الموضوع: يطلي لوحات سيارته بالاسود في تحد اخر للقانون - بالصور

المشاركة الأصلية كتبت بواسطة mo3tazanas

انت اللى مركز قوى معاهم بشكل كبير...كبر دماغك شوية

نفسى يبقى فى عدل واحترام
ونكون دولة القانون فعلاً

المشاركة الأصلية كتبت بواسطة elawany13

منذ ايام ثورة 25 يناير
وأنا شخصيا كنت من اشد المدافعين عن الشرطة والجيش والقضاء
وكنت مصدق انهم ممكن يتغيروا ونبقى دولة محترمة فعلاً
وعملت مواضيع كتيره فى المنتدى عن تضحياتهم وحسى اتنبح مع اعضاء كتير بدعوهم الى احترامهم واحترام القانون
ولكن للأسف لما بقيت اشوف الصور ديه فى النت وفى الشوارع
ولما لاقيتهم مصممين على عدم احترام القانون اللى هما بيمثلوه
وجهة نظرى ليهم اتغيرت 180 درجة
وحسيت قد ايه الناس ديه ظالمه ومنعدمين الضمير
وعاملين قانون يطبقوه بمزاجهم على اللى ميعجبهومش ويستثنوا منه اللى تبعهم
وحبهم للفشخرة والمنظرة والتنطيط على خلق الله فاق كل شيئ
إذا كانوا مش قادرين يغيروا نفسهم من بره
ومش قادرين حتى يضحكوا علينا ويغيروا مظهرهم المستفز ويلتزموا ولو ظاهريا فقط
فما بالك من جوه عاملين ازاى
وما بالك بقى باللى بيحصل من ورانا من فساد وظلم وقهر
حسبنا الله ونعم الوكيل


طبعا لكل قاعدة شواذ .. وفيهم المحترمين اكيد
بس نادرين للأسف