سيارة صناعة مصرية لا يتجاوز ثمنها 17 الف ونص

انا شوفت الفيديو ومش عارف افرح ولا احزن

دي عينه من الافات الناس اللي ابتكرت حجات واندفنت

شاطرين بس يطلعولنا اعلانات اتبرع على حساب 10001000 مدينه زويل للبحث العلمي

ويلغوا الدعم عن البنزين .. واشتغلوا وانتجوا وهببوا

طيب مالبحث العلمي جاهز اهو وعلى طب من الماظ بيقولهم كلوني ببلاش بألف هنا

الراجل مش جي يشحت ولا عايز هبه من حد ولا بيحلم انه يبقى ملياردير .. لأن هو اساسا ارقى من الكلام دة كله

‫صدق او لا تصدق سيارة صناعة مصرية لا يتجاوز ثمنها 17 الف ونص‬‎ - YouTube

التكمله
‫صدق او لا تصدق سيارة صناعة مصرية لا يتجاوز ثمنها 17 الف ونص جـ2‬‎ - YouTube


حاجة تفقع

للاسف البحث العلمي تم دفنه حيا في مصر

يارب اشوف اليوم الي نصنع عربية ولو حتي لاحفدنا ..

نصبايه

اقتباس:

---

المشاركة الأصلية كتبت بواسطة mazagngi2010

نصبايه

---

علل

اكبر نصبايه باسم البحث العلمى ....طاقه هوا ايه يابو طاقه هوا وازاى عربيه بتمشى بالبنزين يقول عليها بطاقه هوا ولو فى فكره فعلا فى العالم مش كانت اولى شركات مصنعه عالميه تصنعها بدل العبقرى دا ولو هى فعلا كده كانت هتبقى تكلفتها بسيطه كده ..................الخلاصه الموضوع دا كان فى مهندس قبل كده من فتره نزل يشوف الحكايه دى ورجع عمل موضوع عنها ولخص كلامه فى جمله (طلعت تصميم صينى وموتور موتوسيكل ..وجسم صفيح علب سمنه)
الفكره ان المصانع فى الصين ملهاش مبدا معين فى الصناعه على حسب اوامر التكليف يعنى مثلا اديك مخطط لعربيه مثلا بتتكون من موتور موتوسيكل وعفشه توك توك وجسم عربيه تجمعهملى وتصنعهم .............واستلم واديك فلوسك .
يعنى القصه بقى لابحث علمى ولا دياولو ولا هو اساسا مهندس هو راجل اعمال مستورد كدب كدبه وصدق نفسه.........هى ممكن فعلا تكون بديل التوك توك بس من غير الشو اللى هو عاملو دا وانها اساسا اختراع هى مش اختراع لانها متنفزة قبل كده وعلى فكرة بتمشى بالبنزين والكارثه الاكبر((((((((((((مفهاش مرشيدير))))))))

:crying2::arab:

مش العربيه دى صينى ولا انا غلطان

انا مشفتش الفيديو و لكن قرأت ملخصه في منتدى غير متخصص
هو أولا حاجة زي كدة مش اسمها اختراع
ثانيا هو عايز يمشي العربية بهواء بس هيستعمل بنزين ..... طيب ليه اللفة دي ما تحط محرك 800 سي سي و خلاص

المشكلة ان الناس بتنسى قانون بقاء الطاقة الطاقى

انتوا شوفتوا الفيديو كويس ؟

العربيه مش صيني .. الراجل لما ملقاش حد يصنع العربيه في مصر

راح الصين علشان يعمل نموذج .. ويبقى العربيه واقع يقدر يقنع بيه الحكومه المصريه

العربيه بتعمل بضغط الهوا .. بتحتاج 3 لتر بنزين كل 100 كيلو

والراجل قال بنفسه في الفيديو الفكره اتنفذت قبل كدة في فرنسا بشكل مشابه

وخلاصة الكلام .. دة مجرد مجهود شخصي من واحد بيحاول يحقق شىء حتى ولو كان بسيط

ليه الحكومه ماتاخدش الشىء البسيط دة وتعمل منه شىء له قيمه وتحسنه

زهقنا من الاحلام

من الفيس بوك
هتبدا الاشتغالات

http://sphotos-g.ak.fbcdn.net/hphoto..._5224719_n.jpg
رئاسة الجمهورية تستجيب لبرنامج محطة مصر وتعلن تبنيها مشروع السيارة الموفرة ذات الصناعة المصرية .

فى ظاهرة رائعة , إستجابت رئاسة الجمهورية لبرنامج محطة مصر واعلنت تبنيها لمشروع السيارة الموفرة للباحث رضا غازي سند الذي عرضة مساء السبت ببرنامج محطة مصر على قناة مصر 25 .
عرض الباحث رضا غازي مشروع سيارتة التي تعمل بطاقة الهواء والتي يبلغ ثمنها ما يقارب 18 الف جنية " لتصبح ارخص سيارة فى العالم " على حد قوله،

واضاف , إنها السيارة الوحيدة على مستوى العالم ذات الإطارات الحديدية وبها كاوتش مقاوم للثقوب وتستهلك كل 100 كيلو ثلاثة لتر بنزين .

واستطرد قائلاً , حاولت فى عهد الرئيس المخلوع توصيل إقتراحي للحكومة إلا ان انني تعرضت لمضايقات وصلت الى حد أن الوزير السابق رشيد محمد رشيد قال لي " لو العربية دي اتعملت انا البس جلابية واقعد فى البيت "

وشهدت الحلقة مناشدات عديدة للإعلامي معتز مطر للحكومة المصرية لتبني المشروع , وفور إنتهاء الحلقة اجرت رئاسة الجمهورية إتصال بالباحث رضا غازي سند وطلبت مقابلتة بالقصر الرئاسي واعلنت إستعداها لتبني المشروع .
-----------------------

من ساعه ماشوفتها وانا قولت فيها حاجة هو بيقول مابتستهلكش اى وقود وبعدين يقول بتمشى ب 3 لتر بنزين لكل 100 كيلو

كل اللى بيتكلم فية ومركز عليه الكاوتش المعالج للثقوب والكاست اللى بيشغل فلاشة وكارت ميمورى وكمان الفلاشة هدية مع العربيه

المشكلة ان احنا بنتجة للطاقة البديلة ... طب م الاولى نصنع عربيه بتشتغل بالبنزين ونطورها وبعدين نتجهه للطاقة البديلة لا احنا بحب نقفز قفزات نحو التطور وهو دة اللى بيخلينا نتكعبل ونقع من على سلم التقدم

البلد ديه عمر مهتقوملها قومة طول ما العلماء بنرميهم و لعيبة الكورة و المطربين و الفنانين بياخدوا ملايين

بلد عبده موتةِ

هي مش العربيه دي نزلت قبل كده ب 25 الف جنيه و كان اسمها توتو نونو باين؟

مش عارف ليه مش مستريح للعربيه دي خالص

من اكبر اسباب تأخرنا اننا دايما بنقول على المخترعين مجانين
مبنقتنعش بالحاجة غير لما تكون جاية من برة جاهزة ونعد نتحصر على نفسنا ونقول عليهم دول متقدمة
مش شرط المخترع يكون مهندس بالعكس اغلبية المخترعين مش مهندسين
واغلب اللى نجحوا في حياتهم مش مخلصين جامعة زى بيل جيتس

الراجل بيقول ان مصنع الصين انتج 50000 عربية
ومستحيل يكون العربية مفهاش مارشيدير مكنش جه اكتر من مرة على القنوات الفضائية
يعنى معقول التوك توك اللى بيعايب عليه يبقي فيه مارشيدير وعربيته لاء

الفيديو اللى هحطه دلوقت فيه عربية اتعملت في فرنسا زيها بالظبط
وبتشتغل بموتور بيعمل بضغط الهواء
والخزانات بتاعة الهواء بتتملي فى خلال 3 دقائق من البنزينة وبتمشي العربية 300 كيلو

الزيادة اللى المخترع المصرى عمله انه عمل محرك بنزين بيملي الخزانات
لكن مقلش انها بتمشي بالهواء بس
الفيديو بتاع العربية اللى بتنتج فى فرنسا

[youtube]http://www.youtube.com/watch?v=uRpxhlX4Ga0[/youtube]

مشكلتنا فى مصر اننا بنحاول نهدم اى حد بينجح حتى لا يصبح ناجح ونشعر اممامه بالفشل
عكس اوروبا الناس تتظافر لانجاح الشخص الجيد
العربيه ممتازه على الاقل نصف حق الماروتى وفكرة مصريه وكان زمنها صناعه مصريه كمان
عربيه بثمن توكتك عاوزين ايه تانى
شايف اراء غريبه العربيه شكلها موش عارف ايه وافتكاسات على نفس المنوال
المفروض نقول خير او نصمت - فالكلام ان كان من فضه فالسكوت من ذهب

انا راي ان الرعبيه دي طبعا مجهود فردي لما ينتجوها علي نطاق واسع اكيد هيعلجوا السلبيات اللي فيها بس هي بدايه مبشره

http://www.nilemotors.net/Nile/31147...post3874555924

اقتباس:

---

المشاركة الأصلية كتبت بواسطة khaled_legend

هي مش العربيه دي نزلت قبل كده ب 25 الف جنيه و كان اسمها توتو نونو باين؟

---

ايوه ياباشا هى النانو ايجيبت وكان المعرض فى حدائق القبة وكانت اقرب للتوك توك من السيارة مش عارف هما بيتكلموا على انها عربية اختراع جديد ولا ايه