منذ ايام ثورة 25 يناير
وأنا شخصيا كنت من اشد المدافعين عن الشرطة والجيش والقضاء
وكنت مصدق انهم ممكن يتغيروا ونبقى دولة محترمة فعلاً
وعملت مواضيع كتيره فى المنتدى عن تضحياتهم وحسى اتنبح مع اعضاء كتير بدعوهم الى احترامهم واحترام القانون
ولكن للأسف لما بقيت اشوف الصور ديه فى النت وفى الشوارع
ولما لاقيتهم مصممين على عدم احترام القانون اللى هما بيمثلوه
وجهة نظرى ليهم اتغيرت 180 درجة
وحسيت قد ايه الناس ديه ظالمه ومنعدمين الضمير
وعاملين قانون يطبقوه بمزاجهم على اللى ميعجبهومش ويستثنوا منه اللى تبعهم
وحبهم للفشخرة والمنظرة والتنطيط على خلق الله فاق كل شيئ
إذا كانوا مش قادرين يغيروا نفسهم من بره
ومش قادرين حتى يضحكوا علينا ويغيروا مظهرهم المستفز ويلتزموا ولو ظاهريا فقط
فما بالك من جوه عاملين ازاى
وما بالك بقى باللى بيحصل من ورانا من فساد وظلم وقهر
حسبنا الله ونعم الوكيل
طبعا لكل قاعدة شواذ .. وفيهم المحترمين اكيد
بس نادرين للأسف
واللهى بعد اللى بيحصل فيهم كل شوية يموتوا منهم شوية ويفجرولهم مدريتين امن ويضربوا عليهم نار فى الكماين ويموتوا ...وجاين احنا ماسكين فى اصل عربيتة مفيمها ...اصل نمر عربيتة مسودها.... اصلة حاطط نسر على النمرة ....انتوا مش شايفين ان دة كلام فارغ قصاد اللى بيحصل فيهم
دا سواقين التاكسى عاملين كدا دلوقتى واكتر
البلد خربت بعدك يا ابو علاء هات ايدك ابوسها
بلد الفوضى والهمجية
طيب متيجى نعكسها
البشاوات بيتعرضوا للارهاب وبيموتوا
رغم ان معظم اللى بيموتوا هم المجندين الغلابة بس ما علينا
اذا كانوا بيتعرضوا للأهوال ديه
مش شايف بردو انها هايفه لما يكون اهتمامهم منصب على تفييم عربياتهم وازاله النمر من عليها
ولفت الانظار ليهم من كل الناس
وممكن الارهابيين يستقصدوهم ويتعرفوا عليهم بسهولة من عربياتهم
مش الاحسن انهم يسيبوا الكلام الفارغ ده ويلتزموا بالقانون ويمشوا عدل زى خلق الله العاديين !!!
علشان محدش يعرفهم زيهم زى اى مواطن عادى محترم