والله وبنها بقى يدخلها بورش يا رجالة .. المصيبة لا تكون بتاعت واحد من رجال اعمال بطا :grinder: !!!
هو صعب يكون وصل ل180 كم ع السريع وسط الزحمة واخره 120 بالعافية
للمعلومية .. كل مواتير البورش خلفية او وسطية زى البوكستر عدا 914-944 اللى نزلوا فى الثمانينات ومؤخرا الكايين والباناميرا ..
الكبوت ده شنطة وبداخلها تانك البنزين حتى خدوا بالكم من فتحة التانك اعلى الرفرف اليمين ..
هى كانت ملاكى ولا جمرك لأن النمر الامامية مش موجودة اساسا !!
ربنا يصبر صاحب السيات ابيزا اللى زمانها اتعجنت بدون ذنب مش صاحب البورش اللى راكب عربية وماشى يخبط فى غيره !!!
ثمن العربية دى زيرو كان ب750 الف ج ثم زاد الى 950 وبعدين مليون و50 الف ج فى اخر 3 سنوات
انا شايف انها محتاجة اكصدام ورفرف يمين وركبة بعفشة كاملة امامية يمين .. ولاحظ ان الايرباج ما فتحش لأن الخبطة كانت جانبية وغالبا ما وصلتش للسنسور (ولا تلاقيه عامل حادثة قبل كده وفتحهم فيها وما ركبهموش تانى :grinder:)
هو صحيح الكاوتش بالجنط راحوا فين ؟!!!
البورش ليها توكيل فى مصر هو موريس وصفوت غطاس اللى معاه سيات وهارلى ديفدسون وكان معان الموسو سانج يونج لو عارفينها طبعا اللى كانت بتتجمع فى مصر بموتور 5 سلندر ديزل من مرسيدس
والعربيات اللى زى دى اصحابها عالطول راكنينها فى جراجات وبتخرج بس باليل زى الوطواط ومش بتتحرك كتير او مسافات تخلى اصحابها يعملوا صيانات دورية باستمرار
فى الاغلب بتكون عداداتها ماشية قليل اوى وبيتم عمل صيانات وقائية زى تغيير الزيوت والسيور وتنضيف وتلميع كل فترة وبس..
صح يا باشا .. انا شوفت واحد فى الحرفيين حاطط انصاص بى ام فئة سابعة وخامسة وكل الموديلات كمان موديلات حديثة من اول ما نزلت مصر ..