السلام عليكم ورحمة الله وبركاته

ياجماعة انا سمعت كلامكوا فى التونجسرام ودوخت عليها عقبال مالقيتها وجبت فى الآخر 100/160 وده اللى لقيته وكنت مقلق منه ..
المهم ركبتها الحمد لله وكانت زى الفل وكنت مبسوط جداً
كان النور زاهى كده وكاشف الطريق كله حتى الزلط اللى عالأرض كان بيبان وكانت الدنيا حلوة
اشتغلت كده حوالى اسبوع وبعدين العربية اتخبطت وبعت اصلحها فى التوكيل وسبتها

وإذن فجأة بعد ما رجعت العربية من التوكيل .. ابص عالنور الاقيه اصفر كده مايل للبرتقالى ولونه معفن وضعيف جداً .. قلت يمكن عشان العربية وسخة والفوانيس مشبره ، وبالفعل غسلتها ولا حصل اى حاجة عادى ، قلت يمكن المض مش مظبوطة .. وقفت فى حتة ضلمة وظبطتهم بالملى

بس عادى بارضو زفت ، بجد فرق شاسع بين الأول ودلوقتى .. قلت يمكن اكون اتسرقت طلعت اللمض وبصيت عليها لقيتها هى !!!

بجد انا مش عارف ايه اللى حصل مع العلم انى غيرت الكتاوت ولا فيه اى جديد
بارضو النور زبالة غير الأول


ارجوكوا حد يقولى ايه السبب ؟؟

هل اللمض لما اشتغلت مدة طويلة متواصل مثلاً ضعفت !!
ولا مثلاً الفوانيس بتاعتى اتبدلت !!
ولا ايه بس انا مش عارف

انا فكرت اجيب فيليبس رالى بس مش عارف دى بتشتغل ازاى وهل لازملها عدسات ولا لأ
وهل عاوزة كتاوت معينة ولا عادى ؟؟

منتظر ردكم