انا كنت هقول كده برضه هو ده الصح:plusone1:
عرض للطباعة
مجرد ماتقف وانت دايس دبرياج وفرامل شد الهاند بريك
وبعدين مور العربيه عادى وشيل رجليك وريح نفسك وريح الاسطوانه
واول ما الطريق يتحرك عشق الاول واول ماتحس ان العربيه بتلقط نزل الهاند
وكرر حسب الوقفات
هي الصعوبة ان يكون مطلع الكوبري بيمشي خطوة ويقف .... مش هتلحق كل شوية تحط هاند وتعشق وتطلع وبعد كده هاند وتعشق وتتطلع ........ هيكون اللي وراك هراك شتايم
انت حاول توازن فرامل ودبياج مع بعض ........ يعني مثلا الكبري وقف ... طبعا انت هتكون دايس فرامل ودبرياج مع بعض علشان العربية تقف وما تطفيش ..... خليك دايس فرامل عادي وارفع رجلك من على الدبرياج لحد ما تحس ان العربية هتطلع .. شيل رجلك من على الفرامل هتلقيها طلعت علطول .... دوس فرامل تاني العربية هتقف بس هترعش شوية -مش مشكلة - ارفع رجلك من على الفرامل هتلاقيها بتمشي .. كأنك عملتها اوتوماتيك .. كل ده طبعا ورجلك ثابتة على الدبرياج بمعيار محدود ........ ( جربها مرة وانت واقف عادي مش على مطلع هتلاقيها سهلة اوي وحلوة في الزحمة )
شكرا لكل الردود بس هو موضوع بنزين ودبرياج ده انا حاسس ان صعب شوية وخصوصا ان لو مظبتهاش صح العربية هتريح منى
لازم ادرب عليه كويس بس
مور وشد الهاند بس خلاص.
يا حبيبى زى ما قلت ليك من الاول لازم تتعود توازن بين دواسه البنزين والدبرياج وانته طالع جبل--بعد كدة بقه تشد فرامل يد متشدهاش-مش فارقه-شوف انا عندى 42 سنه وبسوق وانا عندى 15 سنه--لازم تتعملم دى الاول وهيه سهله جدا بس تتعود عليها
اهم حاجة تعرف التكنيك الصح وهو حاجة من اتنين يا تشد الهاند وتمور وترجع تعشق والنقلة تلقط بعدين تنزل الهاند وتمشى وهكذا ..
يا اما تقف بفرامل عادية وتمور وتطلع تانى بسرعة من غير ما تريح على اللى وراك هتظبط رجلك بحيث مجرد ما الطريق يفتح رجلك الشمال على الدبرياج وتسيب الفرامل وتدوس بنزين وتطلع بسرعة ( الفرامل هنا بدل فرامل اليد بس الفكرة انك هتكون محترف شوية وكأنك بتدوس على ال3 دواسات في نفس الوقت من السرعة )
الحل التالت اللى اوعى تعمله مع انه محتاج محترف برضه انك توقف العربية بالدبرياج من غير فرامل خالص ( يعنى تخلى عزم المنحدر للخلف مساوى تماما لعزم العربية للامام ) واول ما تحب تطلع تزود عزم العربية بالبنزين وترفع من على الدبرياج ، الحل الاخير ده غلط وبيبوظ طقم الدبرياج والعربية
الطريقة الاولى اسهل بس الفكرة في الطريقتين انها محتاجة سرعة ودى ما تجيش غير بالتعود والممارسة
جرب اعملها الاول في شارع عادى او منزل جراج واتعود عليها كتير