الموضوع: الحجاب مش طرحة

المشاركة الأصلية كتبت بواسطة mr_safwt

على فكرة لاتطلب منة ان يغفر لك بل اطلب من الله الذى تركت صلاتة ان يغفر لك وان يهدينا ويهديك الى الخير
الصلاة عماد الدين يا استاذ وهى التى تفرق بينك وبين الكافر ولا يستطيع احد ان يحكم على احد بالكفر ولكنها نصيحة من اخوة لك الا تترك الركن الاساسى من اركان الاسلام

------------------------

التهجم والتهكم مخالف للقاعدة رقم 12 من قواعد المنتدى لذا تم حصولك على انذار مع ايقاف لمدة اسبوع

مشرف 6 ب
11.19 pm
5/11/2012

المشاركة الأصلية كتبت بواسطة airforces

سلام عليكم

كان نفسى اتكلم فى الموضوع دا من زمان لأنه بيستفزنى جدا .. هو إيه فكرتنا عن الحجاب ؟

مجرد قطعة قماش البنت بتغطى بيها شعرها ( دا لو اتغطى اصلا ) دلوقتى الموضة انهم بيطلعوا عينة من الشعر .. بضع من الخصلات عشان تبين انه شعرها حلو بس هى يعينى متقية ربنا ولابسة الطرحة ...

ولا الكام قطعة قماش اشكال والوان فوق بعض وما يمنعش نحط شوية حاجات بتشخلل وتلمع عشان نلفت النظر وفى الأخر تبقا ماشية شبه خيمة الجمال بتاعة قريش

انا مش هتكلم على باقى اللبس بيبقا منظره إيه بس لو البنات مقتنعة انه دا فعلا حجاب يبقا طبيعى يقتنعوا بأى حاجة تحته

تعالوا نشوف إيه هى الشروط اللى تحتها وبس يتسمى حجاب غير كدا ممكن نسميه اى حاجة تانية موضة استايل بتنجان المهم انه مش حجاب


صفات الحجاب الشرعي
مواصفات الحجاب الشرعي والشروط الواجب توفّرها مجتمعةً حتى يكون الحجاب شرعياً .
الأول: ستر جميع بدن المرأة على الراجح .
الثاني: أن لا يكون الحجاب في نفسه زينة .
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق .
الخامس: أن لا يكون مبخراً مطيباً .
السادس : أن لا يشبه ملابس الكافرات .
السابع : أن لا يشبه ملابس الرجال .
الثامن : أن لا يقصد به الشهرة بين الناس .


لا تكوني من المتبرجات بالحجاب:
* بلباسك الضيق.
* بلبس البنطال و غطاء الرأس المزركش المُلفت.
* بعباءتك المزركشة وغطاء رأسك الرقيق.
* بساعديك المكشوفين وقدميك العاريتين.
* بمشيتك المتكسرة وخطواتك المقيدة المتكلفة.
* بنظراتك المتلفتة وصوتك المتغنج وضحكاتك الرنانة.
* بعطرك الفواح وبحذائك ذي الكعب العالي والصوت الرنان.
* بالزينة و الألوان الصارخة التي تبدو على وجهك.


ياريت كل واحدة تشوف الشروط دى متحققة فيها فعلا وهى فعلا محجبة ولا لأ وتراجع نفسها

وياريت لفظ محجبة دا ما نطلقوش عمال على بطال ونسوء سمعة ناس محجبة فعلا وناخدهم بذنب ناس بتستعرض نفسها وسورى على اللفظ وهم ابعد ما يكون عن الحجاب

اعذرونى دول كلمتين كانوا واقفين فى زورى ويارب يجوا بفايدة

عارف ليه فيه بنات بتلبس كدة والعن من كدة
عشان فيه رجالة كدة انظر المشاركة التالية

المشاركة الأصلية كتبت بواسطة kok3

هو انا مش فاهمك قوي يعني بس عموما الحجاب في مصر بنسبه 90% = فقر + جهل
الذي لا = بالضروره تدين
انزلي كدا يا كبير علي الاقاليم والشعبيات والحتت اللي تحت وانت تفهم انا عايز اقول ايه بالظبط
خيم متحركه افغانيه هجمت علي مصر في ال 10 سنوات الاخيره مش ممكن دي كانت مصر حتي الستات الكبار اللي اصلا محدش هيبصلهم ولا ممكن بني ادم يفكر اصلا يبصلهم سبحان الله لبسو الخيم المتحركه طب ليه علشان ايه طب انتي لو بنت مثلا في العشرينات ولا الجمال عندك فعلا هيخلي الشباب ميقدرش يمسك نفسه هنقول ماشي يمكن يعني انما لما تكوني ست كبيره عندك 50 ولا 60 سنه ومفيش حاجه اصلا يعني ممكن تكوني اقرب للرجوله منك للنساء ايه بقي فكرة الخيمه دي انا نفسي افهم
انا فكرت كتير جدا في الموضوع دا توصلت لمعادله ارجو ان يتقبل صدر الشخص اللي بيقرا الكلام دي لوجهه نظري علشان في الاول والاخر دي وجهه نظر
اكبر نسبه من المنقبات والمتحجبين في مصر من الستات بيريحو دماغهم
يعني م الاخر معندهاش استعداد اصلا انها تسرح شعرها ولا تشغل مخها بسشوار للشعر او انها يكون شكلها جميل علشان تقريبا الشكل الجميل حرام بالنسبالهم او ان الستات يكونو نضاف في تفكيرهم دي حاجه غلط فيلبسو اي حاجه تداري العار والقشف والفقر والجهل وفيه نسبه كبيره من البنات بتعبر عن سخطها علي المجتمع بكدا تعبير عن العنف في طريقة البس تعبير عن غضب من المجتمع فبتذايد في التحجب
منع بقي الحجاب والنقاب التحرش والاغتصاب وغيره ؟
المجتمع في مصر عنده فصام في الشخصيه ( انفصال العقيده عن السلوك ) تماما
يعني البنت اللي متحجبه دي تدين المفروض اخلاقها تنم عن تدين حقيقي فعلا في سلوكها اللي بينعكس علي المجتمع
في النهايه اللبس دي حرية شخصيه ايكش تلبس أيه هيا حره في الاول والاخر ولو انها في الحقيقه مش حره ف مصر
يعني مجرد ان واحده تلبس شيك بنطلون وبدي علي طول دا يعطي الحق لكل راجل ماشي في الشارع انه يطول لسانه وأيده ( هو دا التدين ) وعلي اي حال انا مش عايز اشغل مخي قوي علشان احنا داخلين علي زواج الاطفال وشراء الجواري والايام الجايه ربنا أعلم بيها فمتركزش قوي في الحجاب ولا الطرحه علشان دي هتبقي مواضيع فرعيه
دا احنا هنتقدم تقدم فين ناطحات السحاب وفين المفاعلات النوويه وفين التقدم الطبي العالمي وفين وفين وفين
( الحجاب هو الحل )

اولا شكرا على ردودكم جدا انا قريتها كلها بعناية .. انا عارف انه كلامى ممكن ما يغيرش حاجة لأنه مفيش حاجة هتتغير إلا لما كلنا نقتنع اننا نقدر نغير

قال تعالى :(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

انا بس هرد على kok3 ومش هعلق على الأسلوب وهسيب الموضوع للمشرفين .. لكن هرد على شبهة هو اثرها

وهى انه فعلا لو بصيت حاليا على الخريطة هتلاقى الدول العربية والمسلمة فى جهل وفقر والدول العلمانية او الشيوعية هى المتقدمة طب ازاى !!

الإجابة بسيطة اوى قالها قبل كدا شيخ الإسلام ابن تيمية رحمه الله: "إن الله يقيم الدولة العادلة وإن كانت كافرة ولا يقيم الدولة الظالمة وإن كانت مسلمة"

ولإن العدل اساس الملك .. واحنا بلادنا مليانة ظلم عكسهم تماما .. وبلادنا كلها فرقة وتحزب إنما هما متوحدين وغيره وغيره
المفكر العربي محمد عبده لما سافر بره برضو قال: ( رأيت إسلاما بلا مسلمين ورأيت في ديار الإسلام مسلمين بلا إسلام )

ما تفتكرش اننا لما نسيب ديننا ويبقا زى ما بتقول علاقة بين الشخص وربه وخلاص على كدا ويبقا الدين ما يخرجش بره البيت .. يعنى الدين يبقا اخره يناقش احكام الوضوء والصلاة فى البيت لكن ما يتحكمش فى امور المسلمين , ان احنا كدا هنتقدم وهنخترع ابدا

لأن كل واحد ساعتها هيبقا هامه مصلحته الشخصية فقط .. الأتحاد السوفيتى فى الحرب العالمية التانية بقا بيضطر انه يقتل جنوده اللى بيهربوا من الحرب عارف السبب إيه لأنهم كانوا ملحدين فساعتها الجندى بيفكر يموت ليه وفى سبيل إيه إذا كان مش هيستفيد حاجة لما اموت وغيره هو اللى يستفيد طب ما اعيش انا واتمتع .. السوفيت ساعتها اضطروا انهم يلجأوا لقصص وهمية يعملوها عن الجنود بتوعهم ويمجدوهم ويذكروا بطولاتهم عشان يحفزوا باقى الجنود انه يكون ليهم دافع انهم يحاربوا .. لكن برضو مكانش بيجيب نتيجة ساعتها اضطروا آسفين انهم يسمحوا بالخطاب الدينى تانى ورجعوا الكنائس تشتغل تانى لأنه الإيمان بربنا هو الدافع الوحيد اللى هيخلى الجندى يموت فى سبيل الدفاع عن بلده


معلش شردت عن الموضوع شوية بس حبيت اوضح النقطة دى

نقطة تانية انه الحجاب مش هيمنع التحرش ولا النقاب حتى طب ليه .. لتلت اسباب الأول انه احنا عايشين فى بيئة فاسدة وبنشوف كل يوم حاجات بتحرك غرائزنا تحت مسمى حرية الإبداع .. وتانى سبب انه فيه عامل بيساعد على دا كمان وهو انه بيشوف المناظر اللى اتكلمنا عنهم مش محجبات او بمعنى اصح بنشوف مناظر كاسيات عاريات

التالت انه الجواز بقا من المستحيلات دلوقتى يعنى اللى بيفكر يعف نفسه بيلاقى طريق الحلال صعب جدا وقدامه الحرام ببلاش طب هيروح لمين

احنا بنحط البنزين جنب النار ونقول سبحان الله دا ولع ازاى دا !!

بره ما بيحصلش تحرش ليه .. ببساطة لأنهم مش محتاجين تحرش هما بيعملوا كل حاجة بالتراضى وبدون ما يحتاجوا يتجوزوا حتى وينتج عنه بعد كدا اطفال مش عارفين اهاليهم لكن احنا ولا دينا ولا طبيعتنا الشرقية هتسمح بكدا

اتمنى اكون وضحت شوية حاجات ولو انه الموضوع طويل جدا ولو الواحد فتح مش هيسكت :)

تقبلوا تحياتى :)