جميل جدا برضو عايز افهم ليه؟
فصل الدبرياج مش هيفصل الكوبلن من شغله وزي ما قلت انه مع شبكة الدبرياج هو اللى هيشيل الليلة...
يعني انا معترض على مبدأ الفصل من اساسه وده اللي محتاج افهمه...
تحياتي
Sent from my LT18i using Forum Runner
عرض للطباعة
مش مقتنع بالكلام ده مطلقاً...
:-D
لانه يتعارض مع الجير الاوتوماتك اللي لا بيفصل لا في ملفات قوية ولا ضعيفة وتركيبه لا يختلف عن كوبلن المانوال وبيعيش زيه زي المانوال وزيادة كمان...
انما انا مقتنع ان عالملفات سواءً اوتو او مانوال ميتقرصش ع العربية للحفاظ على الكبالن بالإضافة إلى تجنب الحفر والمدقات بالذات عالسرعات العالية...
تحياتي
Sent from my LT18i using Forum Runner
الي انا اعتقده ان الصح انك تمور فالملفات
وبردوا لو دوست دبرياج فانت بتفصل كأنك مورت اعتقاد ليس الا ..
شوف يا دكتور انا هتكلم في الموضوع من نظرتي الشخصية و فيها احتمال الصواب و الخطأ
فصل الدبرياج في الملفات القوية زي اليوتيرن بيخلي العجل و الات الجر حرة الحركة و غير متصلة بالفتيس ولا المحرك و ده بيخفف التحميل عن الكوبلن في اصعب الاوضاع له عند دوران العجل لأقصي اليمين او الشمال و كمان بيخليك تتجنب السحب علي الكوبلن في هذا الوضع و كمان بيخليك تتجنب تنتيش المحرك في ألات الجر مع الدوران لما بتكون انت اساسا مش محتاج توصيل المحرك هنا لأنك سرعتك كافية انك تلف
بخصوص مقارنتك بينه و بين الجير الاوتو فالموضوع مختلف تماما الجير الاوتو بمحركه بيتصرف من دماغه هو و لا يترك للراكب حرية النتش سواء زيادة او تقليل السرعه
بخلاف ان اساسا الفتيس الاوتو لا ينقل عزم الموتور كاملا للعجل كما هو الحال في المانيوال و بالتالي الاجهاد اللي بيحصل للكوبلن مع الاوتو عموما اقل بمراحل مما يحدث مع المانيوال
الاوتو قصة مختلفة تماما لأنه بيتحكم في كل شيء من دماغه ولا يترك للراكب سوي اختيار القياده حتي لو فكرت تعمل كيك داون او over drive او sport drive هو برضه اللي بيعملها بحساباته بحيث لا يخرج عن وضع الأمان للمحرك و الات الجر
والله اعلم و يتبقي التجارب اللي بتؤكد اذا كان ده صح ولا غلط
لا كلامك صح يا بشمهندس ولا يحتمل الخطأ - بفضل من الله وتوفيقه
هقولك انا الزتونة في أيه
في حاجة في آلات الجر اسمها الدفرينشيال differential - والصنايعية بيسموها الديفرنسال
ودي مهمتها ايه ؟؟؟ ودورها ايه في آلات الجر والحركة
تصور معايا سيناريو
انت بتلف بالعربية علي شكل دايرة وليكن اتجاه اللف في اتجاه عقارب الساعة clock-wise
تمام
انت عندك كام عجل في العربية ؟؟؟ 4 مش كدة ؟
شوف معايا الدواير اللي هيرسمها العجل علي الأرض - للأسف بعد ما رسمت دايرتين داخل بعض لقيت نايل اب nile-up مش بيفتح
المهم
متصور معايا ان ال4 عجلات هيرسموا دايرتين جوة بعض واحدة اكبر من واحدة
الدايرة الخارجية دي بتاعة العجل الشمال - والدايرة الداخلية بتاعة العجل اليمين
الأجهاد علي انهي عجل وبالتالي علي انهي كوبلن ؟؟؟؟
اكيد اليمين
الديفرينشيال دوره فصل الحركة بشكل تلقائي عن العجلة صاحبة الدايرة الأصغر والكلام دة في الأوتو والمانيوال
ودة ليه ؟؟؟؟
لأن لو ال4 عجلات بيدوروا بنفس السرعة الكوبلن هيتفرك منك لأن قطر دايرته اصغر من قطر دائرة الكوبلن الأخر - وكمان هندسيا ما ينفعش تترسم الدايرة بعجلتين بيدوروا بنفس السرعة
فهمت قصدي ؟؟
وبالتالي هتلاقي الكبالن مع الملفات العاصية بتتفصل حركتها بشكل آلياً لا دخل للسائق فيها - ولكن احنا بنعملها بشكل احتراسي لا اكثر واسلوب قيادة وتعود
تحياتي
فصل حركه الفتيس عن العجل في الملفات من أهم اسباب أطالة عمر الكوبلن و دي حقيقه ثابته و الدليل على ذلك عربيات الدفع الخلفي اللي ليها كبالن زي البيجو 504 و 505 و مرسيدس و بي أم عمر حد سمع أن كوبلن العربيات دي بيبوظ ؟؟؟؟
أما ان الأتوماتيك مابيفصلش أو اننا منقدرش نمور العربيه في بعض الملفات فدي ظروف تشغيل لا يمكن تجنبها
أنما الأصل ان الملفات بتعصر كبالن العربيه