ريموت ومفاتيح الصنى

**nadimamir** · 10-07-2008 04:01 PM

أنا عايز أسأل هل لازم أغلق السياره بواسطه الريموت عشان Alarm يبقى شغال؟، أى لو أغلقت السيارة بالمفتاح فقط هل الـ Alarm يشتغل؟
وأصلا هل السيارة بها جهاز إنذار ضد السرقة؟ حيث أننى قد سمعت كلام كتير بخصوص هذا الموضوع. برجاء الإفادة.

أنا سألت على سعر الريموت الإضافى فى التوكيل قالولى فى حدود 650 جم، فأعتقد أن سعره غالى جدا خصوصا أنك لا يمكن أن تغلق زجاج السيارة بواسطته. وأعتقد أيضا أننى يمكن أن أدفع أقل من هذا السعر وأشترى ريموت نظيف ويغلق زجاج السيارة، أيه رأيكم يا جماعة؟! طبعا العقبة هى التوكيل حيث أنه يقول أن الضمان سوف يسقط إذا ركبت ريموت جديد خارج التوكيل.

وبالنسبة للمفتاح النبيتى، هل ممكن أطلع عليه ويبقى المفتاح الجديد زى النبيتى بالضبط (أى لو أنا قافل lock الشنطة وأعطيت هذا المفتاح للسايس مثلا فهل يستطيع أن يفتح الشنطه بهذا المفتاح.؟!)

أشكركم مقدما على ردكم الكريم
نديم أمير

**loai-omar** · 10-07-2008 04:22 PM

المشاركة الأصلية كتبت بواسطة nadimamir

أنا عايز أسأل هل لازم أغلق السياره بواسطه الريموت عشان Alarm يبقى شغال؟، أى لو أغلقت السيارة بالمفتاح فقط هل الـ Alarm يشتغل؟
وأصلا هل السيارة بها جهاز إنذار ضد السرقة؟ حيث أننى قد سمعت كلام كتير بخصوص هذا الموضوع. برجاء الإفادة.
أنا سألت على سعر الريموت الإضافى فى التوكيل قالولى فى حدود 650 جم، فأعتقد أن سعره غالى جدا خصوصا أنك لا يمكن أن تغلق زجاج السيارة بواسطته. وأعتقد أيضا أننى يمكن أن أدفع أقل من هذا السعر وأشترى ريموت نظيف ويغلق زجاج السيارة، أيه رأيكم يا جماعة؟! طبعا العقبة هى التوكيل حيث أنه يقول أن الضمان سوف يسقط إذا ركبت ريموت جديد خارج التوكيل.

وبالنسبة للمفتاح النبيتى، هل ممكن أطلع عليه ويبقى المفتاح الجديد زى النبيتى بالضبط (أى لو أنا قافل lock الشنطة وأعطيت هذا المفتاح للسايس مثلا فهل يستطيع أن يفتح الشنطه بهذا المفتاح.؟!)

أشكركم مقدما على ردكم الكريم
نديم أمير

استاذ نديم

العربيه فيها انذار ايوه بس من غير سينسور ...

و سعر طبعا السينسور في التوكيل غالي و بارضو سعر الريموت اغلى

انا ركبت جهاز انذار وولف... و ريخت دماغي و 2 ريموت

الزجاج بأه ايلي بترفع .. دي حاجه اسمها وحدات الرفع بتركبها.. الاربع ابواب ب 100

ماهو بارضو لو عايز يفتح الشنطه حيفتحها من جوا العربيه!

بص

انت ركب لنذار ب ريموتين جداد
و وحدتين رفع - كل وحدة رفع لبابين -

و شيل الريموت الأصلي عندك

**nehadh** · 10-07-2008 09:54 PM

اعتقد ان الافضل الرجوع الى دليل السيارة
حيث ان الريموت المركب بالعربية من النوع الذى يحمى العربية ضد السرقة حيث يوقف تشغيل المحرك فى حالة استخدام اى مفتاح اخر
موضوع ان ما فيش انذار يصدر صوت موجود فى النيسان وماركات اخرى عديدة

**sasoha** · 11-07-2008 03:53 AM

السلام عليكم ارجو الافادة حول ترخيص السيارة نيسان صني الزيرو, انا سمعت انها تتكلف من 400 الي 500 جنية شامل الضريبة و الدمغات هل هذا الكلام صحيح و شكرا

**sab3aawy** · 11-07-2008 06:14 PM

بص يا سيدى:

لو كان الانذار شغال وفتحت العربية بالمفتاح الأصلى-مجربتهاش بمفتاح عمولة-بيلغى الانذار، وترجع تقفلها بالمفتاح الأصلى يشتغل الانذار تانى

ثانيا: العربية فيها جهاز انذار ضد السرقة بيعمل لو اى باب من الأبواب الأربعة اتفتح وهو شغال (بيشتغل لما تعمل lock بالريموت، او تقفل بمفتاحها لو انت اصلا كنت فاتحها بمفتاحها وقبلها كان الانذار شغال) ، وهو بيشتغل على الكلاكس وبيضرب كلاكس متقطع متتالى

المفتاح النبيتى انا حتى هذة اللحظة مش عارف ايه الفكرة اللى فيه اللى بتخليه ميفتحش الشنطة لأنى حطيته على المفاتح الاسود والتنين سنانهم زى بعض بالمللى بدون ادنى فرق، وبالتالى لو فيه حاجة الكترونية او مغناطيسة فى اى من المفتاحين هى اللى بتخلى واحد فيهم يفتح الشنطة والتالى لأ فمعنى كدة ان اى مفتاح منسوخ غالبا هيكون زى واحد فيهم فقط ايا كان المفاتح اللى انت هتنسخ منه، بس هل فى النهاية هيفتح الشنطة وللا لأ الله اعلم، لابد من التجربة

بيقى تعليق اخير على رد صديقنا لؤى عمر بخصوص فتح الشنطة من جوه، ان مصممى الصنى خطرت لهم برضه الفكرة دى ولذلك هم عاملين سقاطة فى قفل الشنطة لو انت قفلتها الشنطة فى هذة الحلا لا تفتخ بالريموت ولا بالزارز الداخلى ، او باختصار لا تفتح كهربائيا، والسبيل الوحيد لفتحها هو المفتاح الأسود فقط لا غير، يعنى لو انت عايز تسيب العربية لحد وتسب اشيائك الهامة فى الشطنة تقدر تفتح الشنطة وتنزل السقاطة وتديله المفتاح النبيتى، وفى هذة الحالة لا سبيل الى فتح الشنطة

**loai-omar** · 11-07-2008 10:15 PM

باشمهندس سبعاوي اشكر لحضرتك هذه المعلومة

بس كنت عايز اعرف السقاطه دي مكانها فين بالظبط؟

**WalidAdel** · 11-07-2008 11:12 PM

المشاركة الأصلية كتبت بواسطة loai-omar

باشمهندس سبعاوي اشكر لحضرتك هذه المعلومة

بس كنت عايز اعرف السقاطه دي مكانها فين بالظبط؟

مكانها في الكالون نفسه بتاع الشنطه

يعني افتح الشنطه كده حتلاقي الكالون في باب الشنطه و الدراع علطول

**WalidAdel** · 12-07-2008 12:13 AM

الله يخليك ياباشا :)

**amir** · 12-07-2008 12:50 AM

طيب ممكن سؤال علي الصني عالماشي كده:
لو العربيه اوتوماتك لما اجي اركن هل ينفع كل مره ادوس علي الزرار الحمر و اجيب الفتيس علي الn ولا كده يبوظ ولا حاجه؟!!
اصل مينفعش في مصرنا العزيزه اني اسيب عربيه اوتوماتك علي ال P علشان اول ما ييجي اللي قدامي او اللي ورايا طالع و يريح علي العربيه(الموضوع ده بشوفه كتير بالذات الستات حاجه تفرس) ساعتها هاخسر الفتيس ولا ايه يا جماعه
ارجو الافاده لأني ان شاء الله هجيب صني اوتو او لانسر اوتو