الموضوع: يطلي لوحات سيارته بالاسود في تحد اخر للقانون - بالصور

المشاركة الأصلية كتبت بواسطة crazydeepman

اولا قبل كل شئ انا عن نفسي ظابط جيش و نمرتي واضحه جدا للعايز يخدها واللي مش عايز
لكن بقى الكربون و الاستيكرات هوا غلط طبعا لكل الناس بس يا حضرات دلوقتي التوكتوك لأ بلاش التوكتوك النص نقل حاطط فنار شرطه على السقف انتوا مش واخدين بالكم انتوا عايشين فين دلوقتي؟؟ انسوا زمان ايام ما كنا بنقول ظباط بس دلوقتي الكل يابشوات بيخالف و الله العظيم شايف بعيني في اسكندريه 3/4 نقل حاطط فنار شرطه و طبعا باقي المخالفات موجوده من الفاميه و النسر و الخ والخ و ماشي عكسي و بحبك يا فننس ده دلوقتي يا حظك يا نصيبك لو تنحت في وش حد ماشي عكسي و شوف حيسمعك ايه
يبقى ليه بقى التركيز على الظباط و الكلام ده و ياللي صورت عربيه و بتاعه ظابط و بتاع تحب اجيبلكم بدل منها 1000 صوره للعربيات و التكاتك و النص نقل و اظن ولا هما ظباط ولا حاجه

كل الظواهر ديه مرفوضة سواء كانت من التوك توك ولا التاكسى والا النقل ولا الملاكى
سواء كانت من عامة الشعب أو اصحبا السلطة فى مصر
انا دائما بدعوا الى احترام المرور والإلتزام بيه
وبفرح جدا لما بلاقى لجنه واقفه بتصطاد المخالفين
وكل السعادة ديه بتتمسح بأستيكة لما سعادة الباشا صاحب الباشا الضابط يعدى بعربية كلها مخالفات ويمسكوا بس اللى ملهوش واسطة !!!
منتهى الاستفزاز للمواطن الصالح المحترم الملتزم
كده رجال القانون هما اللى مش بيحترموه
وهما اللى بيخلونا للأسف نفقد احترمنا للقانون ولرجال القانون
واتحولنا الى غابه

مش هينصلح حالنا إلا بإحترام القانون من الكبير قبل الصغير
القدوة المفروض ينكسف على دمه ويلتزم الأول علشان الناس تلتزم
مش القانون يتعمل ويتطبق على الناس العادية اللى ملهاش ظهر واللى على راسهم ريشة يعملوا اللى هما عاوزينه !!!

عرفت ليه مركز فى هذا الباب على سيارات رجال الشرطة والجيش والقضاء

لا تنه عن خلق وتأتى بمثلة, عار عليك إذا فعلت عظيم