الداخلية تعاقب ضابط ''ما تخلقش اللي يخالفني''
كتب - محمد الصاوي:
أكد مصدر أمني بوزارة الداخلية، أنه تم إحالة النقيب ''أحمد. ا''، الضابط بإدارة الطرق والمنافذ، للتحقيق بعدما انتشرت على مواقع التواصل الاجتماعي ''فيس بوك''، صور له يقوم من خلالها بالتدخين داخل إحدى محطات الوقود، وعدم وضع اللوح المعدنية الخاصة بسيارته، وقيامه بالاستهزاء بأحد المواطنين.
وأضاف المصدر في تصريح لمصراوي، أن قطاع التفتيش بوزارة الداخلية، بعد التأكد من صحة الواقعة، أتخذ قرارًا بمعاقبة بوقفه عن العمل، ومنعه من الترقية لمدة عام، مشيرًا إلى أن الداخلية لا تتواني عن معاقبة المخطئين من ابنائها، كما أنها لا تسمح باي تجاوز يصدر من أي شخص مهما كانت هويته وبالأخص الضباط.
كان مستخدمو موقع التواصل الاجتماعي ''فيس بوك''، تداولوا صورًا لاحد الضباط، قام بمخالفة القانون وسحب رخص أحد المواطنين وعندما عاتبه على عدم تطبيق القانون على نفسه، وتدخين السجائر داخل محطة الوقود وعدم التزامه بقوانين المرور، رد عليه قائلاً: ''أنا اخلفك ده بمزاجي علشان أنا بخالف اللي زيك بس أنا لسه ماتخلقش اللي يخالفني''.
https://fbcdn-sphotos-g-a.akamaihd.n...4da6cc489c9b80
نقلاً عن : Sherif Kamal
امبارح كان عندنا تجمع للشباب الچيبرز عند محطة بنزين أمارات مصر في المعادي قبل كارفور علي الدائري ... و بعد ما الكل اتجمع في اربع عربيات رجعوا بظهرهم حوالي١٥ متر علشان يدخلوا المحطة و يحطوا بنزين و انا كنت منهم تاني عربية... و اذ فجاة واحد بينادي عاليا بطريقة السبكي فيلم و رافع حاجب و منزل التاني و عليه بادي لانجوتش مايتحرمش منها طلب مني الرخص فاانا استغربت علشان هو لابس جينز و كدة مش لبس شرطة فاسالته:
هو... رخصتك و رخصة العربية لو سمحت.
انا... هو حضرتك ظابط مرور؟!!!
هو... لا يا ( قووور) انا ظابط مباحث.
انا... اتفضل اهي الرخص.
هو... ادخل حط بنزين و استناني.
انا... هو انت هاتخليني اجري وراك و بهدلة و كدة؟؟ او عاوزني اقف اتحايل عاليك؟ علشان لو كدة خلاص خد الرخص و ابقي اخدهم من المرور بتاعي .
هو... خش حط بنزين .
سمعت الكلام و دخلت احط البنزين فالفت نظري انه راكن عربيته الشخصية جوة المحطة و فتح باب عربيته مش عارف بيعمل ايه!!! و فوجأت ان عربيته مافيش عاليها لوحات الارقام و لاقيته ماشي جوة المحطة بجانب طرمبة البنزين و مولع سيجارة و مش في دماغه اي حاجة ولا كأنه كان ممكن يموتنا كلنا...
جالي عند العربية و دار بينا الحوار ده:
هو... رخصك اهي يا استاذ بس اخدتك غرامة ب ١٥٠٠ جنية السير عكس الاتجاه.
انا... طيب هو حضرتك ليه وقفتني انا بالذات من دون العربيات المخالفه؟!!
هو... كدة رخامة!!!
انا... طيب بمناسبة الرخامة هو ينفع تكون ظابط و بطبق القانون و تمشي بعربية من غير ارقام؟
هو... ايوه ينفع و مالكش دعوة.
انا... ازاي ماليش دعوة المساواة في الظلم عدل... انت اخدتني مخالفة انت مين اللي هايخلفك؟!!!
هو... انا اخلفك ده بمزاجي علشان انا بخالف اللي زيك بس انا لسه ماتخلقش اللي يخالفني.
انا... طيب انا هاخد صورة لعربية حضرتك و نزلها علي النت و نشوف اللي بيخالفك اتخلق و لا لسة..
هو... طبعا ياريت و بقولك اية.. استني اقف جنبها علشان تصورني انا كمان و تعمل اللي نفسك فيه و بالمرة ممكن اتشهر،،
و قام نادي علي صديق له ظابط بس لابس ميري علشان يقفوا و يتصوروا مع بعض مع عربيته اللي من غير ارقام و انا اخبط راسي في اكبر حيطة...
طبعا بغض النظر عن ان كل الناس اللي في محطة البنزين كانوا سامعين و هايموتوا و يضربوه و كان صادمهم السيجارة اللي مولعها،، العمال و اللي قائمين علي المحطة خافوا يقولوله اطفي السيجارة.
انا للاسف مش عارف اسمه بس حبيت اشارك معاكم صورته بجوار عربيته من غير الارقام و كمان مولع السيجارة و علشان يكمل استفزازه ليا و علشان يوريني انه مش هامه اي حد قام و بمنتهي الطفولية عامل بايده علامة النصر....
هاسيب ليكم التعليق.....
عمر ما الحال هيتصلح طول ما فيه ناس وناس
هذا الضابط مخطئ و غلبه الكبر و لم يكن يتوقع قوة تاثير الفضاء الاليكتروني
من خلال هذا السرد السحري محدش خد باله ان صاحب المشكلة هو و (الجيبرز) مشوا عكس الاتجاه مثله مثل اي توكتوك او ميكروباص و الناس تاهت مع تناكة و اسلوب الضابط
عدم تعليق لوحات لسيارة الضابط و تفييمها مرفوض و غير مقبول.........لكن ماذا تتوقع منه عندما يتقمص المخالف شخصية الضابط و يساله هو عن مخالفة سيارته المركونه
دائما للحقيقة اكثر من وجه.......لكن الوجه الواضح لهذه الواقعة ان هذا الضابط غلبان....لانه لو كان صايع ماكنش خلاه يصوره
https://fbcdn-sphotos-f-a.akamaihd.n...17f83fa6e59041
ضابط شرطة بيمثل القانون ده اذا كان فيه قانون فعلا لازم يكون اول واحد يحترمه
لا تنه عن خلق وتأتى بمثله , عار عليك إذا فعلت عظيم
وزارة الداخلية تنفي عقاب الضابط صاحب واقعة ( متخلقش اللى ياخدني مخالفة )
http://www.youtube.com/watch?v=4qhkqi7uS70