الموضوع: صور لحادث لسيارة بورش في بنها

[QUOTE=eslamsubaru;3874541891]

المشاركة الأصلية كتبت بواسطة horas3000

لا يا باشا الصورة مش للتريقة العربية دى موتورها فالنص صح زى م انت قلت بس فيها شنطة بالخلف ... الموتور فتحته من ورا بس فى نص العربية.. انا اتلخبطت بالصورة ان الكاوتش بالشنطة فافتكرت ان الموتور قدام بس طلع فالنص... شوف دى:

تمام كده يا باشا
و الراجل صاحب الصوره بتاعه فرده الكوتش كان حاطط 4 فرد في العربيه و كان بيتريق او بيستهزء ان العربية مفيهاش مكان

و ادي الموضوع اللي كان بتكلم فيه و حط الصوره

2001 Porsche Boxster S - Page 11

و ادي صور لماكن المتور بالظبط

مش أول ولا أخر واحد ركب بورش فى مصر........و شوفت قبل كده بورشات فى الحرفيين بتتصلح و منها واحدة كانت محطوطة على جهاز شد الشاسيه.

و مش هتتكلف الأرقام اللى بتقولوها دي.

و بورش ليها توكيل فى مصر..........أعتقد نفس توكيل سيات لو مكنش أتغير.

المشاركة الأصلية كتبت بواسطة mohammedaladel

أنا شفت بورش فى المهندسين فى الشارع أكتر من عربية كمان كايين وشفت بوكستر فى نفس اليوم وتقريبا فى نفس الساعة أو الساعتين اللى كنت ماشى فيهم

وشفت صاحبها وهو نازل وبيفتح الشنطة بتاع الكايين طبعا الباب بيفتح لوحده دى عربية بيندفع فيها ملايين

شفت توكيل بورش نفسه أو الموزع المعتمد فى المهندسين برضه جمبه بالظبط موزع معتمد هارلى ديفيدسون

بتاع إنجى غطاس ودخلت بكل برود جوا واتفرجت على كايين وعلى 911 تربو لونهم أسود بصراحة كنت ماشى فى حالى أو ما شفت منظر العربية من الزجاج مقدرتش أقاوم

لأ ودخلت سألت على المحل اللى جمبهم بتاع الموتيسيكلات الهارلى هههههههه

على فكرة طلع تبعهم يعنى باين إنجى غطاس هى برضه اللى واخدة توكيل بورشه


الفكرة إن عربياتنا أحنا مش مقتنعين إن فيه ميكانيكى بسهولة يقدر يلعب فيها وبرضه مفيش ثقة

فما بالك بعربية بمليون وشوية فكة تتصلح أزاى ؟؟؟ وليه ما تتكلفش المبلغ دا كله لو هيغير الجزء البايظ كله ؟

أمال إيه اللى مغلى العربية دى هل محرك فقط ما كلها منظومة وكل حتة فيها بثمن باهظظظظظظظظظظظظظ

وأعتقد حتى لو ليها توكيل فى مصر ميقدرش يصلح فيها حاجة لو باظت والله أعلم

لما بيجو مصر مبيعرفوش يتعاملوا مع العربيات الحديثة التربو

بص يا زعيم.......هو صراحة كده أنا مكنتش شوفت الصورة كويس.......كنت لسه صاحي و مش شايف قدامي :)

بس لسه ما زلت أعتقد أنها مش هتتكلف مبلغ زى دى إلا يمكن لو وداها التوكيل.....و يمكن تعدي لو فيها حاجة فى الشاسيه.

لو صلحها برة معتقدش هتجيب المبلغ ده...........لأن على ما أعتقد الجمارك على قطع الغيار نسبتها أقل كتير من جمارك العربية ككل.....دى وجهة نظري بس مش متأكد من صحتها.

و بالنسبة لموضوع الميكانيكي.........طبعاً مش هيروح لميكانيكي عادي...........لازم حد متخصص زى التوكيل أو حد بيشتغل فى حاجات عالية و دول قلة قليلة.

التوكيل نفسه.........أكيد مش هيكون زى بيجو.