الموضوع: مهندس كهرباء ولا ضابط متخصص ؟!!!

المشاركة الأصلية كتبت بواسطة khaled online

شوف تخصصك في الهندسة مطلوب في السعودية ولا لأ؟
ليا 2 صحابي مهندسين أول ما اتخرجوا سافروا السعودية -- كانوا power
السعودية تحديدا بتطلب مهندسين صغيرين في السن، حديثي التخرج

وكمان شوف لو فيه شهادات ممكن تاخدها فتعادل البكالوريوس من مصر بشهادة زيها من دولة تانية -- منين وبكام وبتاخد وقت أد إيه -- يبقى انت كده عديت :)

بس يا باشا السفر مش سهل كده ولا ايه ؟؟

المشاركة الأصلية كتبت بواسطة أحمد كمال

اوعى تخش ظابط ....... هتندم يا جميل !

ليه يا فندم :) ؟؟

المشاركة الأصلية كتبت بواسطة abdoumahros

شوف ياباشمهندس هل الوضع سيء ؟ اه الوضع سيء جدا والبطاله رهيبه وانك تجد فرصه عمل موش جيده مجرد فرصه متواضعه بمرتب 800 جنيه شيء صعب لكن هل الدنيا ضلمه زي مابتقول؟ لا طبعا لان الشغل ده رزق والرزق علي الله وربنا بيقول اسعي ياعبد وانا اسعي معاك
لكن احنا بناخد بالاسباب والدلائل .الزميل اللي بيقول التخصص ده مطلوب وحاجه زي كده فده كان زمان كان في تخصصات بيسموها تخصصات نادره لكن مع كثرت الجامعات الحكوميه والانتشار الرهيب للجامعات الخاصه لم يعد هناك تخصص نادر بل اصبح هناك وفره في الخريجين من جميع التخصصات وطبعا لعدم وجود القطاع عام وبيع معظم شركاته وهو الذي كان يستوعب كم كبير من هذه الاعداد اصبحت هذه الاعداد الكبيره تتجه للقطاع الخاص الذي يستوعب عدد محدود فقط وطبعا نظرا لظروف البلد الجميله بعض الشركات اغلقت ولا يوجد شركات جديده .
وطبعا فكر كل خريج جامعه في اخذ دورات وكورسات ليكون متميز وبذلك اصبح معظمهم يحمل هذه الدورات لا للتميز وانما لمجرد تكافؤ الفرص
ده موش معناه الياس ابدا ده علشان لازم تفهم انك لو اخترت مهنه مهندس لازم تدرس ولازم تكون صبور لانك ان شاء الله هاتنجح لان الله لايضيع اجر من احسن عملا
لكن لو ظابط قد يكون مستقبلك محدد في قالب معين لكن سهل ومضمون علشان كده فكر كويس وصلي صلاه استخاره وتزكر دائما الرزق بيد الله وحده

اوجزت يا فندم النقطة اني متقبل الاتنين الفيصل هو المستقبل والاستقرار لأني مبحبش اني اخاطر .

المشاركة الأصلية كتبت بواسطة seiffoz

فكك من الجيش و الميري ..

ليه برده ؟؟ :)

المشاركة الأصلية كتبت بواسطة sh_masry

نصيحه اخويه , ادخل الأكاديميه و اشتغل فى الميرى كظابط مهندس و خد خبره و كورسات , عجبتك حياه الميرى كمل حياتك , ماعجبتكش و لاقيت الفرص فى الحياه المدنيه و مصر بقت فى ازهى عصورها و الشغل بقى مرطرط و طبعا ده لو , لو , لو حصل مش قبل 5 سنين , ابقى استقيل على رتبه رائد او مقدم و اشتغل مهندس فى الحياه المدنيه ..... و يبقى انت كده ماسك طرفين الخيط و ربنا يوفقك

بس اني اسيب الجيش مش سهل كده لازم اعدي مدة معينة و حتي لو سبته هيبقي زيي زي الخريج الجديد لأن شغل في الجيش ملوش دعوة بالتخصص اوي

المشاركة الأصلية كتبت بواسطة hugan

نصيحه
خد النصيحه ممن تعدي السن القاانونيه للشباب
الاستقرار ثم الاستقرار ثم الاستقرار
اكيد انت فهمت انا اقصد ايه
مش هاتحس بنعمه الجيش ومميزاته غيرلما تتعدي ال40
وبعدين 90% من ضباط الجيش المهندسين بيسافروا للخارج
مرتب معقول يكفي لك حياه كريمه
وفي حاجات تانيه كتير غير المرتب الاساسي منح ومكافاءت
علاج ممتاز لاقصي درجه للك ولاولادك ولزوجتك حتي بعد خروجك علي المعاش
معاش محترم
وضع اجتماعي مميز
من الاخر مفيش حد يقدر يكلمك
مجرد احساسك بالامان في مصدر دخللك وثباته
نعمه لاتقدر بمال

ده اللي مخليني مقبل و عايز ادخل الاكاديمية عشان الاسقرار والخدامات بتاعت الجيش لأاني شايفها .

المشاركة الأصلية كتبت بواسطة hesham ahmed

الفكره ... هتقدر تتحمل الحياه العسكريه و قرفها

انا بالنسبالي دي مش مشكلة كبيرة والدي ضابط ده طبعا بعيد كل البعد عن الحياء العسكرية بس يعتبر عندي الاساسيات :)

المشاركة الأصلية كتبت بواسطة samyyousef

رأي حضرتك له وجاهته و اتفق معه الا في نقطة (وضع اجتماعي مميز و مفيش حد يقدر يكلمك) فالمفروض في كل دول العالم المتحضر أن ضباط الجيش لا يحتكون بالحياة المدنية الا في الندر القليل و بالتالي ليس هناك مجال لأن حد يقدر يكلمه او ما يقدرش....و المفروض ان احنا دخلنا عصر جديد الكل فيه له وضع مميز و محدش يقدر يكلمة...لذلك يبقى في المفاضلة مدى القدرة على تحمل الحياة العسكرية و نيه خدمة الوطن ....بالاضافة الى المزايا الأخرى التي تكفلها القوات المسلحة لابنائها....او الحياة المدنية التي لا تخلو من مزايا و لا تخلو من المخاطرة
تقبل تحياتي

محتاج حضرتك تغير ثقافة ناس بقالهم معايشين علي كده 30 سنة صعب في وقت قصير تغيرها

المشاركة الأصلية كتبت بواسطة أحمد كمال

المشكلة اما كمان خمس سنين و لا عشر سنين تلاقي دفعتك بقى مدير كبير و واحد تاني سافر برة و مرتبه ما شاء الله و انت مزنوق في الجيش اللي مرتبه في قالب لا يخرح عنه و كمان لو خرجت معاش و انت 40 و لا 45 سنة و لقيت خبرتك العملية و العلمية اقل بكتير من نظيرك المدني اللي بقالي اكتر من 20 سنة بيتنقل من شركة لشركة و بيتعلم حاجات كتير فمفيش شركة ساعتها هتشغلك بنفس وضعه الوظيفي


انا مع فكرة دخول الاكاديمية لو انت في كلية نظرية او في كلية مستقبلها محدود انما المهندس و بالذات الكهرباء مستقبله واعد بغض النظر عن الظروف الراهنة للبلد ....... و بلاش التشاؤم في موضوع السفر مش كل السفر بواسطة و ناس كتير سافرت من غير واسطة و مبسوطين و مرتاحين الحمد لله

كلام حضرتك مقنع جدا :)

المشاركة الأصلية كتبت بواسطة motoxp

السلام عليكم

اخوك مهندس كهرباء خريج حلوان 2010

اولا مين اللى قال مرتب المهندس الحديث 300 و لا حتى 800 كل ده كدب بصراحه

المرتب الحقيقى starting من 1200 - 1500 حسب الشركة و نوع الوظيفه

ممكن فى البدايه تبدا مهندس sales بس كام شهر ربنا هيكرمك باحسن

المرتبات بتضبط بعد 3 سنين خبرة قبل كده تبقى ضعيفه الا لو شركة مالتى ناشونال بيبقى ليها حساب تانى طبعا

السفر موجود و كتير بس محتاج خبرة فاصبر شويه

انا راى بلاش حوار الجيش انت بره هتعرف تتطور و مرتبك هيزيد جامد و انت خريج هندسه برضه وممكن ربنا

يرزقك بسفريه تضبط معاك الدنيا

ده مجرد راى شخصى عن خبرات سابقه مع ناس كتير قد يحتمل الصواب او الخطا

وربنا يوفقك

منور يا باشا , يعني الشغل معقول المرتبات معقولة مش الحاجت الغريبة اللي بسمع عنها؟؟ , انا مش اقصد آلافات بس مش 300 و 400 جنيه , وعلي المدي البعيد يبقي مرتب محترم و مجزي

مين اللي قال لحضرتك ان المرتبات 300 و 400
الفني في شركه صغيره بياخد علي الاقل 1500 جنيه
و اغلب الشركات بتدي مرتب للمهندس الكهربا الفريش مش اقل من 2500
انا هندسه اتصالات حلوان دفعه 2002 ورائد مهندس بالقوات المسلحه حاليا
وبأختصار مفيش مهندس داخل القوات المسلحه عاوز يكمل خدمه فيها
يبقي انت عاوز تروح برجليك
براحتك