الموضوع: استفسار بخصوص تسقيط موتور لي e36 كوبيه

النصيحه الاولى انك تسيبها ستوك زى ما هيا والبلد اصلاً واقفه ٢٤ ساعه وان جابت تانى تبقى انجزت فى الزحمه ولو مصمم يعنى ممكن تجيب متور e36 بتاع ال٣١٨is وده ١٤٠ حصان ١٩٠٠ سي سي وهو نفسو كان بينزل فى الz3 هو مشكلتو ان قطع غيارو معظمها هتتجاب جديد لأنو نادر استيراد منو او تركب متور عربيتك برضو بس ٣٢٠ وده ٢٠٠٠ سي سي ٦ سلندر ١٥٠ حصان وده الاختيار الافضل لأنو منتشر وكل قطعه فى موجوده غير كده هتخش فى تعديل وتجارب وكلام فاضى ومبالغه فى الاسعار لكن اللى بكلمك فى ده شغل فبريكه المتور هينزل فى مكانو على نفس القواعد وطبعاً تجيب متور بكترولو وضفيرتو وانا نصيحتى خلىيك زى ما انت ومستقبلاً اشتري ٣٢٠ موديل ٢٠٠٦ او حاجه غير لو حالة متورك تعبانه اصلاً ولازم تغيرو او تعمرو وان حصل تفك عربيه كامله يعنى عفشه امامى وخلفى وشكمان ومتور بكنترولو وفتيسو والضفيره كامله بريداتير وعداد وكلو من عربيه واحده عشان متلفش تشتري من كل واحد حاجه ولو حصل مشكله كل واحد يعيب فى حاجة التانى وانت تبقى الضحيه وطبعاً الموضوع مش سهل عشان تعمل حسابك وبالتوفيق

المشاركة الأصلية كتبت بواسطة h.c.ronaldo

وي معليش سؤال هيا ال 1.6 كام حصان على كده بقا ؟؟

عربيتك ١٠٢ حصان ٨ صباب كامه واحده وده متور كويس جداً ولتعدل فى النص التانى من ١٩٩٤ بس معرفش موديل عربيتك ايه وموضوع موديل اعلى هيلخبط حاجات كتير عندك وهيدخلك فى تعديلات سخيفه جداً بس انت مش محتاج عربيتك لها مواتير كويسه جداً

المشاركة الأصلية كتبت بواسطة h.c.ronaldo

انا متشكر جداا على تواصلك معايا يا باشا اما بخصوص موديل العربيه هيا موديل 95 الموتور الابيض معني كلامك انو ممكن يتعدل بس الاحسن اني اخليني في مواتيرها احسن يعني لو غيرت متورها لي 2000 مثلا هل ده هيعيب في العربيه هيقل من تمنها ؟؟ اصل العربيه دي لسه جايه من المانيا وي دفعت فيها كتير :(

اخى الفاضل اي تعديل فى العربيه حتى لو غيرت متور بنفس سعة متورك هيقلل من ثمن العربيه فى البيع وعربيتك دى مطلوبه عن ال٣٢٠ وايوا لازم لو هتعمل حاجه صح تخليك فى مواتير موديل عربيتك وعربيتك ما دام جايه من المانيا يبقى حالتها ومتورها تمام خساره طبعاً تسلمها لميكانيكية مصر وتعكنن نفسك ببهده فى فك ونقل ملكية متور وافراج جمركى وتراخيص وضريبه هترتفع ٣ اضعاف والله اعلم المتور الجديد سليم او لا وتفك وتركب تانى بصراحه الموضوع ده تعملو لو متورك اتكسر في حادث او فوت وانتهى غير كده انصحك لا وبعدين الرادارات بتتوزع على البلد وهتركب على الكباري والطرق السريعه اتملت يعنى اي قوه فى متور مش هتفيدك واستهلاك بنزين مرتفع طيب ليه وجه الدماغ وعربيتك الحمد لله مستقره ده ملوش تمن لعلمك انت بس حافظ عليها وممكن تجيبلها mكيت اكصدامات وكساحات ومرايات سبور مثلاً وجنط m وفوانيس رنجات وزينون وتستمتع بشكل العربيه مع الحاله وبالتوفيق