الموضوع: محاولة لتقليل استعمال الريو قررت اشتري الرينو لوجان وتقرير لتجربة القيادة

المشاركة الأصلية كتبت بواسطة mido7337

لو كنت راكب الفيرنا كنت هتحس ان اللوجان اودى لأنها اجمل منها بكتير و الاتنين بنفس السعر
انا معايا لوجان و فرحان بيها و هى اول عربية اشتريها و مقتنع بيها لأنها مناسبة جدا فى مصر و سعرها مناسب جدا و فراملها ممتازة و مش محتاجة abs و سحب المانيوال اللى معايا افضل من اللاوتومايك و بعد التليين اتحسن و التكيف جيد جدا و عفشتها ناعمة + عاليه عن الارض و انسى الحك فى المطبات و خش بيها فى اى مكان (الحمد لله و ربنا يحفظها و يديمها نعمة آمين)

وده اللي خلاني افكر فيها والله

يا جماعة ده رأيي عن العربية ولكل واح رأييه الخاص وعن اللي جربته وده اكيد لما تكون معاك عربية اعلى وتركب عربية اقل ده طبيعي

طب ما تبص كده على ال emgrand 7

ولا انتا بتدور على حاجه اوتوماتيك

لا انا توبت من المانيوال مش هشتريه تاني نهائي

المشاركة الأصلية كتبت بواسطة moha4tec

ربنا يوفقك فى الاختيار
و اخبار فراملها اه .دى مهمه جدا اهم من السحب و اى حاجه تانيه .
و موضوع مميز كالعاده
بس اللوجان حلوه على اد سعرها
و ربنا يباركلك فيها و يكفيك شرها

فراملها كانت كويسة لكن سحبها مش كويس وانا عموماً انت عارف مش بحب الجري والسرعة دي لان كان حصل معايا موقف قبل كده كنت هعمل حادثة بسبب السرعة والحمد لله ربك ستر والفرامل لحقتني من ساعتها بطلت اجري تاني نهائي بسرعة عالية حتى على الطريق برا بمشي بهدوء

وطبعاً اللوجان حلوه وعلى سعرها ممتازه وده اللي خلاني افكر اشتريها

المشاركة الأصلية كتبت بواسطة monamize4

ياباشا اللوجان مش وحشة كدة زى ما حضرتك بتوصف ,,, الفكرة انها عربية على قد سعرها و كمان بتحقق مبدا القيمة مقابل المال فا بلاش تدخل تكره الناس ف عربياتهم عشان حضرتك بتقارن بالريو بتاعتك (اغلى من اللوجان ب اكتر من 40 الف) و متنساش ان لو واحد راكب جولف 6 و جة جرب الريو هيقول عليها مش عربية اساسا رغم انك بتحبها جدا و اكيد تعبت ف تمنها و اكيد الكلام دا هيزعلك ,,,, ياريت ما تزعلش منى ف النقطة دى
ثانيا حضرتك المفروض فعلا تتمتع بعربيتك مش تركنها لان المتعة ف السواقة مش ف الامتلاك و ممكن حضرتك تبيع الريو و تحط عليها سعر اللوجان و تشترى فلونس او فانتازيا او فوكاس و كل دول عربيات محترمة و اوروبى (الفوكس امريكى بتتجع ف اسبانيا- المانيا) و سواقتهم امتع كمان من الريو او سبورتاج او قاشقاى زى ما العضو المحترم قالك و ارتفاعهم عن الارض مناسب للمطبات المصرية
وتقبل مرورى

ما انا قولت يا سيدي الفاضل في اول الموضوع عايز عربية تكون محافظة على شكلها يعني مش عايز واحده اهلكها واتخبط بيها من تاكسي موديل مليون ووقتها هتصبح العربية اللي انت مشتريها بكذا الف هتلاقيها متتشفش

تعليقاً على ردك

ياباشا اللوجان مش وحشة كدة زى ما حضرتك بتوصف ,,, الفكرة انها عربية على قد سعرها و كمان بتحقق مبدا القيمة مقابل المال فا بلاش تدخل تكره الناس ف عربياتهم عشان حضرتك بتقارن بالريو بتاعتك (اغلى من اللوجان ب اكتر من 40 الف) و متنساش ان لو واحد راكب جولف 6 و جة جرب الريو هيقول عليها مش عربية اساسا رغم انك بتحبها جدا و اكيد تعبت ف تمنها و اكيد الكلام دا هيزعلك ,,,, ياريت ما تزعلش منى ف النقطة دى

انا استغربت فعلاً على ردك طيب ماده طبيعي تعالا حتى لو عندك BMW تعالا اركب فيراري او ميزاراتي هتزعل من الـBMW بتاعتك :)

اللي هتدفع فيه جنية هيساوي جنية يا استاذ وده معروف فبصراحة استغربت وياريت انت متزعلش من كلامي

العربية مش وحشة قوى كده وبعدين هى تستاهل كل مليم مدفوع فيها لكن بصراحة الريو متستهلش 130 الف نهاااااائى وده رائى بصراحة وبعدين خامات الريو مش حلوة قوى يعنى علشان تحس بالفرق الرهيب ده
وعموما ربنا يباركلك فى الريو

لو أساس المبدء أن أي جد جاب عربيه ب ١٣٠ ألف يجيب جنبها عربيه ب ٧٠ ألف علشان يحافظ عليها يبقي في اعتقادي مبدء خاطئ

الكلام ده لو عربيه غاليه جداً و تكاليف إصلاحها و صيانتها مرتفعه جداً و صاحبها خائف عليها من الاهلاك أو الخبطات اللي ممكن توصل الآلاف لإصلاحها بلإضافة انه مش عايز يحط عليها كم كتير

كمثال عربيه فانوسها ب ٩٠٠٠ جنيه أو مساعدينها ب ١٠٠٠٠ جنيه و صيانة كل ١٠٠٠٠ كم اللي ممكن تكون عند بعض الناس كل شهرين أو ٣ بكذا ألف