الموضوع: تقرير كامل عن اسبرنزا a516

السلام عليكم ورحمة الله وبركاته


طبعا ان شاء الله انا هعمل تقرير كامل دلوقتى عن اسبرنزا a516 اكيد هقتبس حجات من مواضيع تانية وهقول حجات فيارب يعحبكم


طبعا ناس كتير بتقلق من العربية وتقولك دى صينى ياعم ونزل منها تاكسى xD

طب نتكلم الاول عن موضوع التاكسى مهو الفيرنا نزل منها تاكسى :D

والشاهين واللادا و غيره وغيره :D ده بيدل ان العربية تستحمل بهدلة التوصيل والمشواير :D


تعالو بقى نشوف التقرير ونقول بسم الله الرحمن الرحيم :

الموتور :
السيارة مزودة بمحرك ACTECO من إنتاج شركة شيرى الصينية بعد تطويره من قبل شركة AVL النمساوية ذات الباع الطويل فى تصميم محركات السيارات لأشهر الموديلات العالمية
سعه المحرك 1.6 لتر و يتكون من 4 اسطوانات و كل اسطوانه مزوده ب 4 صبابات(16 صباب اجمالى) و المحرك مزود ب 2 كامه علويه DOHC و تصل قوه المحرك الي 117 حصان عند 6300 لفه / الدقيقه و بعزم يصل إلى 14.3 كجم عند 4500 لفة فى الدقيقة و يتم تغذيته بالوقود بنظام الحقن متعدد النقاط.
السياره مزوده بصندوق تروس يدوي مكون من 6 سرعات ( 5 سرعات امامي و سرعه خلفي )

ملحوظة : الناس تقولك سحب العربية مش تمام هنقول ليه انت تعرف ان وزن العربية طن و400 كيلو يعنى 1400 كيلو وموتور 1600 :D
طب تعالى نحلها جرب كده انقل الغيار على RPM 3.5 &4 هتلاقى السحب تمام وده برده انك تعتنى بلمتور تغير الزيت وتنضيف الحسسات والفلتر وكل الحجات دى بتأثر على السحب
[


http://www.egycar.net/wp-content/upl...8%B2%D8%A7.jpg

الباور :
باور هيدروليك عادى وليس كما يقال انه كهربائى لكن ادائه عالى والتحكم فيه رائع جدا وانا شايفه ممتاز بصراحة


الفرامل :
نظام فرامل عالى الجوده يدعمه وجود انظمه امنه زى الABS و EPD وادئها اكثر من ممتاز



الثبات :
عالى جدا حتى 150 ( وانت مش هتحتاج تجيب اكتر من كده بصراحة ) وبعد كده ممكن تحس انها مش ثابته اوى ومتنساش ان وزن العربية 1400 كجم




العفشه :
ممكن نتعبرها مش اوى لانها ناشفة اوى ألا لو انت هتظبتها وتعدلها لو موديل عربيتك قبل موديل 2011 لان بعد 2011 التوكيل (ابو الفتوح) عدل العفشة


السياره من الخارج :

ما شاء الله شكلها حلو وناس مسمينها الوزة بس مش عارف ليه xD




السيارة من الداخل بقى : ( بعض الكماليات )



صالون كويس جداً وواسع جداً والشنطلة واسعة جداً نقول بقى الكماليات اللى جوه اولا اماكن تخزين حلوة اضائة كويسة فتحة تكيف فى الخلف عند الكنبة و التكيف حلو لو مش هتركن العربية فى الشمس وبعدين تتحرك بيها لان مواسير التكيف بتكون ممتصة حرارة جامدة يعنى التكيف نديله 7من 10 لو الصبح و 9 من 10 لو بليل و كمان السائق يقدر يتحكم بقفل العربية والزجاج من التحكم عنده ووممكن يعدل وضع الدركسيون وتقدر تفتح التنك والشنطة من جوه احزمة امان متعددة المستويات فى مكان العدادات فى لمض تبينلك حالة العربية ولووجود اى عطل فيها




الكاسيت ونظام الصوت :


ده اخر سبتها لان ده اللى معقدنى xD
و السبب هو كاسيت كالروين بس تم تعديل الكاسيت فى موديلات 2011 الى الان
لان العدسة بتعته مش بتستحمل ومفيش مخرج usp ولا aux الا لو هتعدل وتركب انت وصلة فى ظهر الكاسيت وغير كده السمعات مش تمام اوى وان شاء الله انا هشوف حل قريب لموضوع الكاسيت وقولكم عليه



بس نيجى فى الاخر نقول العربية حلوة لان سعرها معقول وبتكفى الغرض و فى نفس الوقت ثبات وامان جيد جداً و انت وتعاملك معاها بقى وانا شخصياً بشر فيها جداً واديها كسيارة 10من 10
مع المشاكل الخفية اللى ممكن تتظبط

ودمتم سالمين

المشاركة الأصلية كتبت بواسطة bassemali

موضوع ممتاز .... شكرا ليك.

مشكور يا باشا على مرورك