الفيلر : هو مجموعه من الشرايح الحديد مقاسات مختلفه.
الجاب هيه الثغره .. و بتتظبط عن طريق إدخال شريحه الفيلر بالمقاس اللي انت عاوزه بين حته الحديد المعقوفه و الراس اللي تحتها مع توسيع حته الحديد المعقوفه أو تضييقها بالطرق الخفيف عليها حسب المقاس المطلوب و دي سهله ممكن تعملها بنفسك لو معاك فيلر .
طبعا لما بتتظبط طبقا لظبطه المصنع .. بتاخد أفضل أداء من الموتور لأن شراره البوجيه بتكون مظبوطه و الإحتراق بيكون مظبوط .
سألت مره طارق عن إحتماليه إن الواحد مظبطش الثغره ف قاللي إن عدم ظبطها يؤدي لإحتراق غير سليم و كمان بيأثر علي عمر الموبينه .
و طبعا كان سؤالي عشان كان ليا الشرف إن طارق غيرلي أول طقم بوجيهات في عمر العربيه و كان بتاع الفابريكه و مشيت بيه 25000 كم و خرج محروق و كان نوعه شامبيون و مهبب و حالته حاله .. و الغريب :
إننا قسنا البوجيهات اللي خارجه ولقينا 3 بوجيهات مظبوطين علي 0.9 و واحد مظبوط علي 1 .. و إستغربنا جدا .. و إستفساري اللي بطرحه حاليا :
هل البوجيه بيحتفظ بمقاس الثغره ؟ و لا من الحراره الرهيبه اللي عايشه فيها الثغره ممكن مقاسها بيتغير ؟