حادثه بسيطه الحمد لله ،، ارجو مساعدتكم

السلام عليكم ،
انا اخوكم محمد و دي اوي مره اكتب هنا في منتدي هيونداي علشان كان عندي فيكترا و كنت من الاعضاء المشاركين باستمرار في منتدي اوبل

دلوقتي معايا فيرنا فيفا

الحكايه تتلخص اني لسه راجع من اسكندريه و انا ماشي علي الطريق في الحاره السريعه علي الشمال و جنبي عربيه نقل كبيره و انا في نصها اذ فجأه لقيت كاوتش عربيه نقل مفرقع و مرمي قدامي في الحاره مبقتش عارف اعمل ايه ( شمالي الجزيره و يميني العربيه النقل و قدامي الكاوتش ) ربنا الهمني و وفقني اني اجيب الكاوتش دا في نص العربيه و مش عايز اقرلكم علي الاصوات اللي طلعت بقي !!! وقفت علي اليمين و بدعي ربنا ان الاكصدام مينزلش تحت العربيه لحد ما اقف و بحمده ان العربيه متقلبتش او كاوتش عندي ضرب و الا حاجه

نزلت ابص لقيت الاكصدام مشروخ من كذا مكان ، نزلت بصيت علي العربيه من تحت لقيت الكارتيره البلاستيك اللي تحت المتور دي مكسوره بس الحمد لله مفيش زيت او ميه بتنزل و صدر العربيه من تحت ( اللي ورا الاكصدام بقي عامل زي رقم ٨ كدا بس بسيط ( مش مستقيم يعني )

انا عايز مساعدتكم اعمل ايه ! دا اول موقف معايا مع العربيه !
اروح اصلح الشروخ دي و اغير الكرتيره ؟
و الا اغير الاتنين ؟
و هل الاكصدام موجود ؟
اسعارهم ايه ؟
صدر العربيه دا يستعدل و الا اسيله عادي ؟
ممكن تكون الخبطه دي اثرت علي ايه انا مشوفوش ؟
هل لو صلحت الشروخ دي هحتاج ارش الاكصدام ؟
اروح فين اصلحه و الا عند مين ؟ و ياريت مساعده برقم شخص امين


شكرا يا شباب و معلش طولت عليكم بس انا بجد مضايق قوي و ربنا يسامح اللي رما الكاوتش دا علي الصحراوي و الحمد لله الحمد لله الحمد لله انها جت علي قد كدا ! انا اول ما شفت الكاوتش في اقل من جزء من الثانيه جت في دماغي كل اللي ممكن يحصل من اني اجي تحت العربيه النقل او اتقلب في الجزيره لو الكاوتش ضرب او او او او بس الحمد لله ربنا سترها


مستني ردودكم و انا متاكد انكم هتفيدوني بأذن الله و شكرا مقدمااااا

حمد الله على السلامه ان شاء الله الفيرناويه يساعدوك ز قدر الله وما شاء فعل

ربنا يكرمك ياباشا و يسترها علينا كلنا .


فين الشباب ؟ دا اكتر عربيه منتشره في مصر هيا الفيرنا مش معقول يكون المنتدي بتاع هيونداي نااايم قوي كدا :(

أولا.. حمدا لله علي سلامتك و ماتضايقش نفسك أنت اهم من العربية و ان شاء الله هانكون معاك لحد ماالعربية ترجع زي الاول و يمكن أحسن كمان

ثانيا.. تروح دلوقتي علي أقرب محطة و ترفع العربية و تفحصها و تشوف الخسائر بالظبط أيه و ركز علي الاتي :
1- المقصات يمين و شمال
2- كارتيرة المحرك و الفتيس من تحت (هل فيها خبطات أو بتجيب زيت)
3- الشكمان
4- الشاسيه (هل فيه أي خبطات أو تأثر بالخبطة من تحت و لا لأ)
5- الردياتير من تحت و هل فيه تسريب مياه و لا لأ
6- راجع مستوي السوائل (زيت محرك - زيت أوتوماتيك أو فتيس - زيت الفرامل - مياه التبريد في القربة)

ثالثا.. بعد كده شوف أيه اللي محتاج يتغير و أحنا ان شاء الله معاك و هانساعدك في :
- المكان اللي تجيب منه قطع الغيار المطلوبة
- المكان المناسب للاصلاح

بالنسبة للاكصطدام ياريت لو ترفق صورة علشان نقدر نقول لك يتصلح لحام و لا يتغير

و لو أحتجت أي مساعدة زيادة انا تحت أمرك و ده رقمي 01118057400

اولا حمدالله غلى سلامتك وفداك اى حاجه
طبعا الافضل انك ترفع الغربيه وتشوف فى اى خساير من تحت
الاكصدام الافضل تغيره ممكن تجيب التايوان ب 150 وممتاز
وحديد الاكصدام ممكن يستعدل ولوهايتغير ب 100 جم
فوم الاكصدام ب 50 جم
كارتيره موتور فبر 50 جم أصلى
أسعار عند ابراهيم البنا فى التوفيقيه ولو محتاج اى نصيحه كلمنى على 01004926349

اقتباس:

---

المشاركة الأصلية كتبت بواسطة se_coralsea

أولا.. حمدا لله علي سلامتك و ماتضايقش نفسك أنت اهم من العربية و ان شاء الله هانكون معاك لحد ماالعربية ترجع زي الاول و يمكن أحسن كمان

ثانيا.. تروح دلوقتي علي أقرب محطة و ترفع العربية و تفحصها و تشوف الخسائر بالظبط أيه و ركز علي الاتي :
1- المقصات يمين و شمال
2- كارتيرة المحرك و الفتيس من تحت (هل فيها خبطات أو بتجيب زيت)
3- الشكمان
4- الشاسيه (هل فيه أي خبطات أو تأثر بالخبطة من تحت و لا لأ)
5- الردياتير من تحت و هل فيه تسريب مياه و لا لأ
6- راجع مستوي السوائل (زيت محرك - زيت أوتوماتيك أو فتيس - زيت الفرامل - مياه التبريد في القربة)

ثالثا.. بعد كده شوف أيه اللي محتاج يتغير و أحنا ان شاء الله معاك و هانساعدك في :
- المكان اللي تجيب منه قطع الغيار المطلوبة
- المكان المناسب للاصلاح

بالنسبة للاكصطدام ياريت لو ترفق صورة علشان نقدر نقول لك يتصلح لحام و لا يتغير

و لو أحتجت أي مساعدة زيادة انا تحت أمرك و ده رقمي 01118057400

---

+11111