الموضوع: مهندس كهرباء ولا ضابط متخصص ؟!!!

لو هتكمل في مصر ومش عايز تسافر يبقى ضابط
لو هتسافر أو بتشاور عقلك يبقى مهندس

ضباط الجيش مبيسافروش بسهولة خاصة لو كانوا في مكان حساس
فكر في المستقبل مش بس الكام سنة الجايين

المشاركة الأصلية كتبت بواسطة khaled online

لو هتكمل في مصر ومش عايز تسافر يبقى ضابط
لو هتسافر أو بتشاور عقلك يبقى مهندس

ضباط الجيش مبيسافروش بسهولة خاصة لو كانوا في مكان حساس
فكر في المستقبل مش بس الكام سنة الجايين

مهو عشان كده انا عايز اعرف مين اللي مستقبله متوقع يبقي افضل الضابط ولا المهندس بالنسبة للسفر اكيد عايز اسافر بس مش كل البيتمناه الانسان بيحصل ممكن معرفش اسافر اصلا لو مدخلتش الاكاديمية

المشاركة الأصلية كتبت بواسطة diablo1231

مهو عشان كده انا عايز اعرف مين اللي مستقبله متوقع يبقي افضل الضابط ولا المهندس بالنسبة للسفر اكيد عايز اسافر بس مش كل البيتمناه الانسان بيحصل ممكن معرفش اسافر اصلا لو مدخلتش الاكاديمية

شوف تخصصك في الهندسة مطلوب في السعودية ولا لأ؟
ليا 2 صحابي مهندسين أول ما اتخرجوا سافروا السعودية -- كانوا power
السعودية تحديدا بتطلب مهندسين صغيرين في السن، حديثي التخرج

وكمان شوف لو فيه شهادات ممكن تاخدها فتعادل البكالوريوس من مصر بشهادة زيها من دولة تانية -- منين وبكام وبتاخد وقت أد إيه -- يبقى انت كده عديت :)

المشاركة الأصلية كتبت بواسطة diablo1231

انا كنت بفكر في كده بس انا بفترض ن لو الاتنين متاحيين قدامي ايه الأفضل ليا :)



في عوامل تانية تدخل في الاختيار بس مش شايفها اهم من المعيارين دول خصوصا في ظروف البلد الحالية و حضرتك عندك حق في كل اللي قلته بس انا مش من النوع اللي بيحب يخاطر اوي ..


اهلا بيك يا فندم بس حضرتك كده ضلمتها في وشي يعني انا كده لو حتي طورت من نفسي مش هلاقي فرصة للشغل وحتي لو لاقيت هيبقي المرتب ضعيف والشغل كتير , طيب ايه اللي المفروض اعمله عشان احصل علي وظيفة معقولة علي افتراض اني مقدمتش في الاكاديمية ؟؟



انا واحد صحبي والده لواء في الهيئة الهندسية خبرة اكتر من 30 سنة في الانشاءات و مرتبه مش قد كده خالص ف انا متفق معاك بس زي ما حضرتك شايف الناس مجمعة ان الدنيا صعبة ومفيش امل تقريبا انا معرفش حضرتك تقصد المرتبات عاملة ازاي بس مثلا لو انا دخلت الاكادمية المرتب هيبدأ من 3 الاف و يوصل ل 5 بعد 10 سنين زيادة مش قد كده خالص , بس انا متثبت عكس لما ابقي في القطاع الخاص و يقولي امشي مش عايزك

شوف ياباشمهندس هل الوضع سيء ؟ اه الوضع سيء جدا والبطاله رهيبه وانك تجد فرصه عمل موش جيده مجرد فرصه متواضعه بمرتب 800 جنيه شيء صعب لكن هل الدنيا ضلمه زي مابتقول؟ لا طبعا لان الشغل ده رزق والرزق علي الله وربنا بيقول اسعي ياعبد وانا اسعي معاك
لكن احنا بناخد بالاسباب والدلائل .الزميل اللي بيقول التخصص ده مطلوب وحاجه زي كده فده كان زمان كان في تخصصات بيسموها تخصصات نادره لكن مع كثرت الجامعات الحكوميه والانتشار الرهيب للجامعات الخاصه لم يعد هناك تخصص نادر بل اصبح هناك وفره في الخريجين من جميع التخصصات وطبعا لعدم وجود القطاع عام وبيع معظم شركاته وهو الذي كان يستوعب كم كبير من هذه الاعداد اصبحت هذه الاعداد الكبيره تتجه للقطاع الخاص الذي يستوعب عدد محدود فقط وطبعا نظرا لظروف البلد الجميله بعض الشركات اغلقت ولا يوجد شركات جديده .
وطبعا فكر كل خريج جامعه في اخذ دورات وكورسات ليكون متميز وبذلك اصبح معظمهم يحمل هذه الدورات لا للتميز وانما لمجرد تكافؤ الفرص
ده موش معناه الياس ابدا ده علشان لازم تفهم انك لو اخترت مهنه مهندس لازم تدرس ولازم تكون صبور لانك ان شاء الله هاتنجح لان الله لايضيع اجر من احسن عملا
لكن لو ظابط قد يكون مستقبلك محدد في قالب معين لكن سهل ومضمون علشان كده فكر كويس وصلي صلاه استخاره وتزكر دائما الرزق بيد الله وحده