عايز اعرف بيانات رقم موبايل معين ... هل ممكن ؟! ... الموضوع ليه علاقة بحادثة سرقة
عايز اعرف بيانات رقم موبايل معين ... هل ممكن ؟! ... الموضوع ليه علاقة بحادثة سرقة
مينفعش و لازم تعمل محضر في القسم لان كده يعتبر تسريب بيانات للعملاء
ولا يمكن لان تسريب البيانات جريمه في حد ذاته
بس ممكن تعمل محضر والبوليس يقوم بالمهمه
تحياتي
لازم اذن من النيابة
محضر و الجهات بتتخذ إجراءاتها .
يباشا كلام تسيريب و الجو دة كلة فالكلتش
لو ليك حد من حبايبك جوة هجيبلك كل البيانات
جوة دى قصدى بيها فاى فودافون شوب او كول سنتر
ممنوع طبعا
واللى هيعملك كده لو اتعرف هيروح فى حديد
أقل واجب هيفقد وظيفته
أنت مشوفتش فيلم احمد حلمى
ظرف طارق ولا ايه
باشا انا مؤلتش انة مش ممنوع و متاح
بس انا بتكلم عن واقع و لو ليك حد معرفة هتعرف انا بتكلم عن اية
من واقع عملى في كول سنتر خاص بإحدي الشركات لو حد شغال جوه الشركة ممكن يجيب لك إللي أنت عايزة بس صعب لأنه كده بيخاطر بوظيفته لو اتعرف إن هو إللي سرب المعلومات ودا ممكن يتعرف بسهولة لأنه بيتعرف كل إللي دخلوا على بيانات العميل بالوقت والتاريخ وهل دخل بسبب أو بدون سبب خاصة وإن المكالمات مسجلة بالوقت والتاريخ.
ايه ياجدعان الافلام ديه اى حد شغال فكول سنتر فودافون يجيبلك بيانات امه ولا حد هيعرف و لا حاجه انا لسه جايب بيانات واحده فموبينيل كانت بتعاكسنى معايا اسمها و اسم امها و عنوانها ..... اى خدمه
لازم ياباشا تروح تعمل محضر في قسم الشرطة أو المركز اللي انت تابع له و المحضر يتعرض على النيابة وانت تطلب هناك اذن بالمعلومات والتتبع للرقم دا عشان الطلب أو العملية دي ماينفعش تتم غير عن طريق النيابة
لما كنت بتدرب فى فودافون أكدوا على موضوع سرية المعلومات ديه
و اى حد بيطلع المعلومة بيتعرف عشان فيه team كامل هناك بيتابع اللى دخلوا على البيانات بتاعت العملاء و دخلوا عشان الموضوع فعلا فيه طلب من العميل و كده ولا بيفتشوا من غير سبب و بيبقى فيه مسئولية قانونية كمان على اللى بيعمل كده .. طبعا دا اللى مفروض يتعمل
اللى بيحصل فى الحقيقة ايه بقى الله اعلم
مع احترامي لراي حضارتكم
انا واحد من الناس عملت محضر في مبحاث التيلفونات والمباحث حولت المحضر للقسم الي تابع ليه. والقسم حول المحضر للنيابة والنيابه حولت المحضر لمكتب المدعي العام ... وفضلت على الموال ده سنة ومن القسم للنيابة ومن النيابة لمكتب المدعي العام. الي اول حاجة بيعملها وشاطر فيها انو يحفظ المحضر وفي النهاية بعد ماحركت الدعوة
بعتوني للتجمع الخامس القسم القانوني لاتصالات وقالولي استنى. او روح تابعهم بنفسك ... وفضلت شركة اتصالات تمطوح فينا. سنة وسنتين وفي النهاية لم يعثر على بينات وحفظ المحضر
وسلملي على القانوووووون
الوضع اختلف دلوقتى .... فى الجرائم الكبيره الموضوع بياخد يومين بالكتير فى التلات شركات ..... اما فى الحالات البسيطه زى سرقه الموبايل و الكلام ده ... ممكن مبيقاش فيه اهتمام قوى من النيابه
انتا المفروض متعملش حاجه بنفسك ... النيابه هيا اللى بتطلع امر التتبع ... و هيا اللى بتتابعه
ماهو ياباشا القانون لسه متغيرش والدستور لسه متعملش. والنظام هوا هوا
والنيابة. بتنااااااااام ... والمدعي العام او المحامي العام. بيحفظ القضايا .... يبقى ايه الجديد او الاختلاف ... ده حتى الشركات بتداري على عملائها وبتماطل انها تديك بيناااات
احنا عايشين في دولة الا دولة
كانت عزبة. وبتحاول تكون دولة .... المهم يا عواني ياعزيزي انا مكنش الموبايل اتسرق لأ ده كان معاكسات على التيلفونات .... هما بيسموها معاكسات ... بس انا بسميها مضايقات. ومسجات تهديد ده غير مسجات بليز كول مي. تلاقي عندي ٢٠٠٠ مسج بليز كول مي. في اليوم الواحد يرن ويقفل كده يعني سخافت. ومضايقات حد من الناس. الي صاحب الشغل. قالي افصلهم واديهم حسبهم ومشيهم وقلهم هوونا .... فكريني اني انا السبب اني مشيتهم طيب اعملهم ايه اذا هما مهملين ومتسيبين. وصاحب الشغل مش عاوزهم ... وانا الي محطوط في وش المدفع
وغيرت رقمي واتعرف بقيت مبردش على التيلفونات وناس كتير بتزعل مني لمن مبردش على تيلفوناتهم .... مبيعرفوش اني مبشيلش التيلفون معايا ... حتى حبايبنا الي في المنتدى كتير بيتصلوا علي وانا مبردش فبياخدوا على خاطرهم مبيعرفوش الي فيها
الموضوع عندي مش سرقة موبايل .. دة سرقة شقة كاملة ... من ضمن المسروقات فلوس - دهب - موبايلات - لاب توب - محافظ فيها ورق مهم
الي سرق طلع رقم بنت من الموبايل و بيعاكس و يمطوح فيها
رحت ضفت الكلام دة في المحضر و لا حياة لمن تنادي
مفيش حاجه اسمها اتلغى ... دول بيستعبطوا
حاول تشوف ظابط يخلصلك الموضوع