هل لدي بنات حواء عقول ذات تفكير "غريب" و لا نحن الرجال "اللي فينا حاجه غلط" ؟

ملحوظه: الموضوع طويل نسبيا و لكن انا فعليا لا اجد اي شخص اشكي له "و قربت اتجنن"

لقد اشتكيت مره من الاولاد و اتضح انهم طبيعيون "و انا اللي فيا حاجه غلط" و لكن تلك المره اشكو من بنات حواء "اللي هيفقعوا مرارتي اكتر ما هي مفقعوعه"

سوف اذكر بعض التصرفات الغريبه من وجهه نظري و ياريت اعرف هل انا علي حق ام لا

المشكله الاولي: من المفترض ان ينتهي عملي في ال 7 مساءا و لكني اتأخر عده ساعات يا اما بسبب "الشغل اللي متلتل علي دماغي" يا اما بهرب من البيت "مش عشان اتسرمح لا سمح الله" و لكن اذهب مع زملائي للعب بعض الاكس بوكس او "شويه بولينج علي بلياردو" و بالطبع لا استطيع ان افصح عن تلك الرغبه اما زوجتي "و الا هتبقي ليلتي طين متعاصه طين" ففي تمام ال 8 مساءا اجد زوجتي تتصل بي هاتفيا لاخبرها بنفس الكلام يوميا "انا في المكتب بخلص شغل" و تلك هي الحقيقه او "بستخبي في الحمام و انا برد عشان متفضحش ان انا في صاله الالعاب او في السايبر" و عندما اعود اجد بعض نظرات الشك لدي زوجتي المصون و بالطبع اتفادي التحدث معها متحججا "باني هلكان من الشغل"

المشكله هنا اني اخبرتها من قبل برغبتي في الذهاب مع زملائي فيتم الضغط علي زناد سلاح الاتهامات بأني "زهقت منها او مش بحبها زي الاول او انا اتغيرت عليها" فبضطر اسفا للكذب عليها حتي اتفادي اصابات سلاح الاتهامات و في بعض الاحيان "بطنش الشباب و بخلص بقيت الشغل في البيت عشان الهانم متحسش اني اتغيرت عليها" و لكن بعدها بفتره تنصحني بالخروج و الترفيه عن نفسي

طب اقتلها دي و اخش النار و لا اعمل ايه؟

المشكله الثانيه: في مره من المرات زوجتي المصون "عزمت واحده صاحبتها علي عيد ميلاد الواد" و لاني لم اري "الحلوه دي قبل كده" فالطبع زوجتي "عرفتني عليها" و لكن تحدث مع تلك الفتاه بود زائد بعض الشئ و اعترف اني مخطئ (يا جدعان البنت عندها 21 سنه و انا ساعتها 31 سنه و اكيد فاهمني طبعا)

الموقف عبر بسلام علي غير المعتاد و لم تؤنبني زوجتي او تتحدث عن هذا الموقف و لكن بدأت في الالتفات الي طريقه تحدثي مع النساء الاخريات لدرجه "انها طبت عليا في المكتب بحجه انها عايزه تسلم علي زمايلها القدام و كده"

لا اعرف ماذا افعل كي اطفئ جذوه الشك تلك؟ و بالتأكيد توجد الكثير من المواقف المماثله "اللي اخدت فيها كيعان في قفص صدري" و لكن لا يوجد مساحه للتحدث فيها الان

المشكله الثالثه: تتعمد زوجتي المصون "انها تعمل اي دوشه بس متفرجش علي التليفزيون براحتي زي خلق الله مش عارف ليه" و تلك هي اللحظات القليله التي اشاهد فيها هذا الاختراع "اللي قربت انسي هو بيشتغل ازاي"

صدقا انا لا اشاهد اي افلام مخله بالاداب مثلا او ما شابه

المشكله الرابعه: تلك المشكله معتمده علي المشكله الثانيه و هي حب معرفه التفاصيل و علي سبيل المثال في يوم من الايام كنت ذاهب الي المنزل "وعضمي متكسر" فركنت السياره في جراج المكتب و استعملت المترو لسماع بعض الموسيقا التي احبها و لكن كما يقول المثل "المنحوس منحوس حتي لو حطه علي راسه فانوس" فعندما ذهبت الي المنزل اخذت زوجتي جاكيت البدله لكي تكويه و لكنها وجدت شيئا ما كاد ان يتوقف قلبي بسببه و هو "شعره حريمي علي الجاكيت" فتحولت زوجتي بقدره قادر من زوجه تقليديه الي محققه فيدراليه محنكه و شعرت كأني فأر في المصيده و كالعاده حاولت اقناعها مرارا و تكرارا اني لا اعرف مصدر تلك الشعره النسائيه و لكن هيهات (انا عارف مصدر الشعره بس بستعبط عشان مفتحش علي نفسي فاتوحه مش هعرف اقفلها و محدش يفهم غلط لان مصدر الشعره يا اما زميلتي في الشغل يا اما البنت اللي كانت راكبه جنبي في المترو)

انا اعلم ان الغيره حب و لكن تحولت الغيره الي كماشه "وعماله تخنق في اللي خلفوني"

المشكله الخامسه: زوجتي لا تسطيع الوثوق بي في اي شئ افعله للاولاد و علي سبيل المثال: "مبتخلنيش احضرلهم السيريلاك ابدا علي اساس اني هحطلهم سم فيران فيه او هرجع فيه مع اني فكرت في كده من خنقتي منهم" و مثال اخر: الاولاد "بيحبوا يبلبطوا في البانيو و لكن مينفعش تسيبهم يبلبطوا و انا اللي بشرف علي عمليه البلبطه علي اساس اني هغرقهم مثلا و لا هخليهم يشربوا الشامبو او ياكلوا الصابون مع اني فكرت في كده برضه"

بدأت اشعر اني "ابن الغساله و العيال ولاد راجل تاني"

المشكله السادسه و الخطيره: انا كرجل احب ان اجلس في هدوء لكي افكر في حل مشاكل "سم الفيران اللي اناوي احطه للعيال في السيريلاك او الشامبو اللي ناوي اشربه للعيال" و لكن هيهات "لازم المدام تنزل بباراشوت علي نافوخي و تعد تسألني مالك؟ انت عيان؟ و عبارات علي نغمه مين اللي واخد عقلك ... يا ستي سيبني افكر شويه و يكون الرد طب بتفكر في ايه؟ خليني افكر معاك و لو قلت نفسي اعد لوحدي يبقي ليلتي مش هتعدي"

اتمني ان اجلس نصف ساعه بمفردي دون ان يكلمني احد "هو كتير عليا يا ربي؟"

المشكله السابعه: اشعر بأني متزوج "واحد صاحبي" عندما نشاهد احدي مباريات الدوري الانجليزي الممتاز (اه محدش يستغرب مراتي بتتفرج علي الدوري الانجليزي و علي سباقات الفورميلا وان و علي الراليات و مدمنه عربيات و بتسوق احسن مني كمان و بتبلطج بالعربيه علي خلق الله في الشوارع و بتسوق عربيه مانيوال و علمتني اصلح العربيه بنفسي معاها و لا حول و لا قوه الا بالله و ربنا يعوض عليا في ام الجوازه دي) المشكله هي انها تتحدث كالرجال و "بتشوح بايديها لما روني يضيع كوره او لما ناني يرفع كوره غلط" و لو خسر فريقها "يبقي مفيش عشا و لا حتي ابتسامه الليله و ساعات بروح انام علي الكنبه اكرملي بس اللي مصبرني انها مبتقولش كلمه وحشه عن حد من الفريق المنافس او عن الحكم و الحمد لله"

"كنت اتجوزت ابن عمي ارحم"

المشكله الثامنه و الاخيره: "لو غيرت نظام ما يبقي هناك شئ خاطئ" علي سبيل المثال: انا معتاد علي تناول العشاء مع زوجتي ليله السبت و لكن لو حاولت تغيير الميعاد لاي سبب "حتي لو هي عارفاه" يبقي في حاجه غلط

مثال اخر: "انا بنزل الشغل و انا مش متأنتك عشان ببقي مستعجل و بصراحه انا قرفت من ام دي شغلانه اصلا و نفسي اترفد فلو في يوم اتأنتكت و انا رايح الشغل فبقدر قادر يبقي انا مش رايح الشغل و رايح اقابل عشيقتي و تعد تخترع في حكايات من دماغها و تربط في احداث ملهاش علاقه ببعض و بيبقي يوم اغبر من اوله"

من يعاني مثلي "يخبط لايك" و ياريت حلول عشان "مولعش في نفسي" و تصبحون علي خير

والله لو بأيدى يااستاذ خالد لأرشحك لأحسن مواضيع اتكتبت فى الشهر ده
بجد والله بدون مجامله اسلوبك ملوش حل
قاعد اضحك والناس بتتفرج عليا فى المكتب وشويه هيفتكرونى مجنون

بس للأسف مش هقدر افيد حضرتك لأنى خاطب وبسبب مواضيعك دى هفركش الموضوع ان شاء الله عشان اخلص من اللى انا فيه
الواحد عامل زى ال...... فى ساقيه وياريت عاجب !!!! والجديد كمان الفلانتين ناقصه انا كمان ده

بس بجد بحييك على اسلوبك الرائع ده

كل ما أقرأ موضوع ليك أحس أني في برنامج فضفضة ، وأنت قاعد تفضفض .. تفضفض وكأنك بتدوس على زراير للكل لإجبارهم على التصفيق الحاد – إذا كان التصفيق دا من جهة قطبك ( الرجال ) أو القطب الآخر المتجاذب رغم إختلافه ( اللي هما أحنا ) .
علماً ( كلنا هذه السيدة ) بإستعارة الجملة المستخدمة في مشاركات كتير في موضوعك السابق ( العيال ) وعلشان كل اللي بتقوله صحيح .. لازم نعرف أنه من الطبيعي إن مش ممكن حد هغير على حد لو مافيش حب بينهم وإن هدف كل امرأة متزوجة هو المحافظة على استقرار بيتها وبالذات في علاقتها مع شريك حياتها ، فالمفروض دا شئ يسعدكم
وتأكد إن الإعتراف المباشر بالغيرة دا يؤكد إنها أكتشفت دليل مادي ملموس أو ظهور علامة من علامات عدم الشعور بالأمان ، وعلشان كدة لازم من تفريغ مشاعر الغضب اللي ممكن تهدم البيت أو تهدد بهدمه لا قدر الله .
وفي رأيي ان الغيرة غريزية.. ، فإن الأسد لا يسمح لأسد آخر بالعبور – مجرد العبور – بجوار زوجته
وطبيعة الانسان حيوان له تاريخ.. وميزته التي حباها به الله سبحانه وتعالى هي العقل.. وهو الفرامل التي تكبح جماح الغرائز ومنها الغيرة.
ومن الطبيعي أن كل زوجة مهما بلغت من العقل تغار على زوجها وتخاف أن تشاركها فيه أخرى، وقد غارت أمنا عائشة - رضي الله عنها - على رسول الله – صلى الله عليه وسلم – من زوجاته الأخريات، وقد تفهم رسول الرحمة – صلى الله عليه وسلم - غيرتها تلك ولم يعبها فيها إلا أن تكون سبباً في تعديها على من تغار منها.
إلا أن الغيرة كما يقال في الحياة الزوجية كالملح للطعام، قليله مطلوب وكثيره يفسد العلاقة

بس ممكن يساعد الزوج زوجته التى تحولت غيرتها إلى شك وخوف على حياتها معه، بأن يطمئنها أنها الوحيدة بحياته وأنه لا يفكر فى الزواج عليها أو أنه عيسبها ، والبحث عن المميزات الإيجابية لديها وبين الحين والأخر يقول لها واحدة منها ودا ممكن يخليها تطمئن، وبرضوا يوضح لها أنه تزوجها لأنه أحبها من بين نساء العالم وهذا هو العلاج الأساسى لتحطيم الغيرة اللي عندها .وكمان تجنب مدح ست أو فتاة أمامها مهما كان الموقف لأن المدح يزرع في نفسها الغيرة فالمدح لامرأة أخرى من اخطر ما يدمر حياة المرأة التي تغار.

يا راجل انت عايش معايا و لا ايه :)

انا يا دوب سنتين و بمر بكل اللي بتقوله :) بالحرف

اسلوب رائع ف السرد احييك عليه أولا

ثانياً انا مش متجوز علشان اقدر انصحك او اقولك تعمل ايه

بس احساسي ومن اللي بنشوفه ان حضرتك حياتك كدا فله وإحمد ربك واشكر فضله علي كدا

وزي ما زميلتنا قالت,,حسسها بالأمان فقط واحتويها

اقتباس:

---

المشاركة الأصلية كتبت بواسطة opelawy

يا راجل انت عايش معايا و لا ايه :)

انا يا دوب سنتين و بمر بكل اللي بتقوله :) بالحرف

---

مش لوحدكو يا رجالة...
عذاب 3سنين والله المستعان...
ههههههههههه
ربنا يسترها علينا..
بس عايز اسأل بقا.. ياترى النسوان مبتشكش في نايل موتورز ومبيمانعوش اننا نفتحه طول الوقت؟ ولا ده عندي لوحدي؟؟

Sent from my LT18i using Forum Runner

اقتباس:

---

المشاركة الأصلية كتبت بواسطة dr.hazem

مش لوحدكو يا رجالة...
عذاب 3سنين والله المستعان...
ههههههههههه
ربنا يسترها علينا..
بس عايز اسأل بقا.. ياترى النسوان مبتشكش في نايل موتورز ومبيمانعوش اننا نفتحه طول الوقت؟ ولا ده عندي لوحدي؟؟

sent from my lt18i using forum runner

---

ما هما عندهم فتكات :)

اقتباس:

---

المشاركة الأصلية كتبت بواسطة beso516

والله لو بأيدى يااستاذ خالد لأرشحك لأحسن مواضيع اتكتبت فى الشهر ده
بجد والله بدون مجامله اسلوبك ملوش حل
قاعد اضحك والناس بتتفرج عليا فى المكتب وشويه هيفتكرونى مجنون
ه

---

هو لمؤخذه ايه الى يضحك....العيشه كده مهلكه بمعنى الكلمه

الي صاحب الموضوع....اتكلم مع زوجتك فى كل النقط دى وحاول تكون حازم معاها شويه

لان بصراحه ومتزعلش منى حاسس ان شخصيتك اقل حاجه بسيطه من شخصيتها ودة باين من الاسلوب والمواقف

هو ليه كل واحد بيتجوز بيكون مفكر نفسه ياما هنا و ياما هناك , و بيكون مفكر ان الدنيا معاه حتكون مختلفه

يعنى حتكون اوعى من كل اللى قبليك , هو الجواز كده و اللي تلاقيه ساكت ما بيتكلمش , اعرف انه عاصر على نفسه لمونه و كاتم فى قلبه لحد ما يجيله السكر و الضغط و كل الامراض المزمنة .

انا مش متجوز
ومش ناوى قريبا :d
هى ناقصه نكد مش اما الواحد يفوق من اللى هو فيه الاول

وانا بفكر فى الخروج من القاره الافريقيه والاتجاه الى القاره الروسية :d او اختها السورية


بالمناسبة واحد صاحبى من اوكرانيا بيقولى انتو بناتكم فى مصر وحشين اوى كدا ليه ههههههه
مكنتش عارف ارد بس اتكسفت وقلتله انت بس الى مشفتش الحلوين :D وربنا يسامحنى على الكدبة دى بقى

هو أنا لا متجوز ولا خاطب.. بس من البنات اللي أتعاملت معاهن أقدر أقول أن معظم النقط اللي ذكرتها حاجات مشتركة في أغلبية البنات و كل ما أفكر في النقط دي و اللي بيجرى للراجل بسببها بعد الجواز بـPanic تماماً من فكرة الجواز و بستبعد أني أفكر فيها لأني عارف أني مش هستحمل..

هو يمكن المشاكل دي بتظهر أكتر لو الزوجة ست بيت غير عاملة فمبيبقاش في حاجة في حياتها غير بيتها و جوزها و عيالها ..و هن شخصياتهن أصلاً بتكون possessive بزيادة عن الرجالة; يعني عندهن حب أمتلاك مفرط.. فيظهر أنهن بيتخيلوا أنهن لما بيتجوزوا كأنهن كده أمتلكوا الراجل بكل حياته بأدق تفاصيلها.. قليل اللي بيدرك أن أي راجل مازال محتاج شوية personal domain خاصة بيه محدش تاني يقرب منها حتى لو كانت زوجته..

بعض المشاكل ممكن تتحل لو الزوجة وجدت بعض الأنشطة تقوم بيها بعيداً عن المنزل يعني مثلاً عضوية في نادي أو أي نشاط أجتماعي..
و بعض المشاكل ممكن تتحل لما يكون في تفاهم أكتر من كده بين الزوجين.. و كل طرف يتفهم أن كل واحد ليه الحق أنه يكون ليه بعض المساحة من الحرية دون تدخل الطرف الاخر.. و الموضوع ده سهل يتحقق لما يكون في درجة كافية من الثقة بين الأتنين..

المشكلة السابعة الصراحة مقدرتش أمسك نفسي من الضحك لما قريتها.. أنا شايفها غريبة شوية و حاسسها ممكن تكون entertaining لأنها حاجة نادر لما تكون مشتركة بين الزوج و الزوجة.. إلا بقى لو أنت مبتحبش مانشستر زيي lol

اقتباس:

---

المشاركة الأصلية كتبت بواسطة ahmad--ezzat

هو لمؤخذه ايه الى يضحك....العيشه كده مهلكه بمعنى الكلمه

الي صاحب الموضوع....اتكلم مع زوجتك فى كل النقط دى وحاول تكون حازم معاها شويه

لان بصراحه ومتزعلش منى حاسس ان شخصيتك اقل حاجه بسيطه من شخصيتها ودة باين من الاسلوب والمواقف

---

لا اللى بيضحك طريقه السرد والاسلوب الساخر مش الموا قف نفسها تختلف حضرتك

كلنا هذا الرجل وكلهم هذة المرأة

الحمد لله 12 سنة متجوز ومعايا عروستين ربنا يبارك لي فيهم ويدمها نعمة عليا ...اللهم آمين ...
الغيرة بتاعة الستات ده شيئ عادي خصوصاً انها ان دلت على شيئ فبتدل على إن الانسانة اللى معاك بتحبك والحاجات دي بتبقى زي البهارات على الاكل بتديه طعم وريحه من غيرها الحياة الزوجية بلا طعم ... ربنا يبارك لك في زوجتك وأولادك ... انت معاك نعمة أحمد ربنا عليها ... وتقبل تحياتي ..

اقتباس:

---

المشاركة الأصلية كتبت بواسطة beso516

والله لو بأيدى يااستاذ خالد لأرشحك لأحسن مواضيع اتكتبت فى الشهر ده
بجد والله بدون مجامله اسلوبك ملوش حل
قاعد اضحك والناس بتتفرج عليا فى المكتب وشويه هيفتكرونى مجنون

بس للأسف مش هقدر افيد حضرتك لأنى خاطب وبسبب مواضيعك دى هفركش الموضوع ان شاء الله عشان اخلص من اللى انا فيه
الواحد عامل زى ال...... فى ساقيه وياريت عاجب !!!! والجديد كمان الفلانتين ناقصه انا كمان ده

بس بجد بحييك على اسلوبك الرائع ده

---

شكرا يا فندم و الواحد فعلا بدأ يندم علي موضوع الزواج ده

اقتباس:

---

المشاركة الأصلية كتبت بواسطة friendship7897

كل ما أقرأ موضوع ليك أحس أني في برنامج فضفضة ، وأنت قاعد تفضفض .. تفضفض وكأنك بتدوس على زراير للكل لإجبارهم على التصفيق الحاد – إذا كان التصفيق دا من جهة قطبك ( الرجال ) أو القطب الآخر المتجاذب رغم إختلافه ( اللي هما أحنا ) .
علماً ( كلنا هذه السيدة ) بإستعارة الجملة المستخدمة في مشاركات كتير في موضوعك السابق ( العيال ) وعلشان كل اللي بتقوله صحيح .. لازم نعرف أنه من الطبيعي إن مش ممكن حد هغير على حد لو مافيش حب بينهم وإن هدف كل امرأة متزوجة هو المحافظة على استقرار بيتها وبالذات في علاقتها مع شريك حياتها ، فالمفروض دا شئ يسعدكم بيتنا مستقر جدا الحمد لله و لها الحق في الغيره و لكن الموضوع زاد عن حده بسبب مواضيع تافهه
وتأكد إن الإعتراف المباشر بالغيرة دا يؤكد إنها أكتشفت دليل مادي ملموس أو ظهور علامة من علامات عدم الشعور بالأمان ، وعلشان كدة لازم من تفريغ مشاعر الغضب اللي ممكن تهدم البيت أو تهدد بهدمه لا قدر الله . انا نفسي افهم عدم شعور بالامان ليه؟ "انا ماشي جنب الحيط و الله"
وفي رأيي ان الغيرة غريزية.. ، فإن الأسد لا يسمح لأسد آخر بالعبور – مجرد العبور – بجوار زوجته
وطبيعة الانسان حيوان له تاريخ.. وميزته التي حباها به الله سبحانه وتعالى هي العقل.. وهو الفرامل التي تكبح جماح الغرائز ومنها الغيرة.
ومن الطبيعي أن كل زوجة مهما بلغت من العقل تغار على زوجها وتخاف أن تشاركها فيه أخرى، لا يوجد اخري و لا افكر في اخري وقد غارت أمنا عائشة - رضي الله عنها - على رسول الله – صلى الله عليه وسلم – من زوجاته الأخريات، وقد تفهم رسول الرحمة – صلى الله عليه وسلم - غيرتها تلك ولم يعبها فيها إلا أن تكون سبباً في تعديها على من تغار منها.
إلا أن الغيرة كما يقال في الحياة الزوجية كالملح للطعام، قليله مطلوب وكثيره يفسد العلاقة

بس ممكن يساعد الزوج زوجته التى تحولت غيرتها إلى شك وخوف على حياتها معه، بأن يطمئنها أنها الوحيدة بحياته وأنه لا يفكر فى الزواج عليها أو أنه عيسبها ، والبحث عن المميزات الإيجابية لديها وبين الحين والأخر يقول لها واحدة منها ودا ممكن يخليها تطمئن، وبرضوا يوضح لها أنه تزوجها لأنه أحبها من بين نساء العالم وهذا هو العلاج الأساو الله بقول كده و لكن لا حياه لمن تنادي سى لتحطيم الغيرة اللي عندها .وكمان تجنب مدح ست أو فتاة أمامها مهما كان الموقف لأن المدح يزرع في نفسها الغيرة فالمدح لامرأة أخرى من اخطر ما يدمر حياة المرأة التي تغار.

---

اه بمدح في سيدات اخريات و لكن مثل اختها او صديقه مقربه لها او ما شابه

اقتباس:

---

المشاركة الأصلية كتبت بواسطة opelawy

يا راجل انت عايش معايا و لا ايه :)

انا يا دوب سنتين و بمر بكل اللي بتقوله :) بالحرف

---

هاهاهاهاهاهاهاهاهاهاهاها

اقتباس:

---

المشاركة الأصلية كتبت بواسطة zrzr1

اسلوب رائع ف السرد احييك عليه أولا

ثانياً انا مش متجوز علشان اقدر انصحك او اقولك تعمل ايه

بس احساسي ومن اللي بنشوفه ان حضرتك حياتك كدا فله وإحمد ربك واشكر فضله علي كدا

وزي ما زميلتنا قالت,,حسسها بالأمان فقط واحتويها

---

انا الحمد لله مبسوط الي حد كبير بغض النظر عن "قرف الشغل و العيال" بس و الله انا عامل اللي عليا و زياده بس حضرتك عارف الحياه بقت صعبه ازاي

اقتباس:

---

المشاركة الأصلية كتبت بواسطة ahmad--ezzat

هو لمؤخذه ايه الى يضحك....العيشه كده مهلكه بمعنى الكلمه

الي صاحب الموضوع....اتكلم مع زوجتك فى كل النقط دى وحاول تكون حازم معاها شويه

لان بصراحه ومتزعلش منى حاسس ان شخصيتك اقل حاجه بسيطه من شخصيتها ودة باين من الاسلوب والمواقف

---

و الله تحدثت كثيرا و لكن "هي عقولهم كده هنعمل ايه يعني" و لكن "معلش هو حضرتك حكمت علي شخصيتي ازاي؟" المشكله الرئيسيه ان زوجتي بتعمل و عليها ضغوط مع الاولاد لا يعلمها الا الله و العيوب السالف ذكرها لم تظهر الا بعد "الخلفه الجميله"

اقتباس:

---

المشاركة الأصلية كتبت بواسطة thunder155

هو ليه كل واحد بيتجوز بيكون مفكر نفسه ياما هنا و ياما هناك , و بيكون مفكر ان الدنيا معاه حتكون مختلفه

يعنى حتكون اوعى من كل اللى قبليك , هو الجواز كده و اللي تلاقيه ساكت ما بيتكلمش , اعرف انه عاصر على نفسه لمونه و كاتم فى قلبه لحد ما يجيله السكر و الضغط و كل الامراض المزمنة .

---

لا يوجد ليمون و لا زيتون بس بعض تلك التصرفات بتصبح غير محتمله في بعض الاحيان

اقتباس:

---

المشاركة الأصلية كتبت بواسطة blazer

انا مش متجوز
ومش ناوى قريبا :d
هى ناقصه نكد مش اما الواحد يفوق من اللى هو فيه الاول

وانا بفكر فى الخروج من القاره الافريقيه والاتجاه الى القاره الروسية :d او اختها السورية


بالمناسبة واحد صاحبى من اوكرانيا بيقولى انتو بناتكم فى مصر وحشين اوى كدا ليه ههههههه
مكنتش عارف ارد بس اتكسفت وقلتله انت بس الى مشفتش الحلوين :d وربنا يسامحنى على الكدبة دى بقى

---

هاهاهااههاهاهاهاهاهاها فعلا مستويات الجمال و الاخلاق في مصر اصبحت في الحضيض و ده لمسته بنفسي "لما شوفت الفيزون في وضح النهار في الشارع" و بالمناسبه حضرتك لن تتحمل برد روسيا اطلاقا لان ابن عمي متزوج من فتاه روسيه و لكن مضطر اسفا للعيش في مصر لانه لم يتحمل البرد هناك و اختلاف العادات و التقاليد

اقتباس:

---

المشاركة الأصلية كتبت بواسطة dede_dodo88

هو أنا لا متجوز ولا خاطب.. بس من البنات اللي أتعاملت معاهن أقدر أقول أن معظم النقط اللي ذكرتها حاجات مشتركة في أغلبية البنات و كل ما أفكر في النقط دي و اللي بيجرى للراجل بسببها بعد الجواز بـPanic تماماً من فكرة الجواز و بستبعد أني أفكر فيها لأني عارف أني مش هستحمل.. هيجيلك يوم و تقع في ام الفخ ده و تشرب من نفس الكاس

هو يمكن المشاكل دي بتظهر أكتر لو الزوجة ست بيت غير عاملة فمبيبقاش في حاجة في حياتها غير بيتها و جوزها و عيالها ..و هن شخصياتهن أصلاً بتكون possessive بزيادة عن الرجالة; يعني عندهن حب أمتلاك مفرط.. فيظهر أنهن بيتخيلوا أنهن لما بيتجوزوا كأنهن كده أمتلكوا الراجل بكل حياته بأدق تفاصيلها.. قليل اللي بيدرك أن أي راجل مازال محتاج شوية personal domain خاصة بيه محدش تاني يقرب منها حتى لو كانت زوجته.. انا زوجتي بتشتغل و موضوع الغيره هذا ظهر بعد موقف عيد الميلاد الذي اندم عليه "بس انا بني ادم و بغلط يعني" و انا اعلم ان زوجتي ليست متسلطه او ما شابه و لكن في بعض الاحيان "بتبقي كده مش عارف ليه"

بعض المشاكل ممكن تتحل لو الزوجة وجدت بعض الأنشطة تقوم بيها بعيداً عن المنزل يعني مثلاً عضوية في نادي أو أي نشاط أجتماعي..
و بعض المشاكل ممكن تتحل لما يكون في تفاهم أكتر من كده بين الزوجين.. و كل طرف يتفهم أن كل واحد ليه الحق أنه يكون ليه بعض المساحة من الحرية دون تدخل الطرف الاخر.. و الموضوع ده سهل يتحقق لما يكون في درجة كافية من الثقة بين الأتنين..

المشكلة السابعة الصراحة مقدرتش أمسك نفسي من الضحك لما قريتها.. أنا شايفها غريبة شوية و حاسسها ممكن تكون entertaining لأنها حاجة نادر لما تكون مشتركة بين الزوج و الزوجة.. إلا بقى لو أنت مبتحبش مانشستر زيي lol

---

هاهاهاهاهاهاها هي المشكله غريبه فعلا و لكن موضوع التعصب الكروي و حب السيارات لم اراه الا في الرجال فقط و انا اصلا بكره قدم القدم كلها

اقتباس:

---

المشاركة الأصلية كتبت بواسطة mostafa3000

كلنا هذا الرجل وكلهم هذة المرأة

---

للاسف الشديد :_Alshmokh11:

اقتباس:

---

المشاركة الأصلية كتبت بواسطة abogogo

الحمد لله 12 سنة متجوز ومعايا عروستين ربنا يبارك لي فيهم ويدمها نعمة عليا ...اللهم آمين ...
الغيرة بتاعة الستات ده شيئ عادي خصوصاً انها ان دلت على شيئ فبتدل على إن الانسانة اللى معاك بتحبك والحاجات دي بتبقى زي البهارات على الاكل بتديه طعم وريحه من غيرها الحياة الزوجية بلا طعم ... ربنا يبارك لك في زوجتك وأولادك ... انت معاك نعمة أحمد ربنا عليها ... وتقبل تحياتي ..

---

الله يخليك يا فندم و الله انا مبسوط في حياتي بشكل كبير و لكن يوجد بعض التصرفات "اللي بتنغص عليا حياتي"

بصراحة انت جامد مش ممكن الأسلوب ده . بالمناسبة مراتي دخلت عليه و انا عمال اقرا بس كويس مقلتليش بتقرا ايه و الا كنت نمت من غير عشا.
حاجة تانيه انت مش خايف ان المدام تكون مشتركه في المنتدى و تقرا . انا لو حصل معايا كده كان زماني دلوقتى في خبر كان

ربنا يخرجنا منها على خير ............ قول آمين وانسى

اقتباس:

---

المشاركة الأصلية كتبت بواسطة khaled_legend

هاهاهااههاهاهاهاهاهاها فعلا مستويات الجمال و الاخلاق في مصر اصبحت في الحضيض و ده لمسته بنفسي "لما شوفت الفيزون في وضح النهار في الشارع" و بالمناسبه حضرتك لن تتحمل برد روسيا اطلاقا لان ابن عمي متزوج من فتاه روسيه و لكن مضطر اسفا للعيش في مصر لانه لم يتحمل البرد هناك و اختلاف العادات و التقاليد

---

مش مشكله موضوع البرد او الحر لانى كدا كدا عاوز اكمل دراستى فى اى دوله تانية ومش هتفرق عندى الدولة تكون فين,, الاهم الواحد يكمل دراستة صح

موضوع العادات والتقاليد هى اكيد اكبر مشكله بس الى اعرفه عن الروسيات انهم مش منفتحين اوى زى الاوربيات و الامريكيات بس هى طبعا مشكله :fdsa: :T_thum1[1]:

بس يمكن ربنا يكرم والواحد يلاقى واحده بنت حلاال :D

اقتباس:

---

المشاركة الأصلية كتبت بواسطة essamcne

بصراحة انت جامد مش ممكن الأسلوب ده . بالمناسبة مراتي دخلت عليه و انا عمال اقرا بس كويس مقلتليش بتقرا ايه و الا كنت نمت من غير عشا.
حاجة تانيه انت مش خايف ان المدام تكون مشتركه في المنتدى و تقرا . انا لو حصل معايا كده كان زماني دلوقتى في خبر كان

---

هاهاهاهاهاهاهاهاهاهاهاهاه اهاهاها حضرتك بتنام من غير عشاء انا بقي بنام علي الكنبه
لا مستحيل تكون المدام مشتركه في المنتدي

اقتباس:

---

المشاركة الأصلية كتبت بواسطة hossam_elwani

ربنا يخرجنا منها على خير ............ قول آمين وانسى

---

قصد حضرتك علي الجوازه و لا البلد؟

اقتباس:

---

المشاركة الأصلية كتبت بواسطة blazer

مش مشكله موضوع البرد او الحر لانى كدا كدا عاوز اكمل دراستى فى اى دوله تانية ومش هتفرق عندى الدولة تكون فين,, الاهم الواحد يكمل دراستة صح

موضوع العادات والتقاليد هى اكيد اكبر مشكله بس الى اعرفه عن الروسيات انهم مش منفتحين اوى زى الاوربيات و الامريكيات بس هى طبعا مشكله :fdsa: :t_thum1[1]:

بس يمكن ربنا يكرم والواحد يلاقى واحده بنت حلاال :d

---

لا ممكن تلاقي واحده محترمه هناك و لكن مشكله روسيا عموما ان تقريبا ملهمش ديانه الا فيما ندر

كل ما افكر في الجواز وافكر كويس ارجع في القرار ده واقول انا كده عايش ملك :)

سوف يأتي اليوم الذي سوف تقع فيه في نفس تلك الحفره التي وقعنا كلنا فيها و سوف تشرب من نفس الكأس الذي تجرعنا منه كلنا