انا هغير زيت و بوجيهات كمان 500 كيلو .. هتكون العربيه باذن الله لو لينا عمر كملت ال 50 الف عاوز اعرف ال mos2 anti-friction عامل كام و فايدته ايه :36_1_35[2]: و مع العلم انى بحط بنزين 95 معظم الوقت و احيانا 92 ( و لما يغلي ال95 مش هشتريه يعنى ) هههههه :rfds:اه بقي .. لما يرخص هجيبو ياريت حد يفدني شكرا مقدما
لو بتحط زيت غير ليكوي هيفرق معاك ..
لو بتحط ليكوي مش هيفرق ..
انا فعلا استعملت ليكوى مولى توب تيك وما حستش انى محتاجه ..
أنا حطيت أنتى فريكشن اللى بيضاف على زيت الفتيس وكانت النتيجة
عاااااااااااااااااادى جدا
انا دخلت علي منتديات اجنبيه و ناس كيتير قالت انه عادى و انه ميزته لو بتستخدم زيت اقل فى جودته من ليكوي مولي هتحتاجه غير كده عادى و لاحظت ان العيال بتوع الكويت اللى مشتركين فى منتديات اجنبيه بيتكلمو بيقولو انهم بيحطوه مع كل غيار زيت و انه رائع و مش عارف ايه .. استنتجت انه بيشتروه لانهم معاهم فلوس زياده عن احتياجاتهم ... انما معظم الاوروبين و الامريكان متربيين علي عدم الاسراف .. بيجيبوا اللى فعلا محتاجينه .. و هما مش بيجيبوه . بيجيبوه زيت ( اصلا نضيف و خلاص ) زى ما قالو بالتعبير بالظبط
أنا حطيت قبل كده نصف عبوة (150 مل) على زيت ليكوى مولى اللى سعره 195 جنيه (سوبر لايت لوف 10w-40) و الفرق كان بسيط يعنى السحب إتحسن شوية و صوت الموتور بقى أهدى شوية و سعر الإضافة دى 35 جنيه يعنى مش غالى قوى
على فكرة الإضافة دى هى اللى عملت إسم ليكوى مولى ده حتى إسم ليكوى مولى مشتق من الإسم العلمى للمادة دى ( ثانى كبريتات المولبيدنيوم) فإسم ( ليكوى مولى ) يعنى إختصار ل ( المولبيدنيوم السائل) بس الكلام ده من عشرات السنين و كان وقتها إختراع بجد
المؤكد إن الإضافة دى بتفيد الموتور على المدى الطويل أكثر من المدى القصير
متابع -مع انى بكرة الاضافات على الزيوت
وأنا كمان