الموضوع: يطلي لوحات سيارته بالاسود في تحد اخر للقانون - بالصور

المشاركة الأصلية كتبت بواسطة shiko85

يعنى هو مسح النمره علشان خايف من المخالفه مثلا ؟؟؟؟!!!!!!!
هو ايه الهدف من الموضوع ده اصلا ؟؟ نثبت ان ضباط الجيش و الشرطه افسد خلق الله ؟
مفيش موتوسيكل ماشى بدون لوحات ؟ ولا علشان مش بتاع ضابط يبقى مفيش مشاكل ؟!
مفيش ولا صوره لعربيه نقل او ميكروباص بدول لوحات ؟؟!!!!
( غير صوره واحده عضو فاضل رفعها علشان يلفت نظر الناس ان مش بس الضباط او وكلاء النيابه هم اللى بيمشوا بدون لوحات او لوحات غير واضحه )

طيب انت زعلان ليه كده !!!
ومعظم الصور انا حاططها ولا جبت سيرة ضابط ولا سيرة وكيل نيابه !!!
البادجات والمخالفات بتتحدث عن نفسها وعن صاحبها
واكيد مش كلهم كده
اكيد فيهم المحترم والملتزم وفيهم اللى بيسيئ الى نفسه والى زملائه والى القانون اللى بيمثله

ادخل على موقع اى مخالفة وهتلاقى صور كتيره جدا انا ناشرها لموتوسيكلات وميكروباصات وملاكى
دور فى مواضيعى هتلاقى صور لتروسيكلات وتكاتيك وموتوسيكلات مخالفة
بس العيب مش عليهم .... العيب لما يكون المسئول عن القانون هوه اللى مش بيحترمه ومش بيطبقه على نفسه وعلى الكل
العيب على اللى سايبهم يعملوا كده فى الشوارع ومكبر دماغه ومش بيشوف شغله
ويوم ما بيشوف شغله بيطبق القانون على ناس ويسيب ناس ويمشى على سطر ويسيب سطر

فيه حاجه اسمها القدوة الحسنة وما احوجنا إليها
وديه منعدمة هنا

" إذا كان رب البيت بالدف ضارباً ... فشيمة أهل البيت كلهم الرقص "