استهلاك البنزين الكسنت ار بى

**semsem7222** · 05-11-2012 09:36 AM

عندى مشكلة فى استهلاك البنزين يعنى الصفيخة ممكن تعمل 150 الى 170 كم داخل البلد على سرعة من 5 الى 10 كم ويعتبر كل مشيي على السرعة دى فهل دة طبيعى ولا لازم اكشف على حاجة فى العربية وعلى فكرة مفيش بنزين بيقع تحت العربية فى الجراج حتى وهي دايرة

**john55** · 05-11-2012 10:30 AM

بلنسبه دي جوا البلد ومشاوير صغيره اعتقد دا طبيعي لاني ساعات بلاقي الاستهلاك 12 لتر في كمبيوتر العربيه جوا البلد بس انت لوعايز تحسبها صح امشي علي طريق سريع حوالي 100كيلو بسرعه90 كيلو هتلاقي الاستهلاك قل كتير ممكن 7 او 5-7 لتر لو لاقيه في النسب دي يبقي مفيش مشكله وخلي بالك لو عربيتك اوتو الاستهلاك بيزيد عنالمانيوال فاعتقد ان مفيش مشاكل بلنسبه لحضرتك بس رجاء حاول تطلع مشاوير طويله وامشي بسرعه اعلي علشان الموتور يعني كل اسبوعين حاول تمشي بيها مشاوير طويله 50 كيلو مثلا

**Samir Elshahawy** · 05-11-2012 10:31 AM

هو طبعا معدل الاستهلاك ده عالي جدا يعني علي كلامك كده انت بتعمل متوسط من 11 الي 13.3 لتر / 100 كم و المفروض في العربيات دي لايزيد عن 9 لتر / 100 كم في اسوأ الاحوال اللي هيا زحام مروري و توقفات كتير

لكن أطمنك أن العربية سليمة و مافيهاش حاجة و المشكلة دي مشكلة عامة و ان الزحام المروري في مصر له مواصفات أخري غير المتعارف عليها عالميا

لو عايز تتأكد ان عربيتك كويسة و بخير حاول تطلع بيها علي طريق فاضي (الدائري أو طريق سفر مفتوح) و فول التانك قبلها و صفر العدادات و شوف معدلات الاستهلاك هاتبقي عاملة أزاي

**john55** · 05-11-2012 10:36 AM

المشاركة الأصلية كتبت بواسطة se_coralsea

هو طبعا معدل الاستهلاك ده عالي جدا يعني علي كلامك كده انت بتعمل متوسط من 11 الي 13.3 لتر / 100 كم و المفروض في العربيات دي لايزيد عن 9 لتر / 100 كم في اسوأ الاحوال اللي هيا زحام مروري و توقفات كتير

لكن أطمنك أن العربية سليمة و مافيهاش حاجة و المشكلة دي مشكلة عامة و ان الزحام المروري في مصر له مواصفات أخري غير المتعارف عليها عالميا

لو عايز تتأكد ان عربيتك كويسة و بخير حاول تطلع بيها علي طريق فاضي (الدائري أو طريق سفر مفتوح) و فول التانك قبلها و صفر العدادات و شوف معدلات الاستهلاك هاتبقي عاملة أزاي

+111111111111111

**elmo7amed** · 05-11-2012 03:38 PM

انا عكس سيادتك تماما انا مشيت بالعربيه داخل اسكندريه بالتحديد المدخل من ابيس لحد الساعه فكتيوريا اخدت 33 دقيقه مشيت حوالى 8 كم كان فى زحمه جدا والعداد منزلش غير 1كم بنزين من عداد البنزين لدرجه انى استغربت وفكرت كمبيوتر العربيه بايظ وعلى فكره معايا فيديو مصوره بالكلام ده