedoctor مشاهدة المشاركة
    نصيحة منى لو انت صغير فى السن وفى بداية حياتك بسرعة اجتهد وخلص شهادة غربية وبالذات الشهادات البريطانية زى mrcp or mrcs وهتلاقى الدنيا اتفتحت ليك وممكن تلاقى وظيفة فى بريطانيا او استراليا بسهولة
    للاسف الحقيقة دى عرفتها متاخر وانا عمرى الان 45 سنة
    انا اخدت القرار النهائى انى اترك الطب بلا عودة و ما معى حق حق دخول الامتحانات الشهادات الاجنبية

    وانا نايب فى الثلاثينات


  7. #7

    الصورة الرمزية X_MM_X

    رقم العضوية : 1905

    تاريخ التسجيل : 25Aug2007

    المشاركات : 1,041

    النوع : ذكر

    الاقامة : بورسعيد

    السيارة: مفيش

    السيارة[2]: لانسر 2007

    دراجة بخارية: لا

    الحالة : X_MM_X غير متواجد حالياً

    افتراضي -

    طيب ياباشا متجرب تسافر اي دوله خليجيه صدقني هترتاح

    اخوكم ... د/ محمود
    " وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ "


  8. #8

    الصورة الرمزية A_H_M_A_D

    رقم العضوية : 21507

    تاريخ التسجيل : 08Oct2008

    المشاركات : 1,869

    النوع : ذكر

    الاقامة : القــــــــاهرة

    السيارة: Verna 2012 A/T

    السيارة[2]: Sunny 2016 A/T

    الحالة : A_H_M_A_D غير متواجد حالياً

    افتراضي -

    ربنا يكون في عونك

    كلامك مؤلم بجد , واحد زيك في اي بلد متحضر المفروض يكون فخور بمهنته مش قرفان منها للدرجادي , بس طبعا انت معذور عشان كل الكلام اللي ذكرته

    في رأيي المهنة اللي تنفعك حاليا و ملهاش علاقة بممارسة الطب انك تشتغل في شركة بيع اجهزة طبية , بس لازم يكون ليك مهارات معينة في البيع والتعامل مع الناس و الاداريين في المستشفيات


  9. #9

    الصورة الرمزية sanhory

    رقم العضوية : 30679

    تاريخ التسجيل : 21Jan2009

    المشاركات : 1,326

    النوع : ذكر

    الاقامة : cairo

    السيارة: HONDA JAZZ

    السيارة[2]: HONDA HRV

    الحالة : sanhory غير متواجد حالياً

    افتراضي -

    مش عارف ايه امكانية اللي حقولهولك ده

    انا بشوف الاطباء اللي معايا في الشغل ناس مكبره دماغها جدا مسميين نفسهم (الدكتور النظيف) اللي هو دكتور الاشعة انا شايف المجال ده في الطب برنس ولا ليه علاقة بالمرضي ولا بيحتك بيهم بيجيلوا الصور و هو في مكانه يكتب تقريره عن الصور و المريض ياخد تقريره من الاستقبال و يمشي يروح بقى للدكتور اللي بيعالجه

    لو عرفت تخش المجال ده انا شايف انه مناسب ليك


  10. #10

    الصورة الرمزية BESO516

    رقم العضوية : 115990

    تاريخ التسجيل : 25Oct2011

    المشاركات : 572

    النوع : ذكر

    الاقامة : CAIRO

    السيارة: SPERNZA 516

    السيارة[2]: VERNA

    دراجة بخارية: لا

    الحالة : BESO516 غير متواجد حالياً

    افتراضي -

    hasad">

    مش عارف انصحك بأيه ولا اقولك ايه ولا ايه ولا ايه

    الكلام اللى انت كاتبه صح مليووووووووون الميه وانا بشوفوا بعينى لأن ابن عمى دكتور فى المنيره العام وما ادراااااااك !!!!!!!!!

    فأنت عندك حق فعلا بس هنفضل نقول حسبى الله ونعم الوكيل
    وربنا يلهمك للأصلح ليك

    تقرير شامل عن الألنترا 2012 بالصور ( حصرى لنايل فقط )
    http://www.nilemotors.net/Nile/272751-2012.html



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. استشارة طبية يا أهل الطب
    بواسطة thedeveloper87 في المنتدى المنتــــــدى الاجتمــاعى
    مشاركات: 15
    آخر مشاركة: 19-09-2010, 07:46 AM
  2. معتقدات و اساطير خاطئة عن الطب (3)
    بواسطة Dr.SherifMansy في المنتدى عيــادة نايـل مـوتـورز
    مشاركات: 2
    آخر مشاركة: 12-06-2009, 04:54 AM
  3. الطب فى مصر
    بواسطة blazer في المنتدى المنتــــــدى الاجتمــاعى
    مشاركات: 18
    آخر مشاركة: 15-01-2009, 05:04 AM
  4. فوائد الماء في الطب الحديث
    بواسطة اسلام المصرى في المنتدى المنتــــــدى الاجتمــاعى
    مشاركات: 1
    آخر مشاركة: 24-06-2007, 10:48 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2