يجماعه محتاج مساعدتكم في مشكله عندي في فرامل الفيرنا ومفيش حل

السلام عليكم:دلوقتي يجماعه انا كان عندي رجه شديده جدا جدا مع الفرامل . بس البدال عادي مش بيرتعش . بس الطاره بتتهز في ايدي بطريقه غير عاديه والعربيه كلها بتترجرج لدرجه ان الازاز بيرزع جاااامد المهم قمت نازل وشاري طقم تيل ب125 جنيه و اشتريت الطنابير الماني ب 220جنيه المهم روحت وركبت الحاجه بس الكلام ده قبل الوقفه بيوم وطلعت وجربت وكانت العربيه تمام جيت تاني يوم في الوقفه وطالع بجرب العربيه عادي وكانت المفجاه هوه هوه العيب بل زاد اكتر من الاول وبعدين كمان لون الطنابير بدء يميل للون كده غريب كان المعدن بتاع الطنبوره بيحمر او بيغير في لونه المهم بقه النهارده بدات الطنابير بصوت تزييق مع وجود الرجه زي مهيه مع تزايد مستمر المشكله اني لو عديت سرعه ال 100 سواء جري او مشي عادي لازم ترجرج انا بجداحترت ومش عارف اعمل ايه افيدوني وشكرا

ايه يجماعه هوه مفيش حل للمشكله دي ولا ايه

و عليكم السلام و رحمة الله و بركاته
حضرتك مشكلتك بعيدعن الطنابير و التيول
المشكله في العفشه لازم تروح لعفشجي يكشف علي بارات و بيض الدركسيون و يتمم علي علبة الدركسيون
و رجلش أفيز عمود الدركسيون (القطمه)
سؤال بسيط أيه الطنابير اللي بـ220 دي ؟؟!!
متابع معاك إن شاء الله
و بالتوفيق

ممكن يكون حاجه فلكاوتش او الجنوط او العفشة

جرب تضبط زوايا وترصيص

انتا كشفت علي الاربع مساعدين الاول ..
طيب بالنسبة للون الطنبورة ( فضي ) وبعد كده بيتغير لونة نتيجة للاحتكاك
انتا قولت مافيش رجرجة مع الفرامل .. يبقي دي مش طنبير ولا تيل اصلا

هل لو انتا ماشي مثلا علي 80 وفرملت .. الدركسيون اية اخبارة .. يعني بيروح في حتة واحده والا ثابت فمكانة
لو بيروح .. اعرف ان فية شيء في (( الاسكاترا )) علبة الدركسيون .. ولو في إتجاة واحد بس .. ممكن يكون (( الكاوتش -- ممكن تبدل الفردتين مكان بعض )) او بارة من بارات الطرف او البيض بتاعها .. (( تشيك بس )) ما تغير حاجة من غير سبب
طيب اخبار الترصيص اية ..
قولي وانا افيدك إن شاء اللهِِ

السلام عليكم:انا روحت فعلا للعفشجي وقالي العفشه الحمد لله سليمه لاني كنت مغير كل الحجات دي اصليه قبل كده ومكملوش السنه وهوه فعلا خلاني اكشف على الكاوتش وفعلا لقينا الاربع فرد ضايعيين وهوه قالي الغربله وهيه ماشيه ده عيب الكاوتش وكشفت على الجنووط سليمه والحمد لله وبالنسبه لما بضرب فرامل العربيه مبتحدفش في اي اتجاااه هيه المشكله كلها في الفرمله يعني مثلا لو انا ماشي طريق طويل زي الدائري ومثلا فضلت ماشي 100 او 120 شويه العربيه بقى تبدا في الرجرجه بس مش اول مجيب الميه على طول يعني 5 دقايق مشي على السرعه دي والبهدله تبدا بقى اهدي عن ال80 وارجع اعلى تاني الرجه تبدا بس في الطاره والعربيه بيحصل في هزه كده جااامده وهيه المشكله كلها ان الفرمله بترعش في الطااااره جامد

اقتباس:

---

المشاركة الأصلية كتبت بواسطة unks

السلام عليكم:انا روحت فعلا للعفشجي وقالي العفشه الحمد لله سليمه لاني كنت مغير كل الحجات دي اصليه قبل كده ومكملوش السنه وهوه فعلا خلاني اكشف على الكاوتش وفعلا لقينا الاربع فرد ضايعيين وهوه قالي الغربله وهيه ماشيه ده عيب الكاوتش وكشفت على الجنووط سليمه والحمد لله وبالنسبه لما بضرب فرامل العربيه مبتحدفش في اي اتجاااه هيه المشكله كلها في الفرمله يعني مثلا لو انا ماشي طريق طويل زي الدائري ومثلا فضلت ماشي 100 او 120 شويه العربيه بقى تبدا في الرجرجه بس مش اول مجيب الميه على طول يعني 5 دقايق مشي على السرعه دي والبهدله تبدا بقى اهدي عن ال80 وارجع اعلى تاني الرجه تبدا بس في الطاره والعربيه بيحصل في هزه كده جااامده وهيه المشكله كلها ان الفرمله بترعش في الطااااره جامد

---

ايوة انا عارف اللي انتا بتشتكي منة ده
عادي يعني ممكن تبصلي علي الزوايا ورا مش قدام .. وخصوصا الاكسات اليمين والشمال ..شوف اخبار خشونة البلي بتاعهم هية ..
اسمع اللي با قولك علية
فية عندك بلية خشنة ( عارف ان مافيش صوت ) وعارف ان ده مش عيبة بلي عجل ..
انا با قول الصرة الخلفية للعجل ... وده بيكون اختبار بيعملة عفشجي (( قراري وفاهم )) بيرفع العربية من ورا وبيلف العجلة بإيدة ويقولك ....

دا يبا الجنوط عايزا ترصيص

اقتباس:

---

المشاركة الأصلية كتبت بواسطة sameh fillys

دا يبا الجنوط عايزا ترصيص

---

((يبا))طيب ولو رصص الاربعة وعملت نفس المشكلة ..(( دة وصفة للمشكلة بيقولك بعد 110-120 كيلو بتبقي كويسة وبعد كده تغربل ولازم ينزل لل80 )):36_1_31:
الموضوع مش ترصيص ...:mahf(5):
ودومتم:36_1_37[1]:

انا برضو كشفت على الجنووط والترصيص كلو كويس بس تقريبا مكشفتش على صرر العجل الخلفيه هيه دي ممكن تكون الصره وتعمل الغربله الجامده دي بس ازاي بحس بيها في الطاره جامد اوي كده

السلام عليكم:انا روحت يجماعه للعفشجي وبصيت على العربيه تاني وبصيت على الصرر لقيناها كويسه المهم الراجل طلع جرب العربيه معايه ولقى العربيه فعلا بتغربل جاااااااااامد المهم انا كان معايه في العربيه طقم طنابير اصلي كان التوكيل مغيروه فكنت شايله استبن المهم شيلنا الطقم اللي فيها وركبنا ده وطلعت وجربت وشويه برضو يدوبك عديت ال 120 ومفيش 5 دقايق وبرضو الغربله اشتغلت تاني بس الكلام ده وانا مروح والراجل قالي لوعملت تاني نفس العيب تجيلي بكره تاني انا بصراحه زهقت وشكلها كده مفيش حل

حضرتك يا ريت تحدد الوصف
في الأول كانت مع الفرامل و بعد كده بقت بعد خمس دقايق مشي ؟؟؟ هي مع الفرامل و لا المشي
و هل الغربله دي بتتمثل في رجرجه و رعشه في الطاره و لا وصفها أيه

انت بتقول الكاوتش وحش يبقى غيره و روح رصص على الحصان الفيرنا مالهاش غير ترصيص الحصان

اقتباس:

---

المشاركة الأصلية كتبت بواسطة ahmedcar

انت بتقول الكاوتش وحش يبقى غيره و روح رصص على الحصان الفيرنا مالهاش غير ترصيص الحصان

---

لاموأخذه يا حمادة ... انا مش عارف اية ترصيص الحصان دة ..
منك نستفيد

انا حفهم حضرتك دلوقتي انا لما باجي طالع طريق طويل يعني مثلا انا حاخد الدائري تمام حنفترض اني طالع من المعادي لغاية مدينة نصر تمام انا دلوقتي خلاص طلعت الدائري والطريق فاضي ومشيت على سرعه 120 وفضلت ماشي عليها لمده خمس دقايق جيت بقى افرمل علشان اهدي الاقي العربيه بدات في الغربله والغربله في الطاره والعربيه بيحصل فيها هزه واول مسيب فرامل كل حاجه ترجع تاني اجي ادوس تاني الغربله في الطاره والعربيه تبدا تتهز تاني انا في صنيعي عند العفشجي قالي ده ممكن يكون صلايب كوبلن داخلي بس انا معرفهاش ولا اعرف مكانها فيين ودي ممكن ايه اللي يبوظها

ممكن تشوف الاسكاترا جايز يكون فيها مشكله وممكن تشوف عفشجي تاني يحاول يبص عليا معاك ربنا هتتحل انشاء الله

اقتباس:

---

المشاركة الأصلية كتبت بواسطة verna2008auto

لاموأخذه يا حمادة ... انا مش عارف اية ترصيص الحصان دة ..
منك نستفيد

---

الحصان ده جهاز بيرصص الكاوتش و هو راكب فى العربيه موجود فى بنزينه موبيل اللى على اول يوسف عباس و بصراحه العربيه ماحستس بتغيير فيها غير لمابرصص عنده

اقتباس:

---

المشاركة الأصلية كتبت بواسطة unks

انا حفهم حضرتك دلوقتي انا لما باجي طالع طريق طويل يعني مثلا انا حاخد الدائري تمام حنفترض اني طالع من المعادي لغاية مدينة نصر تمام انا دلوقتي خلاص طلعت الدائري والطريق فاضي ومشيت على سرعه 120 وفضلت ماشي عليها لمده خمس دقايق جيت بقى افرمل علشان اهدي الاقي العربيه بدات في الغربله والغربله في الطاره والعربيه بيحصل فيها هزه واول مسيب فرامل كل حاجه ترجع تاني اجي ادوس تاني الغربله في الطاره والعربيه تبدا تتهز تاني انا في صنيعي عند العفشجي قالي ده ممكن يكون صلايب كوبلن داخلي بس انا معرفهاش ولا اعرف مكانها فيين ودي ممكن ايه اللي يبوظها

---

انت بصيت على الطنابير الخلفيه شوفتها سليمه ولا فيها ريجه انت كلامك كده مايخرجش عن الطنابير امامى او خلفى

اقتباس:

---

المشاركة الأصلية كتبت بواسطة AHMEDCAR

الحصان ده جهاز بيرصص الكاوتش و هو راكب فى العربيه موجود فى بنزينه موبيل اللى على اول يوسف عباس و بصراحه العربيه ماحستس بتغيير فيها غير لمابرصص عنده

---

أفادكم الله ....

انا فعلا بصيت على الطنابير اليوم االي قبل الوقفه روحت علشان ارجلش الفرامل بس الميكانيكي سالتو حالت التيل ايه والطنابير قالي كويسين وبعدين نفخ في الطنابير بالهواء ونفخ في الاتيال برضو وجاب حته صنفره صغيره وصنفر الطنابير والتيل وركبهم والهاند بقت شديده جدا