صوت تزييق فى العجله الخلفيه

**Dr Kento** · 07-11-2012 12:17 AM

السلام عليكم انا جديد فى السواقه والعربيات ويادوب لسه شارى عربيه من شهر دايو لانوس 2006 هى العربيه حالتها حلوه بس بقالها شهر معايه محصلشى فيها حاجه وامبارح شميت ريحة شياط فى العربيه والفرامل بعدها بدات تسيب طبعا قلقت وروحت البيت تانى لتكون مشكله كبيره واخويه بيفهم على قده فى الحاجات دى قام مفضى الهوا فى الفرامل من ورا العجله اللى كان فيها شياط الفرامل اتحسنت كتير بس النهارده الصبح سمعت صوت تزييق فى العجله الخلفيه وهى نفس العجله اللى كان فيها الشياط رحت على طول لعفجشى طبعا معرفشى مدى كفائته فك (الطنبورة ) تقريبا اللى بتتربط فيها العجله ورحت مسحتها سنفره ولقى التيل بتاع الفرامل كويس وعمل العجلتين كدا وروحت لقيت الصوت بيزيد تانى رجعتله قالى التيله لسه بتحك عشان سنفرنا الطنبوره بس الصوت بيزيد ومضايقنى قوى اخويه بيقول شكلها البلى بتاعها باظ م السخونه اللى حصلت والصوت مضايقنى قوى لدرجه انى بتنرفز وانا بسوق جدا ياريت تفيدونى و بارك الله فيكم ولكم ورزقكم من كل خير وعلى فكره الصوت متناسق مع لف العجله بس مش فاهم فين المشكله ولو البلى بايظ العفشجى مقليش انه بايظ ليه وكمان كان قدامه عربيات كتير شغال فيها يعنى شكله معروف برضو مش صنايعى جديد بجد نفسى افهم وشكرا

**مصطفى دايو** · 07-11-2012 02:04 AM

هتلاقى بلية العجله خشنه عشان تتاكد ارفع العجله ولفها بايدك هتلقيها خشنه مصطفى دايو

**Dr Kento** · 07-11-2012 04:17 AM

اوك هعمل كدا بكره ان شاء الله وشكرا على الرد

**tarek_2005** · 07-11-2012 10:17 AM

دي المسامير الي بتربط العجلة فيها واحد طويل بيحك مع اللفة خفهم علي حجر جلخ
ولو عايز تتاكد هوي المسامير وارفع العجلة ولفها الصوت هيختفي

**Dr Kento** · 07-11-2012 03:15 PM

السلام عليكم انا رفعت العجلة النهارده ولفتها لقيت صوت التزييق دا قمت مريح المسامير ولفيت مسمعتش اى صوت و ان شاء الله كلام الاستاذ طارق يكون صح مية الميه أحييك على فكرك العالى بس أيه حجر الجلخ دا بيكون فين وياترى اشتريه ولا اوديهم لواحد يعملهم واشكر الاستاذ
MITSUKERO على الاهتمام وان شاء الله هبلغكم بالنتيجه بس فيه سؤال تانى بعد اذنكم ليه المسامير اللى فى العجله متلونه ازرق واللى فى العجله اللى الناحيه التانيه متلونه اصفر هل دا ليه هدف معين ؟