الموضوع: الصينيون قادمون

ياجماعة لى مداخلة بسيطة وعايزكم تشاركونى فيها أنا قريت فى مجلة أخبار السيارات تحقيق صحفى عامله خالد أباظة مع المستثمر السعودى الشيخ خالد الجافلى اللى هيدخل السيارة كومودو الى مصر وهى على فكرة سيارة صيني قال انه التطوير فى الصناعة الصينية وبالاخص فى صناعة السيارات فى السنوات الاخيرة يلقى نفس المواجهة اللى كانت بتلقاها الصناعة اليابانى ومن بعدها الكوري اول مابدأت وعشان كدة زمان اول مابدأت الصناعة اليابانى مكانش فى على ساحة صناعة السيارات غير الالمانى والانجليزى والدول اللى هي اساس صناعة السيارات العريقة امثال بنتللى ورولزرويس و مرسيدس وبي ام دبليو .....والكل كان يقولك وقتها ايه ياعم انت هتركب عربية يبانى ومرت السنين واثبتت الصناعة اليابانية انها جديرة بالاستخدام وانهاقادرة على المنافسة ومن بعدها السيارات الكوري برده واجهت نفس الضغوطات التى واجهتها اليبانيات وبدأنا نشعر داخل مصر بصلاحية واعتمادية السيارة الكورية والان تواجه السيارات الصينية نفس التخوف . مع انى الصين هى المارد القادم فى العالم ولكن ولى تعليق اخير على هذا الموضوع لابد ان ندع التجربة هى التى تقرر مدى صلاحية السيارات فى بلادنا ومدى مواءمتها لاجوائنا ومطباتنا وطرقنا وليست الصناعة وبلد الصنع لانه معنى كده احنا بنحكم على الصينى انه مينفعش من غير مانديله الفرصة الكافية فى التجربة واخيرا عبد الحليم حافظ اول ماطلع يغنى على المسرح هوجم ورمى بالزجاجات الفارغة على ماأظن وقتها وقد ظهر فى عصر الكبار عبد الوهاب وام كلثوم وكان له اسلوبه الذي لم ينتمى لاحد ولم تقبله الناس وقتها الى انه اثبت نفسه مع الايام واصبح العندليب الاسمر ذو الطابع الخاص المميز .